ເກີນຄວາມຝັນ ທີມຈາກອີຢິບ ດືງຜູ້ຮັກສາປະຕູອາຍຸ 75 ປີ ເຂົ້າຮ່ວມທີມ…!
ສະໂມສອນບານເຕະ ຊິກ ອ໊ອກໂທເບີ ທີມໃນລະດັບ 3 ຂອງລີກບານເຕະ ປະເທດອີຢີບ ສ້າງປະກົດການຄັ້ງໃໝ່ ດ້ວຍການເຊັນສັນຍາກັບ ເອຊຊ໌ ເອລ-ບິນ ນາຮາເດີ ຜູ້ຮັກສາປະຕູອາຍຸ 75 ປີຮ່ວມທີມ ເຊີ່ງເຮັດໃຫ້ລຸ້ນເປັນນັກເຕະທີ່ເຖົ້າທີ່ສຸດໃນໂລກຄົນໃໝ່ຖ້າໄດ້ລົງສະໜາມ.
ການເຊັນສັນຍາດັ່ງກ່າວນີ້ ຍັງບໍ່ໄດ້ມີການເປີດເຜີຍລະອຽດຂອງສັນຍາລະຫວ່າງທັງສອງຝ່າຍແຕ່ຢ່າງໃດ, ແຕ່ທາງ ສະມາຄົມບານເຕະເອຢິບ ( ອີເອັຟເອ ) ກໍ່ຮອງຮັບການຂຶ້ນທະບຽນຂອງ ບາຮາເດີ ເປັນທີ່ຮຽບຮ້ອຍແລ້ວ ເພາະວ່າກ່ອນໜ້ານີ້ ຄາຊູໂຢຊິ ມິອຸຣະ ຫຼື ຄິງ ຄາຊູ ກອງໜ້າຊາວຍີ່ປຸ່ນ ຂອງສະໂມສອນບານເຕະໂຢໂກຮາມາ ເອັຟຊີ ຄືນັກເຕະທີມໄດ້ຮັບການຍອມຮັບຢ່າງກວ້າງຂວາງວ່າ ເປັນນັກເຕະເລືອດຊາມູໄລ ທີ່ອາຍຸຫຼາຍທີສຸດຂອງໂລກ ເພາະປັດຈຸບັນອາຍຸໄດ້ 52 ປີ ແລະ ລາວຫາກໍຕໍ່ສັນຍາກັບທີມ
ຢ່າງໃດກໍຕາມ ກິນເນສສ໌ ເວິລ ໜ່ວຍງານດ້ານການບັນທຶກສະຖິຕິໂລກໄດ້ກ່າວວ່າ: ຄວາມຈິງແລ້ວນັກເຕະທີ່ເຖົ້າທີ່ສຸດໃນລະດັບບານເຕະອາຊີບຄື ອິຊາກ ຮາຢິກ ຜູ້ຮັກສາປະຕູຊາວອິສະຣາເອລ ຫາກໍລົງສະໜາມດ້ວຍອາຍຸ 73 ປີກັບ 95 ວັນ ໃນເດືອນເມສາປີກ່ອນ ເຮັດໃຫ້ ບາຮາເດີ ຈະສ້າງສະຖິຕິໃໝ່ ຖ້າຫາກໄດ້ລົງສະໜາມດ້ວຍສະຖິຕິ 75 ປີ
