ໂຄງການຊຸຟອດມອບທຶນໃຫ້ປະຊາຊົນບ້ານເປົ້າໝາຍຫລາຍກວ່າ 1,52 ຕື້ກີບພັດທະນາອາຊີບ
ເມື່ອມໍ່ໆມານີ້, ຫ້ອງການກະສິກຳ ແລະ ປ່າໄມ້ເມືອງເມິງ ແຂວງບໍ່ແກ້ວໄດ້ມອບທຶນພັດທະນາຊີວິດການເປັນຢູ່ຂອງບ້ານເປົ້າ ໝາຍໂຄງການຊຸຟອດເປັນຜູ້ ໃຫ້ການສະໜັບສະໜູນລວມມີ 1,52 ກວ່າຕື້ກີບເພື່ອນຳໃຊ້ເຂົ້າໃນ 14 ກິດຈະກຳຄື: ສວນປະສົມ ປະສານມີ 182 ຄອບຄົວໃນ 15 ບ້ານ, ເປັນຈຳນວນທຶນ 385 ລ້ານກວ່າກີບ, ປູກໄມ້ສັກ ມີ 261 ຄອບຄົວ, ໃນ 14 ບ້ານ, ລວມມີ ແຫລ່ງທຶນ 218 ລ້ານ ກວ່າກີບ, ປູກໝາກນ້ຳມັນມີ 154 ຄອບຄົວໃນ 11 ບ້ານ, ລວມແຫລ່ງທຶນ 146 ລ້ານກວ່າກີບ, ປູກສາລີ 310 ຄອບຄົວ10 ບ້ານ, ລວມແຫ່ງທຶນ 231 ລ້ານ ກວ່າກີບ, ປູກໝາກເດືອຍມີ 173 ຄອບຄົວໃນ 8 ບ້ານ, ລວມ ແຫລ່ງທຶນ 143 ລ້ານ ກວ່າກີບ, ປູກໝາກງາມີ 60 ຄອບຄົວໃນ 6 ບ້ານ, ມີທຶນຫລາຍກວ່າ 42 ລ້ານກີບ, ລ້ຽງປາມີ 122 ຄອບ ຄົວໃນ 6 ບ້ານ, ມີ ແຫລ່ງ ທຶນ 95 ລ້ານກວ່າກີບ, ປູກຫວາຍຂົມມີ 78 ຄອບຄົວໃນ 5 ບ້ານມີ ແຫລ່ງທຶນ 93 ລ້ານກວ່າກີບ ແລະ ກິດຈະກຳອື່ນໆອີກ ເຊັ່ນ: ລ້ຽງແບ້, ປູກຂ່າ, ອານຸລັກແຂມ ແລະ ຫັດຖະກຳຕ່ຳຫູກແນໃສ່ ສົ່ງເສີມໃຫ້ປະຊາຊົນມີລາຍຮັບ, ຊ່ວຍພັດທະນາຊີວິດການ ເປັນຢູ່ຂອງປະຊາຊົນດີຂຶ້ນ ແລະ ສາມາດຫລຸດພົ້ນອອກຈາກ ຄວາມທຸກຍາກໄດ້ໂດຍໄວ.
+ ໂຄງການໄຟຟ້ານ້ຳງຽບຈັດພິທີກັກເກັບນ້ຳໃນອ່າງດັດສົມ
+ ຍີ່ປຸ່ນມອບທຶນຊ່ວຍເຫລືອຍົກລະດັບໂຮງຮຽນມັດທະຍົມຕົ້ນປາງທອງນາໝໍເປັນມັດທະຍົມສົມບູນ
+ ແຂວງບໍ່ແກ້ວປ່ອຍປາລົງສູ່ວັງສະຫງວນ
