ສຸລະຍຸປະຣາຄາສ້າງຄວາມຮືຮາໄປທົ່ວອາຊີ
ໃນວັນທີ 26 ທັນວານີ້ ຜູ້ຄົນໃນອາຊີ ນັບແຕ່ອາຣັບບີ ຊາອຸດິດ, ໂອມານ ໄປຈົນເຖິງອິນເດຍ ແລະ ສິງກະໂປ ມີໂອກາດໄດ້ເບິ່ງປາກົດການເທິງທ້ອງຟ້າທີ່ເອີ້ນວ່າ: ສຸລິຍຸປະຣາຄາວົງມົນ ເຊິ່ງເປັນປາກົດການທີ່ເກີດຂຶ້ນເມື່ອດວງເດືອນຢູ່ໃກ້ໂລກ ບໍ່ພໍທີ່ຈະເຮັດໃຫ້ເກີດເງົາບັງດວງຕາເວັນໄດ້ທັງໝົດ ແລະ ຈະເຫັນເປັນສຸລິຍຸປະຣາຄາວົງມົນທີ່ມີເງົາດຳມົນຢູ່ທາງກາງ.
ປາກົດການດັ່ງກ່າວເປັນປາກົດການທີ່ເກີດຂຶ້ນທຸກປີ ຫລື ສອງປີ ແລະ ໃນແຕ່ລະຄັ້ງທີ່ເກີດຈະມີພຽງແນວດຽວເທົ່ານັ້ນໃນໂລກ ທີ່ສາມາດເຫັນສຸລິຍຸປະຣາຄາວົງມົນໄດ້ ໂດຍແນວທີ່ສາມາດເຫັນສຸລິຍຸປະຣາຄາວົງມົນໃນເທື່ອນີ້ ໄລ່ແຕ່ຕາເວັນອອກກາງ ຜ່ານອິນເດຍຕອນໃຕ້, ຜ່ານອາຊີຕາເວັນອອກສຽງໃຕ້ ໄປຈົນຮອດມະຫາສະໝຸດປາຊີຟິກຕອນເໜືອ, ສ່ວນພື້ນທີ່ອື່ນທີ່ຢູ່ນອກແນວ ມີໂອກາດໄດ້ເຫັນພຽງສຸລິຍຸປະຣາຄາບາງສ່ວນ ແລະ ການຈະກັບມາເກີດສຸລິຍຸປະຣາຄາວົງມົນຊ້ຳໃນແນວເກົ່າອີກ ຕ້ອງລໍຖ້າອີກຫລາຍທົດສະວັດ.
ສຸລິຍຸປະຣາຄາປະຈຳປີຄັ້ງຕໍ່ໄປຈະເກີດຂຶ້ນໃນເດືອນມິຖຸນາ ແລະ ຈະເຫັນຢູ່ພຽງອາຟຣິກາເຖິງອາຊີເໜືອເທົ່ານັ້ນ, ສ່ວນຄັ້ງຕໍ່ໄປຈະເກີດຂຶ້ນໃນເດືອນມິຖຸນາ 2021 ແລະ ຈະເຫັນສະເພາະຢູ່ທະວີບອາກຕິກ, ບາງສ່ວນຂອງການາດາ, ກຣີນແລນ ແລະ ເຂດຕາເວັນອອກໄກຂອງຣັດເຊຍ.
