ຜົວບໍ່ຈູບຂ້ອຍໃນຂະນະທີ່ເຮັດກິດຈະກຳເທິງຕຽງ

ຂ້ອຍອາຍຸ 32 ປີ ຊຶ່ງໄດ້ຜ່ານການແຕກແຍກຄວາມເປັນຄອບຄົວມາຄັ້ງໜຶ່ງແລ້ວ, ດັ່ງນັ້ນຈຶ່ງຍາກທີ່ຈະຫາຜູ້ຊາຍເຫັນໃຈໄດ້ອີກຄັ້ງ ແຕ່ກໍເປັນຈັ່ງບຸນທີ່ຂ້ອຍໄດ້ພົບຮັກກັບຊາຍຄົນໜຶ່ງທີ່ໄດ້ຜ່ານການເປັນຄອບຄົວມາຄືກັນກັບຂ້ອຍ. ເມື່ອຢູ່ໃກ້ກັບເຂົາຂ້ອຍມີຄວາມຮູ້ສຶກໝັ້ນໃຈ ແລະ ອົບອຸ່ນທີ່ສຸດ. ພວກຂ້ອຍລ້ວນແຕ່ເຕີມເຕັມໃຫ້ກັນສິ່ງທີ່ຕ່າງຄົນຕ່າງຂາດຫາຍໄປ. ຄວາມສຳພັນຂອງພວກຂ້ອຍເຕັມໄປດ້ວຍຄວາມຫວັງ ທີ່ຈະໄດ້ເຂົ້າສູ່ໂຮງຫໍນຳກັນ.

ສິ່ງທີ່ເຮັດໃຫ້ຂ້ອຍມີຄວາມກັງວົນໃຈກໍຄື ເວລາທີ່ພວກຂ້ອຍມີກິດຈະກຳທາງເພດສຳພັນນັ້ນ ໃນສອງສາມຄັ້ງທຳອິດເຫັນວ່າມີຄວມສຸກສຸດຍອດ ແຕ່ປາກົດວ່າເຂົາບໍ່ໄດ້ຈູບຂ້ອຍເລີຍໃນຂະນະທີ່ເຮັດກິດຈະກຳ. ເມື່ອເຫັນເຊັ່ນນັ້ນ ຂ້ອຍກໍເລີຍຖາມເຂົາວ່າ ເປັນຫຍັງອ້າຍບໍ່ຈູບນ້ອງແດ່? ເຂົາຕອບວ່າ ເຈົ້າມີກິ່ນໂຕແຮງຫຼາຍຢູ່ທີ່ຄໍອ້າຍຈຶ່ງບໍ່ກ້າຊິຈູບ, ເມື່ອໄດ້ຍິນຄວາມເວົ້າດັ່ງກ່າວ ຂ້ອຍກໍມີຄວາມຮູ້ສຶກຕໍ່າຄ້ອຍນ້ອຍໃຈ ເພາະຖ້າຫາກມີກິດຈະກຳນຳກັນ ແຕ່ບໍ່ມີການຈູບກໍຖືວ່າກິດຈະກຳບໍ່ທັນເຖິງຂັ້ນສຸດຍອດຂອງມັນ. ເຂົາບອກກັບຂ້ອຍວ່າ ເມຍເກົ່າຂອງເຂົາກໍເປັນເຊັ່ນດຽວກັນ ແຕ່ມັນບໍ່ໄດ້ກາຍເປັນສາເຫດພາໃຫ້ສອງຄົນແຍກທາງ.

ບັນຫານັ້ນຍິ່ງເຮັດໃຫ້ຂ້ອຍເກີດຄວາມນ້ອຍໃຈ ບໍ່ຮູ້ວ່າ ຄວາມຮັກຈະໝັ້ນຄົງໄດ້ຫຼືບໍ່ ຖ້າຫາກບໍ່ມີກິດຈະກຳຈູບກັນໃນຂະນະທີ່ຮ່ວມເພດ, ຢ້ານມັນກາຍເປັນສາເຫດ ເຮັດໃຫ້ພວກຂ້ອຍ ແຍກທາງກັນກໍເປັນໄດ້. ເຖິງແມ່ນວ່າຂ້ອຍຈະພະຍາຍາມທຳຄວາມສະອາດປານໃດ ເຂົາກໍຍັງບໍ່ທັນຈູບຂ້ອຍ ຈຶ່ງເປັນຄວາມສົງໄສໃຫ້ຄວາມຮັກບໍ່ໝັ້ນຄົງ.