ຍັງມີແກ້ງຂີ່ລົດກວນເມືອງເກີດຂຶ້ນ

    ໄລຍະນີ້, ກຳລັງປ້ອງກັນເຄື່ອນທີ່ ນະຄອນຫລວງວຽງຈັນ ໄດ້ອອກເຄື່ອນໄຫວກວດກາລາດຕະເວນຕາມຈຸດຫລໍ່ແຫຼມ ແລະ ເສັ້ນທາງທີ່ມີຄວາມສ່ຽງ ຕ່າງໆເພື່ອສະກັດກັ້ນກຸ່ມແກ້ງທີ່ລົດກວນເມືອງ, ຊຶ່ງໃນປີຜ່ານມາ ເຈົ້າໜ້າທີ່ໄດ້ອອກກວດກາຫລາຍກ່ວາ 140 ຄັ້ງ, ໃນນັ້ນ, ສາມາດນຳຕົວຜູ້ລະເມີດມາສຶກສາອົບຮົມຫລາຍກ່ວາ 200 ຄົນ, ສ່ວນໃຫຍ່ເປັນໄວລຸ້ນອາຍຸສະເລ່ຍ 18 ປີ ແລະ ສາມາດກັກລົດກັກລົດຜູ້ກະທຳຜິດໄດ້ຫລາຍເຖິງ 397 ຄັນ ແລະ ສາມາດກວດພົບເຫັນສິ່ງພິດກົດໝາຍ ຢາບ້າ 34 ເມັດ, ປືນສັ້ນ 1 ກະບອກ, ພ້ອມລົດນຳເຂົ້າບໍ່ຖືກຕ້ອງ ແລະ ມີຄວາມແຮງເກີນກຳນົດ 4 ຄັນ.