ມອບເງິນຊົດ​ເຊີຍຜົນກະທົບຈາກໂຄງການກໍ່ສ້າງເສັ້ນທາງລົດໄຟລາວ-ຈີນ ​ຂອບ​ເຂດຜ່ານແຂວງຫຼວງພະບາງ

      ວັນທີ 23 ທັນວານີ້ ຄະນະຊີ້ນໍາໂຄງການກໍ່ສ້າງ​ເສັ້ນທາງລົດໄຟ ລາວ-ຈີນ ໄລຍະຜ່ານຂອບ​ເຂດແຂວງຫຼວງພະບາງ ໄດ້ຈັດພິທີເບີກຈ່າຍຄ່າຊົດ​ເຊີຍສິ່ງກີດຂວາງ ແລະ ຜົນກະທົບຈາກໂຄງການດັ່ງ​ກ່າວງວດທີ 3 ຂອງເມືອງ, ງວດທີ 4 ຂອງແຂວງ ແລະ ງວດທີ 5 ຂອງໂຄງການ, ໃນນັ້ນ ປະກອບມີ 3 ບ້ານຄື: ບ້ານນຸນສະຫວາດ, ຊຽງລ້ອມ ແລະ ບ້ານພິກໃຫ່ຍ ຈຳນວນ 79 ຄອບຄົວ ລວມມູນຄ່າ 29 ຕື້ກວ່າກີບ. ກ່າວມອບໂດຍທ່ານ ຈັນທະວົງ ຜົນນະຈິດ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ,  ຮອງປະທານຄະນະປະສານງານໂຄງການກໍ່ສ້າງທາງລົດໄຟ ລາວ-ຈີນ ໄລຍະຜ່ານແຂວງຫຼວງພະບາງ, ໂດຍມີ ທ່ານ ສົມດີ ພອນສະຫວັດ ຮອງເຈົ້ານະຄອນຫຼວງພະບາງ, ມີຄະນະຮັບຜິດຊອບຂັ້ນແຂວງ ພ້ອມດ້ວຍປະຊາຊົນຜູ້ທີ່ຖືກຜົນກະທົບຈາກ 3 ບ້ານເຂົ້າຮ່ວມ.