ນັກຮຽນເກືອບ 300 ລ້ານຄົນໃນທົ່ວໂລກພັກຮຽນຍ້ອນພະຍາດ ໂຄວິດ-19

ລູກເມືອງພວນ

ໄລ່ມາເຖິງວັນທີ 4/3 ນີ້, ໄດ້ມີ 22 ຊາດໃນ 3 ທະວີບ ໄດ້ແຈ້ງປິດໂຮງຮຽນ, ມີເກືອບ 300 ລ້ານນ້ອງນັກຮຽນໄດ້ຮັບຜົນກະທົບ.

ຈີນເປັນປະເທດທຳອິດ ໃຫ້ນັກຮຽນພັກຮຽນ ເພື່ອປ້ອງກັນພະຍາດ. ມາເຖິງວັນທີ 4/3 ນີ້ ພະຍາດໂຄວິດ-19 ໄດ້ແຜ່ຂະຫຍາຍໄປເຖິງ 80 ລັດໃນຂົງເຂດທົ່ວໂລກ, ມີ 22 ປະເທດໃນ 3 ທະວີບໄດ້ສັ່ງໃຫ້ປິດໂຮງຮຽນດ້ວຍລະດັບທີ່ແຕກຕ່າງກັນ. ໃນນັ້ນມີ ສ ເກົາຫຼີ, ອີຣານ, ຍີ່ປຸ່ນ ແລະ ອີຕາລີ ແມ່ນໃຫ້ນັກຮຽນທົ່ວທັງປະເທດພັກຮຽນ.

ສ່ວນຢູ່ທິດຕາເວັນຕົກຂອງສະຫະລັດອາເມລິກາ ຊຶ່ງເປັນບ່ອນທີ່ມີຜູ້ຕິດເຊື້ອຫຼາຍທີ່ສຸດໃນປະເທດ ຄືລັດ Los Angeles ໄດ້ປະກາດພາວະສຸກເສີນ ແລະ ໄດ້ອອກຄຳສັ່ງໃຫ່ນັກຮຽນພັກຮຽນ ແລະ ໃຫ້ຜູ້ປົກຄອງດູແລໃຫ້ລູກຂອງຕົນຢູ່ແຕ່ໃນເຮືອນ. ລັດ ວໍຊິງຕັນ ບ່ອນທີ່ມີຜູ້ຕິດເຊື້ອ 10 ຄົນເສຍຊີວິດຍ້ອນພະຍາດ ໂຄວິດນັ້ນ ກໍໄດ້ໃຫ້ພວກນ້ອງນັກຮຽນຈຳນວນໜຶ່ງຂອງບາງໂຮງຮຽນພັກຮຽນ.

ເມື່ອມີຫຼາຍຊາດໃຫ້ນັກຮຽນພັກຮຽນ ໄດ້ສົ່ງຜົນກະທົບເຖິງການປ່ຽນແປງຕໍ່ຂະແໜງການສຶກສາໃນທົ່ວໂລກ ຊຶ່ງມີເກືອບ 300 ລ້ານນ້ອງນັກຮຽນບໍ່ໄດ້ໄປໂຮງຮຽນ. ຕໍ່ບັນຫາດັ່ງກ່າວນີ້ ທາງສະຫະປະຊາຊາດໄດ້ກ່າວຕໍ່ຜົນເສຍຫາຍທາງການສຶກສາວ່າ: “ເສຍເງິນໄປຊື່ໆ” ຍ້ອນພະຍາດໂຄວິດ-19ສ້າງຂຶ້ນ.

ທາງສະຫະປະຊາຊາດຢືນຢັນວ່າ ການພັກຮຽນຢ່າງຫຼວງຫຼາຍແບບນີ້ ໃນໂລກບໍ່ເຄີຍມີມາໃນປະຫວັດສາດ. ການພັກຮຽນເປັນເວລາດົນໆ ແບບນີ້ ອາດຈະສົ່ງຜົນກະທົບໃນທາງລັບຕໍ່ນັກຮຽນ ແລະ ຄວາມສີວິໄລຂອງມວນມະນຸດ.

