ເດັກຍິງ ແມັກຊິກໂກ ອາຍຸ 9 ປີ ເກີດລູກສາວ
ເນື່ອງໃນໂອກາດສົ່ງທ້າຍປີເກົ່າ ຕ້ອນຮັບປີໃໝ່ນີ້. ສຳລັບໃນປີຜ່ານມາກໍມີຂ່າວສານທົ່ວໂລກເກີດຂຶ້ນມາກມາຍ ໂດຍສະເພາະຢ່າງຍິ່ງແມ່ນຂ່າວເລື່ອງແປກໆ ທີ່ຫຼາຍຄົນໄດ້ອ່ານໃນໜ້າໜັງສືພິມ “ລາວພັດທະນາ”.
ເຖິງຢ່າງໃດກໍດີ, ໂອກາດສີ້ນປີເກົ່ານີ້, ພວກເຮົາຍັງຈະສືບຕໍ່ຊອກເອົາເລື່ອງແປກໆ, ເລື່ອງອຶ້ງໆ, ຊອ໊ກ ມາເລົ່າຢູ່ກັນຟັງຕໍ່ໄປ. ຂໍໃຫ້ທ່ານຜູ້ອ່ານຈົ່ງຕິດຕາມຕໍ່ໄປ. ມື້ນີ້, ເຮົາຈະໄດ້ນຳເອົາເລື່ອງແປກອີກເລື່ອງໜຶ່ງມາເລົ່າສູ່ຟັງ ເພື່ອເປັນການສົ່ງທ້າຍປີເກົ່າ ຕ້ອນຮັບປີໃໝ່ກະແລ້ວກັນ.
ເດັກຍິງຊາວ ແມັກຊິກໂກ ອາຍຸ 9 ປີ ຕັ້ງທ້ອງແລະ ເກີດລູກອອກມາຢ່າງປອດໄພ ເມື່ອວັນທີ 27 ກຸມພາ ປີ 2013 ກ່ອນທີ່ເຈົ້າໜ້າທີ່ຈະເລັ່ງສອບສວນຫາຜູ້ກໍ່ເຫດກັບເດັກ ຊຶ່ງສັນນິຖານວ່າເປັນຊາຍໜຸ່ມອາຍຸ 17 ປີ ໂດຍເລື່ອງນີ້ກາຍເປັນທີ່ຖົກຖຽງກັນຢ່າງກ້ວາງຂວາງໃນຊ່ວງນັ້ນວ່າ ເດັກອາຍຸ 9 ປີຈະຕັ້ງທ້ອງໄດ້ຢ່າງໃດ ເພາະດ້ວຍຮ່າງກາຍຂອງເດັກຍິງອາຍຸນ້ອຍເທົ່ານີ້ ບໍ່ໜ້າຈະຢູ່ໃນສະພາບທີ່ເໝາະແກ່ການມີລູກ.
