ອຳນວຍການໂຮງໝໍໃຫຍ່ໃນເມືອງອູ່ຮັນເສຍຊີວິດຈາກເຊື້ອໄວຣັສໂຄວິດ-19

ຂ່າວຕ່າງປະເທດລາຍງານວ່າ: ໃນວັນທີ 18 ກຸມພານີ້, ທ່ານໝໍ ຫລິວ ຊີໝິ່ງ (Liu Zhiming) ອາຍຸ 50 ປີ, ຜູ້ອຳນວຍການໂຮງໝໍ ຫວູ່ຊາງ ເມືອງອູ່ຮັນ ແຂວງຫູ່ເປີ່ຍ ສປ ຈີນ, ໄດ້ເສຍຊີວິດຈາກເຊື້ອໄວຣັສໂຄໂຣນາສາຍພັນໃໝ່ ຫລື ໂຄວິດ-19, ຖືວ່າເປັນອຳນວຍການໂຮງໝໍຄົນທຳອິດທີ່ເສຍຊີວິດ ແລະ ເປັນແພດໝໍຄົນທີ 2 ທີ່ເສຍຊີວິດ. ພາຍຫລັງກ່ອນໜ້ານີ້, ທ່ານໝໍ ຫລີ່ ເຫວີນຫລຽງ (Li Wenliang) ໄດ້ເສຍຊີວິດຈາກການຕິດເຊື້ອພະຍາດດັ່ງກ່າວເມື່ອຕົ້ນເດືອນກູມພານີ້.

    ປັດຈຸບັນ, ບຸກຄະລາກອນທາງການແພດຂອງຈີນຫລາຍໝື່ນຄົນຕ້ອງເຮັດວຽກຢ່າງໜັກ ເພື່ອຮັບມືກັບຄົນເຈັບທີ່ເພີ່ມຂຶ້ນຢ່າງຕໍ່ເນື່ອງໃນທົ່ວປະເທດ, ໂດຍສະເພາະແຂວງຫູ່ເປີ່ຍ ສປ ຈີນ. ລ່າສຸດຄະນະກຳມະການສຸຂະພາບປະຈຳແຂວງໄດ້ອອກມາຢືນຢັນຍອດຜູ້ຕິດເຊື້ອດັ່ງກ່າວເພີ່ມຂຶ້ນເປັ 1.807 ຄົນ ແລະ ເສຍຊີວິດເພີ່ມ 93 ຄົນ, ເຮັດໃຫ້ແຂວງຫູ່ເປີ່ຍມີຜູ້ເສຍຊີວິດລວມເປັນ 59.989 ຄົນ.