ມີບາງປະເທດ ນັກຮຽນ, ນັກສຶກສາ ໄດ້ພັກທັງການສອບເສັງພາກຮຽນ ແລະ ເສັງເລື່ອນຊັ້ນອີກ.  ພໍ່ແມ່ກໍພັກວຽກເພື່ອເບິ່ງແຍງດູແລລູກຫຼານຢູ່ເຮືອນ.

ທ່ານ ນາງ Gao Mengxian ອາຍຸ 48 ປີ ພະນັກງານ ລປພ ຢູ່ ຮົງກົງ ໃຫ້ຮູ້ວ່າ: “ລູກສາວຂອງຂ້ອຍສອງຄົນຍາມໃດກໍຖາມວ່າ ປານໃດຈຶ່ງຈະໄດ້ໄປໂຮງຮຽນ ແລະ ໄດ້ໄປຫຼີ້ນນຳໝູ່, ຂ້ອຍບໍ່ຮູ້ວ່າຂະຕອບພວກເຂົາແນວໃດ”, ເມື່ອມີແຈ້ງການຜ່ອນຄາຍການແຜ່ເຊື້ອໂຣກ ຂ້ອຍກໍພຽງແຕ່ນອກໄປນອກອາທິດໜຶ່ງຕໍ່ຄັ້ງ ເພື່ອໄປຊື້ອາຫານການກິນມາສະສົມໄວ້.

ລັດຖະບານຫຼາຍປະເທດໄດ້ໃຫ້ເງິນສະໜັບສະໜູນໃຫ້ປະຊາຊົນ. ຢູ່ຍີ່ປຸ່ນໄດ້ໃຫ້ເງິນແກ່ຜູ້ປົກຄອງຂອງເດັກພັກວຽກເພື່ອດູແລລູກຫຼານຢູ່ເຮືອນຜູ້ລະ 80 ໂດລາ, ສ່ວນຢູ່ ຝຣັ່ງຄອບຄົວໃດຫາກບໍ່ມີຜູ້ດູແລລູກຫຼານຢູ່ໃນເຮືອນ ແມ່ນໄດ້ໃຫ້ພັກການ 14 ວັນຕື່ມອີກ. ເມື່ອນັກຮຽນມີການພັກຮຽນຫຼາຍແບບນີ້, ການຮຽນທາງອອນລາຍໄດ້ກາຍເປັນບັນຫາທີ່ຮີບດ່ວນໃນປັດຈຸບັນ ເພື່ອຊ່ວຍໃຫ້ນັກຮຽນບໍ່ເສຍໂອກາດໄປຊື່ໆກ. ນາຍຄູໄດ້ສົ່ງບົດຮຽນໃຫ້ນັກຮຽນທາງອອນລາຍ. ຢູ່ ອີຕາລີ ລັດຖະບານໄດ້ສ້າງເວບໄຊ ເພື່ອໃຫ້ຄູອາຈານ ໄດ້ສົ່ງບົດຮຽນເຂົ້າໃນ ວີດິໂອ ແລ້ວສົ່ງໃຫ້ນັກຮຽນ.. ຢູ່ ມົງໂກນ ໄດ້ອອກລາຍການຮຽນ-ສອນໃນໂທລະທັດ, ໃນຂະນະທີ່ຢູ່ ອີຣານ ແມ່ນບໍ່ໃຫ້ນັກຮຽນເສຍຄ່າອີນເຕີເນັດ. ຢູ່ ຮົງກົງນັກຮຽນອາດຈະໃສ່ຊຸດກີລາ ແລ້ວອອກກຳລັງກາຍຕາມລາຍການໂທລະທັດ ເວບແຄມ (webcam).