ແຂວງສະຫວັນນະເຂດຈັດການປະກວດສິລະປະວັນນະຄະດີນັກຮຽນມັດທະຍົມທົ່ວແຂວງເປັນຄັ້ງທຳອິດ

ງານກວດສອບສິລະປະວັນນະຄະດີນັກຮຽນມັດທະຍົມສຶກສາທົ່ວແຂວງສະຫວັນນະເຂດ ຄັ້ງທີທຳອິດໄດ້ຈັດຂຶ້ນທີ່ສູນການ ຄ້າສະຫວັນນະເຂດ-ໄອເຕັກ ເມື່ອມໍ່ໆມານີ້,ໂດຍການເຂົ້າຮ່ວມຂອງ  ທ່ານ ຄຳພູນ ຕຸໄພ ທູນຮອງເຈົ້າແຂວງສະຫວັນນະເຂດ, ມີຫົວໜ້າພະແນກ ຖ.ວ.ທ, ພະແນກສຶກສາທິການ ແລະ ກິລາ, ສະຖາບັນການສຶກສາທັງພາກລັດ  ແລະ ເອກະຊົນ ແລະ ນັກຮຽນເດັກນ້ອຍເຂົ້າຮ່ວມແຂ່ງຂັນເປັນຈຳນວນຫລາຍ.

+ ການນຳແຂວງສະຫວັນນະເຂດເຂົ້າວາງກະຕ່າດອກໄມ້ທີ່ອະນຸສອນ ປະທານ ໂຮ່ຈີມິງ

+ ນັກອອກແບບໜຸ່ມນ້ອຍລາວຄວ້າທຶນໄປສຶກສາການອອກແບບຢູ່ປະເທດຝຣັ່ງ

   ທ່ານ ຮອງເຈົ້າແຂວງສະຫວັນນະເຂດມີຄຳເຫັນວ່າ: ການກວດສອບສິລະປະວັນນະຄະດີນັກຮຽນດັ່ງກ່າວເປັນກິດຈະ ກຳໜຶ່ງເພື່ອໃຫ້ນັກຮຽນໄດ້ສະແດງຄວາມອາດສາມາດຂອງຕົນເປັນການສົ່ງເສີມໃຫ້ໃຊ້ເວລາຫວ່າງເປັນປະໂຫຍດ, ສ້າງຄວາມສາມັກຄີຮັກແພງກັບໝູ່ເພື່ອນແລະແນໃສ່ປະຕິບັດແຜນຍຸດທະສາດປະຕິຮູບລະບົບການສຶກສາແຫ່ງຊາດມີຄຸນນະພາບດີຂຶ້ນ.

ສຳລັບນັກຮຽນທີ່ມາຮ່ວມປະກວດໃນງານຄັ້ງນີ້ລວມມີ 65 ລາຍການ, ມີນັກສະແດງທັງໝົດ 374 ຄົນ, ຄື: ຮຸ່ນເຍົາວະ ຊົນເປົ່າແຄນດ່ຽວ ແລະ ປະເພດລຳສີ່ຈັງຫວະ (ມີ 10 ລາຍການ), ຮຸ່ນນັກຮຽນມັດທະຍົມສຶກສາປະເພດຮ້ອງເພງ,  ປະເພດຟ້ອນ, ຂັບລຳ ແລະ ເສບດົນຕຣີພື້ນເມືອງ (ມີ 55 ລາຍການ).