ລັດວິສາຫະກິດການບິນລາວ ເພີ່ມຖ້ຽວບິນ 2 ຖ້ຽວຕໍ່ວັນສ້າງຄວາມສະດວກໃຫ້ແກ່ ຊຽງຂວາງ ເກມ 2020
ອີງຕາມການລາຍງານຂອງ
ເວັບໄຊທາງການຂອງ ລັດວິສາຫະກິດການບິນລາວ ໄດ້ໃຫ້ຮູ້ວ່າ: ງານມະຫາກຳກີລາແຫ່ງຊາດຄັ້ງທີ່
11 ຊຽງຂວາງເກມ ລະຫວ່າງວັນທີ່ 22 ມີນາເຖີງ 1 ເມສານີ້ ລັດວິສາຫະກິດການບິນລາວ ໄດ້ເລັງເຫັນຄວາມສະດວກສະບາຍຂອງປະຊາຊົນທີ່ປະສົງຈະເດີນທາງໄປຮ່ວມງານກີລາແຫ່ງຊາດໃນຄັ້ງນີ້ຈຶ່ງໄດ້ເພີ່ມຖ້ຽວບີນ
2 ຖ້ຽວບິນຕໍ່ວັນ ເພື່ອຕອບສະໜອງຄວາມຕ້ອງການໃຫ້ແກ່ປະຊາຊົນລາວລວມໄປເຖີງນັກທ່ອງທ່ຽວຕ່າງປະເທດ
ສຳຫຼັັບການເພີ່ມຖ້ຽວບິນເຫີນຟ້າໄປຕິດຂອບສະໜາມມະຫາກຳກິລາແຫ່ງຊາດ ຊຽງຂວາງເກມ 2020 ລາຄາເລີ່ມຕົ້ນພຽງ 390,000 ກີບ/ຖ້ຽວ, ພິເສດເພີ່ມຖ້ຽວບິນເປັນ 2 ຖ້ຽວ/ມື້ ດັ່ງນີ້:
ຖ້ຽວປົກກະຕິ: ວຽຈັນ–ຊຽງຂວາງ (ເວລາບິນ
14:40ໂມງ ເວລາຮອດ 15:10 ໂມງ), ສ່ວນຖ້ຽວບິນ ຊຽງຂວາງ–ວຽງຈັນ (ເວລາບິນ 15:40 ໂມງ ເວລາຮອດ 16:10 ໂມງ)
ຖ້ຽວບິນເພີ່ມ: (ເລີ່ມບິນ 16 ມີນາ–5 ເມສາ 2020) ວຽງຈັນ–ຊຽງຂວາງ (ເວລາບິນ 08:30 ເວລາຮອດ 09:00), ສ່ວນ ຊຽງຂວາງ – ວຽງຈັນ (ເວລາບິນ 09:30 ເວລາຮອດ 10:00)
ສາມາດເປີດຈອງຕັ້ງແຕ່ມື້ນີ້ – 05 ເມສາ 2020 ແລະ ກໍານົດເວລາເດີນທາງແຕ່ 16 ມີນາ 2020 – 05 ເມສາ 2020 ສາມາດສອບຖາມ ແລະ ຈອງບ່ອນໄດ້ທີ່ສາຍດ່ວນ 1626 ຫຼື ຫ້ອງຂາຍການບິນລາວ ແລະ ໂຕແທນຈຳໜ່າຍ
