ໂຄວິດ-19 ລະບາດໜັກໃນເກົາຫລີໃຕ້ພົບຜູ້ຕິດເຊື້ອ 346ຄົນ
ສຳນັກຂ່າວ ຍອນຮັບ ລາຍງານວ່າ: ສູນຄວບຄຸມພະຍາດເກົາຫລີ (KCDC) ຖະແຫລງວ່າພົບຜູຕິດເຊື້ອໄວຣັສໂຄວິດ-19 ເພີ່ມອີກ 142 ຄົນ ພາຍໃນ 1 ມື້, ເຊິ່ງໃນວັນທີ 22 ກຸມພານີ້ ເກົາຫລີໃຕ້ພົບຜູ້ຕິດເຊື້ອທັງຫມົດ 346 ຄົນ ໃນນີ້ອອກໂຮງຫມໍແລ້ວ 17 ຄົນ. ໃນຕົວເລກ 142 ຄົນນີ້ ພົບວ່າມີຫລາຍເຖິງ 92 ຄົນ ທີ່ຢູ່ກ່ຽວຂ້ອງກັບເຂດໂຮງຫມໍ Daenam Hospital ໃນເຂດ Cheongdo ທາງໃຕ້ຂອງເມືອງ ແທກູ ແລະ ພົບຜູ້ເສຍຊີວິດຄົນທຳອິດຂອງປະເທດເປັນຊາຍ ອາຍຸ 63 ປີ, ເຫດດັ່ງກ່າວສົ່ງຜົນໃຫ້ມື້ວານນີ້ (21 ກຸມພາ) ເກົາຫລີໃຕ້ປະກາດໃຫ້ພື້ນທີ່ຂອງເມືອງ ແທກູ ເມືອງໃຫຍ່ອັນດັບທີ 4 ຂອງປະເທດ ເຊິ່ງມີປະຊາຊົນປະມານ 2.5 ລ້ານຄົນອາໄສຢູ່ ແລະ ເຂດ ຊັອງໂດ ໃຫ້ເປັນພື້ນທີ່ຄວບຄຸມພິເສດດ້ານສາທາລະນະສຸກ, ເພື່ອໃຫ້ລັດຖະບານສາມດສົ່ງບຸກຄະລາກອນ ພ້ອມຍົກລະດັບມາດຕະການຄວບຄຸມເຊື້ອດັ່ງກ່າວໃຫ້ມີປະສິດທີພາບສູງຂຶ້ນ, ແຕ່ເຖິງຢ່າງໃດກໍຕາມ ຍັງບໍ່ແມ່ນມາດຕະການກຳຈັດການເດີນທາງຂອງພົນລະເມືອງ, ແຕ່ເຖິງແກ່ຄຳສັ່ງຂອງທາງການ ແລະ ໄດເຮັດໃຫ້ປະຊາຊົນແຕກຕື່ນກັບຄຳສັ່ງດັ່ງກ່າວ ແລະ ແຫ່ກັນກັກຕຸນສິນຄ້າໄວ້ຈົນພົບວ່າບັນດາຫ້າງຮ້ານຫລາແຫ່ງຂອງເມືອງສິນຄ້າຫມົດຂາດຕະຫລາດເຊັ່ນດຽວກັນກັບເມືອງ ກຸງໂຊ ໄດ້ສັ່ງຫ້າມການຮ່ວມຊຸມນຸມໃນທີ່ສາທາລະນະ ແລະ ຫ້າມຈັດກິດຈະກຳຕາມສາສະຫນາໃນສະຖານມີ່ຕ່າງໆ ເພື່ອປ້ອງກັນການແຜ່ລະບາດຂອງເຊື້ອໄວຣັສໂຄວິດ-19.
