ຕໍາຫລວດແຂວງໄຊຍະບູລີຈັບຜູ້ຄ້າຂາຍຢາເສບຕິດ ພ້ອມຂອງກາງຢາບ້າ 7 ພັນເມັດ

  ເຈົ້າໜ້າທີ່ ປກສ ແຂວງໄຊຍະບູລີ ລາຍງານໃຫ້ຮູ້ວ່າ: ເມື່ອທ້າຍເດືອນທັນວາ 2019 ຜ່ານມາ, ກໍາລັງເຈົ້າໜ້າທີ່ຂອງຕົນໄດ້ຈັບຕົວທ້າວ ຈ່ຽວເຟີຍ ອາຍຸ 57 ປີ ແລະ ນາງ ຈ່ຽວອຽນ ອາຍຸ 56 ປີ (ທັງສອງເປັນຜົວເມຍກັນ) ມາດໍາເນີນຄະດີຕາມລະບຽບກົດໝາຍ, ​ໃນນຂະນະນໍາຢາບ້າໄປສົ່ງໃຫ້ຜູ້ສັ່ງຊື້ຢູ່ເສັ້ນທາງເຂດເທສະບານເມືອງໄຊຍະບູລີ ຈຳນວນ 6.000 ເມັດ. ຈາກນັ້ນເຈົ້າໜ້າທີ່ ໄດ້ໄປກວດຄົ້ນເຮືອນພວກກ່ຽວພົບຢາບ້າຕື່ມອີກ 1.200 ເມັດ, ຝິ່ນ 5 ກ້ອນ ແລະ ເງິນ 14 ລ້ານກີບ, 40.000 ບາດ (ສະກຸນເງິນໄທ) ແລະ ໂທລະສັບມືຖື 2 ໜ່ວຍ ຈຶ່ງໄດ້ຢຶດໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດ ໝາຍ, ພ້ອມທັງຈະຂະຫຍາຍຜົນຫາຜູ້ຮ່ວມຂະບວນການເພື່ອຈັບຕົວມາດໍາເນີນຄະດີຕາມກົດໝາຍ.