ໂລກງຽບເຫງົາ

ລູກເມືອງພວນ

ນັບຕັ້ງແຕ່ ເວນິດ(Venice ) ອີຕາລີ, ປາຣີ (ຝຣັງເສດ) ຈົນເຖິງ ບາງກອກ  (ປະເທດໄທ), ຮ່າໂນ້ຍ (ຫວຽດນາມ)…ທີ່ເຄີຍເປັນຕົວເມືອງທີ່ຄຶກຄັກເຕັມໄປດ້ວຍຜຸ້ຄົນ ໄດ້ກາຍເປັນສະເໝືອນເມືອງຮ້າງຍ້ອນໄວຣັດໂຄວິດ-19.

ເມື່ອມີພະຍາດໂຄວິດລະບາດ ບັນດາຕົວເມືອງໃຫ່ຍໆໃນໂລກກໍງຽບເຫງົາລົງ, ຖະໜົນຫົນທາງທີ່ເຕັມໄປດ້ວຍຜູ້ຄົນກໍມິດສະໜິດ ແລະ ແຜນການຕ່າງໆທີ່ໄດ້ຂຶ້ນແຜນໄວ້ກໍຢຸດຕິການເຄື່ອນໄຫວ ຫຼື ຍົກເລີກໄປ, ‘’ຍົກເລີກທຸກແຜນການທ່ອງທ່ຽວ’’ ນັ້ນຄືຄຳຕັກເຕືອນຕໍ່ນັກທ່ອງທ່ຽວ. ຈຶ່ງເຮັດໃຫ້ທຸກການທ່ອງທ່ຽວໃນທົ່ວໂລກຢຸດຕິລົງ.

ພາບຂ້າງລຸ່ມນີ້ ໃຫ້ເຫັນຄວາມງຽບເຫງົາຂອງຫາດຊາຍ ນາງ, ກະບີ່ ປະເທດໄທ ຊຶ່ງເມື່ອກ່ອນເຕັມໄປດ້ວຍນັກທ່ອງທ່ຽວ ແຕ່ມາບັດນີ້ີ ໄດ້ປິດຫາດລົງ. ໃນເມື່ອກ່ອນແມ່ນມີນັກທ່ອງທ່ຽວຈີນມາທ່ຽວຢ່າງຫຼວງຫຼາຍ ແຕ່ເມື່ອມີພະຍາດໂຄວິດ-19 ລະບາດຂຶ້ນໃນທ້າຍເດືອນ 12/2019 ຜ່ານມາ ກໍໄດ້ກາຍເປັນຫາດຊາຍຮ້າງທີ່ງຽບເງົາ. ອົງການທ່ອງທ່ຽວຂອງໄທ ຄາດຄະເນວ່າ ນັກທ່ອງທ່ຽວຈະຫຼຸດລົງເຖິງ 6 ລ້ານເທື່ອຄົນ ຍັງເຫຼືອພຽງແຕ່ 33,8 ລ້ານເທື່ອຄົນ ຊຶ່ງເປັນຕົວເລກຕໍ່າສຸດໃນຮອບ 4 ປີຜ່ານມາ.

ເຊັ່ນດຽວກັນ ຮ້ານອາຫານແຄມຖະໜົນ ເຍົາວະຣາດ ຊຶ່ງເປັນຄຸ້ມຖະໜົນຄົນຈີນໃນ ບາງກອກ ກໍງຽບເຫງົາໄປຕາມໆກັນ, ສະຖານທີ່ທ່ອງທ່ຽວທີ່ເຄີຍມີຜູ້ຄົນຢ່າງຫຼວງຫຼາຍເຊັ່ນ ວັດທອງ ກໍງຽບສະງັດລົງເຊັ່ນດຽວກັນ ຍ້ອນການແຜ່ລະບາດຂອງພະຍາດ.

