ເລັ່ງຫາຕົ້ນເຫດແທ້ຈິງໂຄວິດ-19 ລະບາດໃນ ສ.ເກົາຫຼີ
ລູກເມືອງພວນ
ເມື່່ອວັນທີ 24 ກຸມພານີ້ ສຳນັກຂ່າວ ຣອຍເຕີ ລາຍງານວ່າ ສູນຄວບຄຸມ ແລະ ປ້ອງກັນໂລກຕິກຕໍ່ແຫ່ງຊາດ ສ.ເກົາຫຼີ ຢືນຢັນພົບຜູ້ຕິດເຊື້ອໄວຣັສໂຄໂຣນາສາຍພັນໃໝ່ ຫຼື ໂຄວິດ-19 ເພີ່ມຂຶ້ນຫຼາຍກວ່າ 160 ຄົນ ລວມຕິດເຊື້ອແລ້ວທັງໝົດ 763 ຄົນ
ຕາມລາຍງານຍັງລະບຸວ່າຜູ້ຕິດເຊື້ອໂຄວິດ-19 ລາຍໃໝ່ 115 ຄົນທີ່ໄປໂບດໃນເມືອງແທກູ ຫຼັງຈາກມີຜູ່ປ່ວຍຍິງໄວ 61 ປີ ຊຶ່ງເປັນຜູ້ຕິດເຊື້ອຄົນທີ 31 ຊຶ່ງເຂົ້າຮ່ວມກິດຈະກຳໃນໂບດຕິດເຊື້ອໂຄວິດ-19 ນອກຈາກນັ້ນສູນຄວບຄຸມ ແລະ ປ້ອງກັນໂລກຕິດຕໍ່ເກົາຫຼີໃຕ້ລາຍງານອີກວ່າ ຜູ້ເສຍຊີວິດຈາກການຕິດເຊື້ອໄວຣັສໂຄໂຣນາຜູ້ທີ່ 7 ເປັນຊາຍໄວອາຍຸ 62 ປີທີ່ມາຈາກໂຮງໝໍແຫ່ງໜຶ່ງໃນເຂດຊອງໂດ ຊຶ່ງເປັນອີກພື້ນທີ່ທີ່ພົບຜູ້ຕິດເຊື້ອເພີ່ມສູງຂຶ້ນເລື້ອຍໆ ນອກຈາກເມືອງ ແທກູ ຊຶ່ງເປັນເມືອງໃຫ່ຍອັນດັບ 4 ຂອງປະເທດ.
ເຈົ້າໜ້າທີ່ ສ. ເກົາຫຼີ ຍັງຄົງເລັ່ງສືບຫາສາເຫດທີ່ແທ້ຈິງຂອງການລະບາດຄັ້ງໃໝ່ໃນປະເທດ ເນື່ອງຈາກຜູ້ຕິດເຊື້ອຜູ້ທີ 31 ບໍ່ເຄີຍມີປະຫວັດເດີນທາງໄປຕ່າງປະເທດແຕ່ຢ່າງໃດ, ໂດຍຈາກຈຳນວນຜູ້ຕິດເຊື້ອໄວຣັສໂຄວິດ-19 ໃນເກົາຫຼີໃຕ້ທີ່ເພີ່ມຂຶ້ນຢ່າງໄວວາ ເຮັດໃຫ້ທາງການເກົາຫຼີໃຕ້ປະກາດເມື່ອວັນອາທິດທີ່ຜ່ານມາໄດ້ຍົກລະດັບເຕືອນໄພການລະບາດຂອງເຊື້ອໄວຣັສໂຄໂຣນາເປັນຂັ້ນສູງສຸດ.
