ຮ່ວມລົງນາມສະໜັບສະໜູນໂຄງການລະດົມທຶນຊ່ວຍເຫລືອ ຖົງປຶ້ມເພື່ອນ້ອງ
ພິທີລົງນາມຮ່ວມສະໜັບ ສະໜູນໂຄງການລະດົມທຶນຊ່ວຍ ເຫຼືອ “ຖົງປື້ມເພື່ອນ້ອງ” ລະຫວ່າງກົມມັດທະຍົມສຶກສາທິ ການກະຊວງສຶກສາ ແລະ ກິລາ, ຫໍສະໝຸດແຫ່ງຊາດ, ສະມາຄົມ ສິລະປິນລາວ, ກະຊວງຖະແຫຼງຂ່າວ, ວັດທະນະທໍາ ແລະ ທ່ອງ ທ່ຽວ, ວິສາຫະກິດຫັດຖະກໍາປະ ດິດດອກຈໍາປາ, ໄດ້ມີຂຶ້ນໃນວັນທີ31ພຶດສະພາແລ້ວນີ້, ທີ່ນະຄອນຫລວງວຽງຈັນໂດຍການເຂົ້າ ຮ່ວມຂອງທ່ານ ບົວເງິນ ຊາພູວົງ ສິລະປິນແຫ່ງຊາດ ປະທານສະມາຄົມສິລະປິນລາວ ຮອງລັດຖະ ມົນຕີກະຊວງຖະແຫຼງຂ່າວ, ວັດ ທະນະທໍາ ແລະ ທ່ອງທ່ຽວພ້ອມ ທັງເປັນປະທານຊື້ນໍາໂຄງການລະດົມທຶນຊ່ວຍເຫຼືອດັ່ງກ່າວ.
ຮອງຫົວໜ້າກົມສິລະປະການສະແດງກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ, ຫົວໜ້າໂຄງການລະດົມ ທຶນຊ່ວຍເຫຼືອນີ້ ໃຫ້ຮູ້ວ່າ: ການລະດົມທຶນດັ່ງກ່າວເພື່ອແນໃສ່ຕອບສະໜອງປຶ້ມ ແລະ ອຸປະກອ ການຮຽນຕ່າງໆໃຫ້ແກ່ນ້ອງ ນັກຮຽນຊັ້ນປະຖົມ ແລະມັດທະ ຍົມສຶກສາຜູ້ທຸກຍາກຂາດເຂີນ ໃນຂອບເຂດທົ່ວປະເທດ, ແລະ ແນໃສ່ ສົ່ງເສີມການສຶກສາ ໃນ ໂຮງຮຽນຊັ້ນປະຖົມ-ມັດທະຍົມສຶກສາ, ນໍາເອົາປື້ມອ່ານເລົ່າ ນັ້ນໄປຊ່ວຍເຫຼືອຫໍສະໝຸດໃນໂຮງຮຽນເພື່ອສົ່ງເສີມການ ອ່ານ ແລະ ສ້າງກອງທຶນໃຫ້ແກ່ສະມາຄົມສິລະປິນລາວເພື່ອພັດທະນາບຸກຄະລາກອນ ແລະ ວຽກງານສົ່ງເສີມສິລະປະວັດ ທະນະທໍາລາວຄຽງຄູ່ກັບວຽກງານການສຶກສາໃຫ້ຍຶນຍົງຕະຫລອດໄປ.
+ ອົງການສຸພານິມິດຮຽກຮ້ອງໃຫ້ຊຸມຊົມມີສ່ວນຮ່ວມໃນການລຶບລ້າງການໃຊ້ຄວາມຮຸນແຮງຕໍ່ເດັກ ແລະ ໄວໜຸ່ມ
+ ເຊັນສັນຍາຜູ້ອຸປະຖຳຫລັກງານແຂ່ງຂັນເພາະກາຍ Mr.Lao ຊາຍ+ຍິງ ຫຸ່ນດີປະຈຳປີ 2017
ຫົວໜ້າໂຄງການລະດົມທຶນດັ່ງກ່າວໃຫ້ຮູ້ອີກວ່າ: ໂຄງການກອງທຶນຖົງປື້ມເພື່ອນ້ອງ ເລີ່ມຈັດຕັ້ງປະຕິບັດມາແຕ່ຕົ້ນປີ 2017-2022. ເຊິ່ງໃນ ໄລຍະທໍາອິດຈະມອບໃຫ້ 2 ຕົວເມືອງຄື: ເມືອງປາກງື່ມ ແລະເມືອງ ສັງທອງນະຄອນຫຼວງວຽງຈັນ. ໄລຍະທີສອງຈະລົງຊຸກຍູ້ຊ່ວຍເຫຼືອໂຮງຮຽນທີ່ທຸກຍາກໃນເຂດຫ່າງໄກສອກຫຼີກທີ່ນອນຢູ່ໃນ 49 ຕົວເມືອງທຸກຍາກ ທີ່ເປັນບຸລິມະສິດຂອງລັດຖະ ບານແລ້ວຈະສືບຕໍ່ຂະຫຍາຍລົງສູ່ໂຮງຮຽນປະຖົມ ແລະ ມັດ ທະຍົມສຶກສາຕ່າງໆໃນຂອບ ເຂດທົ່ວປະເທດຕາມເປົ້າໝາຍ ໂຄງການຄາດວ່າການຊ່ວຍເຫຼືອດ້ານອຸປະກອນສຶກສາຖົງ ປື້ມນັກຮຽນໃນທົ່ວປະເທດຈະມີ ປະມານ 1,6 ລ້ານຖົງ, ໂດຍສະ ເພາະແມ່ນປື້ມອ່ານ, ປື້ມແບບຮຽນ ແລະອຸປະກອນການຂຽນ (ປື້ມ ຂຽນ, ບິກ, ສໍດໍາ, ຢາງລຶບ ແລະ ບັນທັດ). ເພື່ອເປັນການດຶງ ດູດຈິດໃຈ ແລະ ສ້າງຈິດສໍານຶກ ກ່ຽວກັບການສຶກສາໃຫ້ກັບ ນ້ອງນັກຮຽນມີການພັດທະນາ ດີຂຶ້ນ, ສ້າງນິໄສໃຫ້ນັກຮຽນຮັກ ການອ່ານແຕ່ເຍົາໄວ ແລະ ສົ່ງ ເສີມໃຫ້ນັກຮຽນມີຄວາມກະ ຕືລືລົ້ນໃນການມາໂຮງຮຽນ ແລະເອົາໃຈໃສ່ໃນການຮຽນຫລາຍຂຶ້ນ.