ມາເຖິງປັດຈຸບັນ ໄທມີຜູ້ຕິດເຊື້ອທັງໝົດ 43 ຄົນ ແລະ ເສຍຊີວິດແລ້ວ 1 ຄົນໃນວັນທີ 2/3. ລັດຖະບານໄທໄດ້ອອກມາກ່າວເຕືອນປະຊາຊົນຂອງຕົນໃຫ້ຫຼີກລ່ຽງການໄປທ່ອງທ່ຽວຕ່າງປະເທດ, ຮຽກຮ້ອງໃຫ້ສາຍການບິນຢຸດຕິການໂຄສະນາລາຄາປີ້ຍົນຖືກ.

ນີ້ຄືພາບນັກທ່ອງທ່ຽວຊາວຕ່າງປະເທດຄົນໜຶ່ງກຳລັງຂີ່ 3 ລໍ້ຖີບໃນຖະໜົນ ຈາງຕຽນ ໃນນະຄອນຮ່າໂນ້ຍ. ຫວຽດນາມກໍໄດ້ຮັບເຄາະຮ້າຍເຊັ່ນດຽວກັນ ປະລິມານນັກທ່ອງທ່ຽວຈີນຫຼຸດລົງປະມານ 30% ໃນຈຳນວນນັກທ່ອງທ່ຽວຕ່າງປະເທດທັງໝົດ. ປັດຈຸບັນຫວຽດນາມມີຜູ້ຕິດເຊື້ອທັງໝົດ 16 ຄົນ ແລະ ໄດ້ຮັບການປິ່ນປົວດີແລ້ວທັງໝົດ.

ປະລິມານັກທ່ອງທ່ຽວເບົາບາງລົງຫຼາຍເມື່ອທຽບໃສ່ຄົນທີ່ໄປທ່ຽວຫາດຊາຍທະເລ Boracay ໃນຟີລິບປິນ. ອັນເນື່ອງມາຈາກປະຊາຊົນມີຄວາມກັງວົນຈາກຜົນກະທົບຂອງພະຍາດໂຄວິດ-19 ຕໍ່ຂະແໜງການທ່ອງທ່ຽວຂອງທ້ອງຖີ່ນ ຊຶ່ງຮ້າຍແຮງກວ່າໄລຍະທີ່ Boracay ປິດປະຕູ ໃນປີ 2018 ອັນເນື່ອງມາຈາກສິ່ງແວດລ້ອມ.

ໃນພາບນີ້ແມ່ນນັກທ່ອງທ່ຽວໃນເມືອງ Gyeongbokgung ທີ່ Seoul, ສ ເກົາຫຼີ. ສ ເກົາຫຼີ ປັດຈຸບັນມີຜູ້ຕິດເຊື້ອທັງໝົດ 4.812 ກໍລະນີ ແລະ ມີ 34 ຄົນເສຍຊີວິດ. ດິນແດນແຫ່ງ ກີມຈິ ເປັນດິນແດນທີ່ໄດ້ຮັບຜົນກະທົບຫຼາຍທີ່ຈຸດຈາກໄວຣັດໂຄໂຣນາ ຫຼັງຈີນ ແລະ ຢ່າງໜ້ອຍມີ 80 ປະເທດໃນໂລກ ແລະ ຂົງເຂດ ທີ່ຈຳກັດຄົນເຂົ້າເມືອງ ພ້ອມກັນນັ້ນກໍຕິດຕາມຄົນທີ່ມາຈາກ ສ ເກົາຫຼີ ເຂົ້າມາ.

ຄືພາບນັກທ່ອງທ່ຽວເຂົ້າຊົມວັດເກົ່າແກ່ Kinkakuji ໃນໂຕກຽວ ຍີ່ປຸ່ນ. ມີຫຼາຍບໍລິສັດທ່ອງທ່ຽວຂອງຈີນໄດ້ຍົກເລີກການທ່ອງທ່ຽວໄປ ຍີ່ປຸ່ນ ນັບຕັ້ງແຕ່ຕົ້ນປີນີ້ເປັນຕົ້ນມາ. ມາເຖິງວັນທີ 3/3 ປະເທດຍີ່ປຸ່ນຜູ້ຕິດເຊື້ອ 980 ຄົນ ນັບທັງ 706 ຄົນທີ່ມາຈາກກຳປັ່ນ Diamond Princess ແລະ ມີຢ່າງໜ້ອຍ 12 ຄົນເສຍຊີວິດ.

