ສະເຕີຣິດ ອະດີດນັກເຕະຫົງແດງ ມີສ່ວນພົວພັນກັບການພະນັນ ຖືກ FA ລົງໂທດ 4 ເດືອນ..!
March 4, 2020 - 3:02 PM
ແດນນ້ຽວ ສະເຕີຣິດ ອະດີດກອງໜ້າຫົງແດງລີເວີພູລ ແລະ
ທີມຊາດອັງກິດ, ຖືກສະມາຄົມບານເຕະອັງກິດ (FA) ໄດ້ລົງໂທດຫ້າມຫຍຸ້ງກ່ຽວກັບວົງການບານເຕະເປັນເວລາ 4 ເດືອນ, ພ້ອມປັບໄຫມເງິນ 150.000 ປອນ ຈາກຂໍ້ຫາພົວພັນດ້ານການພະນັນ.
(FA) ໄດ້ສືບພົບວ່າ: ສະເຕີຣິດ ພົວພັນກັບອ້າຍຂອງລາວ ໃຫ້ໄປລົງພະນັນໂດຍບອກວ່າ:
ຕົນເອງຈະຍ້າຍຈາກ ລີເວີພູລ ໄປຮ່ວມທັບ ເຊບີຢ້າ ເມື່ອເດືອນມັງກອນປີ 2018 ທີ່ຜ່ານມາ
ກ່ອນໜ້ານີ້ ສະເຕີຣິດ ຖືກສະໂມສອນ ທຣັບຊອນສະປໍ ຕົ້ນສັງກັດຫລ້າສຸດໃນລີກສູງສຸດຂອງປະເທດຕວກກີ,
ຍົກເລີກສັນຍາ ສັ່ງຫ້າມເຄື່ອນໄຫວ 2 ອາທິດ ແລະ ຖືກປັບເງິນເບື້ອງຕົ້ນ 75.000 ປອນ ເພາະເກີດບັນຫາດັ່ງກ່າວ.
ສະເຕີຣິດ ຈະພົ້ນຄະດີກັບມາລົງຫລິ້ນອີກຄັ້ງຫລັງຈົບວັນທີ 17 ມິຖຸນານີ້ ນັ້ນໝາຍຄວາມວ່າ ສະເຕີຣິດ ຈະບໍ່ໄດ້ລົງແຂ່ງຈົນຈົບລະດູການນີ້.
