ລາວໂຕໂຢຕ້າກຽມລຸຍລາຍການ LEO PRE-SEASON CUP 2020

ສະໂມສອນບານເຕະ ລາວໂຕໂຢຕ້າ ເອັຟຊີ ແຊ້ມເປບຊີ ລາວພຣີເມຍລີກ 2019 ຂອງລາວເຮົາກຽມທີມທົດສອບກັບທີມຊັ້ນນໍາໃນລາຍການ LEO PRE-SEASON CUP 2020 ທີ່ຈະເປີດສາກຂຶ້ນໃນວັນທີ 18 ມັງກອນ 2020 ເພື່ອກຽມຄວາມພ້ອມຂອງທີມທີ່ຈະໄປແຂ່ງລາຍການ AFC Cup 2020.

ໂດຍໃນລາຍການດັ່ງກ່າວມີເຖິງ 16 ສະໂມສອນປະກອບດ້ວຍ:  ສະໂມສອນ ສິງ ຊຽງຣາຍ ຢູໄນເຕັດ ແຊັມໄທລີກ 1 (ລີກສູງສຸດຂອງປະເທດໄທ), ບີຈີ ປະທຸມ ຢູໄນເຕັດ ແຊັມໄທລີກ 2, ການທ່າເຮືອ ເອັຟຊີ ແຊັມເອເອັຟ ຄັບ ປະເທດໄທ ແລະ ປຣະຈວບ ເອັຟຊີ ແຊັມລີກຄັບ

ສະໂມສອນຊັ້ນນໍາຂອງປະເທດໄທນໍາໂດຍ ເອັສຊີຈີ ເມືອງທອງ ຢູໄນເຕັດ, ນະຄອນຣາດຊະສີມາ ມາສດ້າ ເອັຟຊີ, ໄຊນາດ ຮອນບິລ ເອັຟຊີ, ຊຽງໃໝ່ ເອັຟຊີ, ຣະຢອງ ເອັຟຊີ, ອຸດອນທານີ ເອັຟຊີ, ຂອນແກ່ນ ເອັຟຊີ ແລະ ໜອງບົວ ພິຊົນ ເອັຟຊີ

ສ່ວນສະໂມສອນທີ່ມາຈາກປະເທດອື່ນໆປະກອບມີ: ເຊເຣໂຊ ໂອຊາກ້າ ເອັຟຊີ (ທີມຈາກປະເທດຍີ່ປຸ່ນ), ແທມປະເນສ ໂຣເວີ ເອັຟຊີ (ທີມຈາກປະເທດສິງກະໂປ), ລາວໂຕໂຢຕ້າ ເອັຟຊີ (ແຊ້ມເປບຊີ ລາວພຣີເມຍລີກ 2019) ແລະ ພະນົມເປັນ ຄຣາວ ເອັຟຊີ (ທີມຈາກປະເທດກໍາປູເຈຍ)