ພາບນີ້ຄືພາບຜູ້ຄົນທີ່ຈັດແຖວເຂົ້າຊົມ ຫໍພິພິຕະພັນ Louvre ທີ່ປາຣີ ຝຣັ່ງເສດໃນວັນທີ 1/3. ຫໍພິພິຕະພັນທີ່ມີຜູ້ຄົນເຂົ້າຊົມຫຼາຍທີ່ສຸດໃນໂລກ ຈຳຕ້ອງໄດ້ປິດປະຕູໄວ້ ຍ້ອນພະນັກງານມີຄວາມຢ້ານກົວຕິດເຊື້ອໄວຣັດ. ປັດຈຸບັນ ຝຣັ່ງ ມີຫຼາຍກວ່າ 191 ຄົນຕິດເຊື້ອ ແລະ ມີ 1 ຄົນເສຍຊີວິດ. ລັດຖະບານ ຝຣັ່ງໄດ້ສັ່ງຫ້າມເຄື່ອນໄຫວຊຸມນຸມຫຼາຍກວ່າ 5.000 ຄົນຂຶ້ນໄປຢູ່ໃນຫ້ອງ. ຈັດຕຸລັດທີ່ຢູ່ຕໍ່ໜ້າໂບດ Duomo ທີ່ ມີລານ ປະເທດ ອີຕາລີ ກໍງຽບເງົາໄປຕາມກັນ, ເຖິງແມ່ນວ່າ ຢູ່ມີລານບໍ່ປິດກັ້ນກໍຕາມ ແຕ່ສະຖານທີ່ທ່ອງທ່ຽວຫຼາຍແຫ່ງໃນໂບດກໍຖືກປິດປະຕູໄປ.

ພາບນີ້ແມ່ນພາບນັກທ່ອງທ່ຽວໄດ້ແຕ່ຢືນເບິ່ງໂບດປິດປະຕູ. ໃນຂະນະນີ້ ອີຕາລີມີຜູ້ຕິດເຊື້ອທັງໝມົດ 2.036 ຄົນ ແລະ ມີ 52 ຄົນເສຍຊີວິດ ຍ້ອນໄວຣັດດັ່ງກ່າວ. ສາຍການບິນຫຼາຍສາຍໄດ້ງົດທ່ຽວບິນ.

ນັກທ່ອງທ່ຽວໃສ່ໜ້າກາກອານາໄມ ໄປໃນສະຖານທີ່ສູນການຄ້າ Galleria Vittorio Emanuele II ໃນເມືອງ ມີລານ. ເມືອງນີ້ຂຶ້ນຊື່ລືນາມວ່າເປັນເມືອງ ແຟຊັ່ນທີ່ໃຫ່ຍທີ່ສຸດໃນໂລກ ຊຶ່ງຈະເປັນບ່ອນຈັດງານແຟຊັ່ນໃນທ້າຍເດືອນ 2 ຜ່ານມາ. ບັນດາຊຸດແຟຊັ່ນທີ່ຈະເອົາມາສະແດງ ກໍໄດ້ໂຄສະນາທາງອອນລາຍ ຊຶ່ງເປັນການປ່ຽນແທນເຊື່ອຜູ້ຄົນຈຳນວນຫຼວງຫຼາຍເຂົ້າຮ່ວມງານ.

ຈັດຕຸລັດ Colosseum ຢູ່ທີ່ ໂຣມ ກໍງຽບສະງັດລົງ. ຊຶ່ງມີຄວາມແຕກຕ່າງກັບຕົວເມືອງອື່ນໆ, ໂຣມບໍ່ທັນໄດ້ຮັບຜົນກະທົບຈາກ ໂຄວິດ. ມາເຖິງວັນທີ 3/3 ທົ່ວໂລກມີຜູ້ຕິດເຊື້ອທັງໝົດ 90.933 ຄົນ ໃນນັ້ນມີ 3.119 ຄົນເສຍຊີວິດ ໃນ 65 ປະເທດ.