ກາແດງຊ່ວຍຍົກລະດັບຄວາມຮູ້ໃຫ້ການແພດລາວ
ວັນທີ 2 ມິຖຸນານີ້, ກະຊວງສາທາລະນະສຸກ ແລະ ຄະນະກຳມະການສາກົນ ໄດ້ຮ່ວມລົງນາມ ບົດບັນທຶກຄວາມເຂົ້າໃຈການ ສະໜັບສະໜູນກໍ່ສ້າງບຸກຄະລາ ກອນການແພດລາວໃຫ້ມີຄວາມຮູ້ຄວາມສາມາດສູງຂຶ້ນ.
ພິທີລົງນາມໃນສັນຍາ ດັ່ງກ່າວ ໄດ້ມີຂຶ້ນທີ່ນະຄອນຫລວງ ວຽງຈັນລະຫວ່າງທ່ານ ຈັນພົມມາ ວົງສຳພັນຫົວໜ້າກົມປິ່ນປົວ, ກະຊວງສາທາລະນະສຸກ ແລະ ທ່ານ ແຟັງ ແຄັວນຊີ ຫົວໜ້າໂຄງການຄະນະກຳມະການກາແດງສາກົນ ປະຈຳລາວ, ໂດຍການເຂົ້າ ຮ່ວມເປັນສັກຂີພິຍານຂອງ ທ່ານ ບຸນກອງ ສີຫາວົງ ລັດຖະມົນກະຊວງສາທາລະນະສຸກ.
+ ກາແດງລາວຈັດອົບຮົມໃຫ້ຊາວໜຸ່ມອາສາໝັກ
+ ລາວຈັດກິດຈະກຳບໍລິຈາກເລືອດລະນຶກວັນກາແດງສາກົນ ຄົບຮອບ 154 ປີ
+ ລັດຖະບານລາວມອບຫລຽນໄຊພັດທະນາຊັ້ນ II ໃຫ້ກາແດງແດນມາກ
ທ່ານ ແຟັງ ແຄັວນຊີ ກ່າວວ່າ: ການຟື້ນຟູໜ້າທີ່ການແມ່ນອີກທາງເລືອກໜຶ່ງໃນດານ ຊ່ວຍກອບກູ້ກຽດສັກສີໃຫ້ແກ່ຄົນ ພິການໃນລາວ, ແຕ່ລະປີຍັງມີຄົນຈຳນວນຫລາຍທີ່ໄດ້ຮັບຜົນກະທົບຈາກລະເບີດບໍ່ທັນແຕກເພື່ອເປັນການກຳຈັດຫລືຫລຸດ ຜ່ອນສິ່ງກີດຂວາງທີ່ມີຕໍ່ ການເຄື່ອນໄຫວ ແລະ ກິດຈະກໍາຕ່າງໆຂອງຄົນພິການໃຫ້ເຂົາເຈົ້າມີອິດສະຫລະຫລາຍຂຶ້ນ ແລະ ມ່ວນຊື່ນ ກັບຊີວິດໄດ້ຢ່າງສູງສຸດແມ່ນສິງທີ່ສຳຄັນທີ່ສຸດ.
ການສະໜັບສະໜູນດັ່ງກ່າວ, ມີເປົ້າໝາຍກໍ່ສ້າງພະນັກງານໃຫ້ສູນຟື້ນຟູ ຫລື ການແພດຟື້ນຟູໜ້າທີ່ການໃນລາວ ຈຳນວນ 10 ທ່ານ ໄດ້ຮັບຜົນປະໂຫຍດຈາກຫລັດສູດການສຶກສາດັ່ງກ່າວ ແລະ ນອກຈາກນີ້, ຍັງມີການສະໜັບສະໜູນໃຫ້ແກ່ກະຊວງສາທາລະ ນະສຸກເພື່ອໃຫ້ສາມາດຈັດຕັ້ງປະຕິບັດມາດຕະຖານດ້ານຄລີນິກ ແລະ ການຄຸ້ມຄອງບໍລິຫານສຳລັບການບໍລິການຟື້ນຟູໜ້າ ທີ່ການ.
