ຊັອກໂກແລັດ ມີປະໂຫຍດຕໍ່ການບຳລຸງຫົວໃຈ

   ຊັອກໂກແລັດ ບໍ່ໄດ້ມີດີແຕ່ເປັນຂອງຂັວນໄວ້ມອບໃຫ້ກັນໃນວັນແຫ່ງຄວາມຮັກເທົ່ານັ້ນ, ແຕ່ຍັງມີສັບພະຄຸນດີໆຫລາຍຢ່າງຕໍ່ສຸຂະພາບ ໂດຍສະເພາະແມ່ນຫົວໃຈ.

     ຊັອກໂກແລັດ ເຮັດຈາກການໝັກ, ຂົ້ວ ແລະ ບົດຢ່າງລະອຽດຂອງເມັດໂກໂກ້ ເຊິ່ງໄດ້ມາຈາກຕົ້ນໂກໂກ້ເຂດຮ້ອນ (tropical cacao tree) ເຊິ່ງມີຕົ້ນກຳເນີດຈາກອາເມລິກາກາງ ແລະ ແມັກຊິກ. ຕົ້ນໂກໂກ້ນັ້ນຄົ້ນພົບໂດຍຄົນອິນເດຍແດງ ແລະ ຄົນອັຊເຕກ (Aztecs), ແຕ່ໃນປັດຈຸບັນໄດ້ແຜ່ກະຈາຍ ແລະ ປູກໄປທົ່ວເຂດຮ້ອນ. ແກ່ນຂອງຕົ້ນໂກໂກ້ນັ້ນມີລົດຊາດຝາດທີ່ເຂັ້ມຂຸ້ນຫລາຍ, ຜົນຜະລິດຂອງແກ່ນໂກໂກ້ຮູ້ຈັກກັນໃນນາມ “ຊັອກໂກແລັດ”ຫລື ບາງ ສ່ວນຂອງໂລກໃນນາມ “ໂກໂກ້”.

     ປັດຈຸບັນ ຊັອກໂກແລັດກາຍເປັນທີ່ນິຍົມຂອງຄົນທົ່ວໂລກ ດ້ວຍລົດຊາດແຊບເປັນເອກະລັກທີ່ບໍ່ວ່າອັນໃດກໍມາທົດແທນບໍ່ໄດ້. ມາເບິ່ງກັນເລີຍວ່າແກ່ນໂກໂກ້ນັ້ນໃຫ້ປະໂຫຍດຫຍັງແດ່ :

     – ຊັອກໂກແລັດ ເຮັດມາຈາກແກ່ນໂກໂກ້ທີ່ໄດ້ຈາກຕົ້ນກາເກົາ ແນະນຳໃຫ້ຊົງດື່ມຝຸ່ນໂກໂກ້ ຫລື ກິນຊັອກໂກແລັດດຳ ຫລື ດ໊າກ ຊັອກໂກແລັດ.

     – ສານສະກັດຟລາໂວນອຍໂກໂກ້ ປະລິມານ 500 ມິນລີກຣາມ ອາດເຮັດໃຫ້ຫລຸດການກ້າມຂອງເລືອດ.

      – ໂກໂກ້ 100 ກຣາມ ໃຫ້ພະລັງງານ 228 ກິໂລກາລໍຣີ.

      – ປ້ອງກັນຄວາມເສື່ອມຂອງແຊນ, ມີສານຕ້ານແອນຕີອອກຊິແດນ ແລະ ສານຟລາໂວນອຍຫລາຍ.

     – ປ້ອງກັນພະຍາດຫົວໃຈ ແລະ ຫລອດເລືອດ, ເພີ່ມໄຂມັນດີ HDL, ຫລຸດໄຂມັນບໍ່ດີ LDL ແລະ ຫລຸດຄໍເລສເຕີໂຣນລວມ.

     – ເພີ່ມການໄຫລວຽນຂອງເລືອດ ເຮັດໃຫ້ເລືອດໄຫລວຽນໄປສູ່ຮ່າງກາຍ ແລະ ສະໝອງໄດ້ດີ.

     – ປ້ອງກັນອາການຊຶມເສົ້າ ແລະ ຫລຸດຄວາມເຄັ່ງຄຽດ, ເພີ່ມການຫລັ່ງສານສື່ປະສາດ (Norepinephrine).

     – ຫລຸດນຳ້ຕານໃນເລືອດ, ຕອບສະໜອງຕໍ່ການຫລັ່ງຮໍໂມນອິນຊູລິນ.

     – ໃນຊັອກໂກແລັດມີສານແອລຄາລອຍສຳຄັນ ຊື່ Theobromineອອກລິດຄ້າຍຄືກາເຟອີນ ເຊິ່ງຊ່ວຍກະຕຸ້ນການເຮັດວຽກຂອງຫົວໃຈ ລວມໄປເຖິງກະຕຸ້ນການເຮັດວຽກຂອງໝາກໄຂ່ຫລັງໃຫ້ໄລ່ນຳ້ຍ່ຽວອອກມາໄດ້ ຈຶ່ງນິຍົມໃຊ້ໃນຄົນປ່ວຍທີ່ມີບັນຫາກ່ຽວກັບລະບົບການເຮັດວຽກຂອງຫົວໃຈລົ້ມເຫລວ.

     ການກິນຊັອກໂກແລັດຊ່ວຍກະຕຸ້ນການເຮັດວຽກຂອງຫົວໃຈ, ແຕ່ເມື່ອມີປະໂຫຍດຂະໜາດນີ້ ການກິນຊັອກໂກແລັດນັ້ນກໍມີສິ່ງທີ່ຄວນລະວັງຄື ນຳ້ຕານ ຫລື ນົມ ທີ່ເປັນສ່ວນປະສົມເພີ່ມເຂົ້າມາໃນປະລິມານຫລາຍ ແລະ ຫາກກິນຫລາຍກໍເຮັດໃຫ້ຕຸ້ຍ ແລະ ສຸຂະພາບບໍ່ດີໄດ້ຄືກັນ. ດັ່ງນັ້ນ ຈຶ່ງຄວນກິນເປັນຊັອກໂກແລັດດຳ ທີ່ມີສ່ວນປະສົມຂອງ ນຳ້ຕານ ແລະ ນົມໜ້ອຍທີ່ສຸດ.