ກຳໜົດວັນຊາປະນະກິດສົບທ່ານວາລະກອນພົມພັກດີຄູຝືກ Aລາຍເຊັນຄົນທໍາອິດໄດ້ຈາກໂລກນີ້ໄປແບບບໍ່ມີວັນຫວນຄືນ…
ອີງຕາມການລາຍງານຂອງ ສະຫະພັນບານເຕະແຫ່ງຊາດລາວ ໄດ້ກ່າວວ່າ: ຂໍສະແດງຄວາມເສຍໃຈ ແລະ ໄວ້ອາໄລເຖິງດວງວິນຍານຂອງ ທ່ານ ວາລະກອນ ພົມພັກດີ ( ຕ້ອມ ) ອະດີດຫົວຫນ້າຄູຝຶກທີມຊາດລາວ ເຊິ່ງເປັນຄູຝຶກຄົນລາວຄົນທໍາອິດ ທີ່ສາມາດເສັງຜ່ານຄູຝຶກລະດັບ A ລາຍເຊັນ, ໄດ້ຈາກພວກເຮົາໄປໂດຍບໍ່ມີວັນຫວນກັບ ໃນຕອນແລງວັນເສົາ 18 ມັງກອນ 2020 ຂໍໃຫ້ດວງວິນຍານຂອງທ່ານຈົ່ງໄປສູ່ສຸກຂະຕິ ເຮົາທຸກຄົນຈະຂໍຈົດຈຳຜົນງານ ແລະ ຄຸນງາມຄວາມດີຂອງທ່ານຕະຫຼອດໄປ
ທ່ານ ວາລະກອນ ເປັນຄູຝຶກທີມມີປະສົບການສູງໃນວົງການບານເຕະລາວ ເປັນຫົວໜ້າຄູຝຶກທີມຊາດລາວ ຊຸດໃຫຍ່ ມາຫຼາຍຊຸດ ລວມທັງຍັງເປັນຄູຝຶກທີມມີຊື່ສຽງໃນວົງການບານເຕະລາວ ມາໂດຍຕະຫຼອດ ເປັນຕົ້ນແມ່ນເປັນຄູຝຶກຂອງ ມຊ ເອັຟຊີ ແລະ ອີໂວ້ ຢູໄນເຕັດ ລຸຍການແຂ່ງຂັນບານເຕະ ລາວພຣີເມຍລີກ ທີ່ພວກເຮົາເຫັນກັນມາແລ້ວຢ່າງປະຈັກຕາ.
ສຳຫຼັບພິທີບຳເພັນກຸສົນແມ່ນໄວ້ທີ່ເຮືອນຜູ້ກ່ຽວເອງ ທີ່ບ້ານສີຫອມ(ກົງກັນຂ້າມກັບ ຮ້ານອາຫານຈຸ່ມຂີ້ມ ສີສະໝຸດ) ເມືອງຈັນທະບູລີນະຄອນຫຼວງວຽງຈັນ ກຳໜົດວັນຊາປະນະກິດສົບ ວັນພະຫັດ ທີ່ 23 ມັງກອນ ເວລາ 13:00 ໂມງ ທີ່ວັດເທບນິມິດ (ທາດຝຸ່ນ) ແລະ ວັນເສົາທີ່ 25 ມັງກອນ ເປັນມື້ຫ້າງຫາກະກຽມຕັ້ງກອງບຸນ,ວັນອາທິດ 26 ມັງກອນ ເປັນມື້ຕັກບາດ ຖະຫວາຍສັງຂະທານ (ພຣະສົງ 9 ອົງ)
