ທ່ານ ຊິນໂສະ ອາເບະ ກະຕຸ້ນປະຊາຊົນຢີ່ປຸ່ນສະກັດກັ້ນໄວຣັສ COVID-19 ໃຫ້ໄດ້ ກ່ອນກີລາໂອລິມປີກຈະເປີດສາກຂື້ນ..!
March 3, 2020 - 3:44 PM
ທ່ານ ຊິນໂສະ ອາເບະ ນາຍົກລັດຖະມົນຕີປະເທດຢີ່ປຸ່ນ
ໄດ້ອອກຖະແຫລງການ ຂໍຄວາມຮ່ວມມືຈາກປະຊາຊົນຢີ່ປຸ່ນ ຈົ່ງຊ່ວຍກັນປ້ອງກັນຕົນເອງເພື່ອຊ່ວຍຢຸດຢັ້ງ
ແລະ ຢຸດຕິການແຜ່ລະບາດຂອງເຊື້ອໄວຣັສ COVID-19 ແລະ ສ້າງຄວາມໝັ້ນໃຈໃຫ້ກັບນັກກີລາ,
ຊາວຕ່າງຊາດ ທີ່ຈະເດີນທາງມາຮ່ວມງານກີລາໂອລິມປິກໃນຄັ້ງນີ້
ໂຕກຽວເກມ 2020 ຈະມີພິທີເປີດຂື້ນຢ່າງເປັນທາງການໃນວັນທີ່ 24 ກໍລະກົດນີ້, ແຕ່ເຈົ້າພາບຢີ່ປຸ່ນເອງກຳລັງປະສົບກັບປັນຫາເຊື້ອໄວຣັສດັ່ງກ່າວກຳລັງແຜ່ລະບາດໜັກ. ຈົນມີຜູ້ເສຍຊີວິດໄປແລ້ວຫຼາຍກວ່າ 11 ຄົນ ແລະ ຕິດເຊື້ອຫຼາຍກວ່າ 900 ຄົນ, ແຕ່ທາງຝ່າຍຈັດການແຂ່ງຂັນກີລາໂອລິມປິກໃນຄັ້ງນີ້ລວມເຖີງ ທ່ານ ໂທມັດ ບັກ ປະທານຄະນະກຳມະການກີລາໂອລິມປິກສາກົນ (IOC) ຍັງຢືນຢັນຈະບໍ່ມີການເລື່ອນການແຂ່ງຂັນແນ່ນອນ.
