ຄອບຄົວທີ່ໃຫ່ຍທີ່ສຸດໃນໂລກ

ລູກເມືອງພວນ

ພໍ່ເຖົ້າ Pavel Semeyak ອາຍຸ 87 ປີ ມີຄວາມໄຝ່ຝັນຢາກມີຄອບຄົວທີ່ຍິ່ງໃຫ່ຍທີ່ສຸດໃນໂລກ, ພາຍຫຼັງພັນລະຍາຂອງເຂົາເກີດລູກຜູ້ທີ່ 13 ແລ້ວ, ເຂົາຍັງມີຄວາມຫວັງວ່າຈະເຮັດໃຫ້ຄອບຄົວຂອງເຂົາຂະຫຍາຍຕົວໃຫ້ຍິ່ງໃຫ່ຍຂຶ້ນເລື້ອຍໆ.

ມາເຖິງປັດຈຸບັນພໍ່ເຖົ້າ Pavel ມີລູກ-ຫຼານ ທັງໝົດ 346 ຄົນ. ໃນນັ້ນລູກ 13 ຄົນ, ຫຼານ 127 ຄົນ, ເຫຼັນ 203 ຄົນ ແລະ ຫຼອດ 3 ຄົນ. ຜູ້ທີ່ມີອາຍຸນ້ອຍທີ່ສຸດໃນຄອບຄົວປັດຈຸບັນພຽງ 2 ສັບປະດາເທົ່ານັ້ນ.

ຄອບຄົວຂອງພໍ່ເຖົ້າ Pavel ດຳລັງຊີວິດຢູ່ໃນໝູ່ບ້ານ Dobroslav ໃນເຂດ Odessa Oblast, Ukraine. ພໍ່ເຖົ້າຄົນນີ້ໃຫ້ຮູ້ວ່າ: ຄວາມຫຍຸ່ງຍາກທີ່ສຸດສຳລັບພໍ່ເຖົ້າແມ່ນການຈື່ຊື່ຂອງລູກ-ຫຼານໃຫ້ໄດ້ໝົດ. “ຜູ້ໃຫ່ຍແມ່ນຂ້ອຍຈຳຊື່ໄດ້ ແຕ່ລູກຫຼານຜູ້ນ້ອຍແມ່ນບໍ່ສາມາດຈຳໄດ້”(ພໍ່ເຖົ້າເປີດເຜີຍ).

ໃນເມື່ອມີສະມາຊິກໃນຄອບຄົວແຕ່ງດອງ, ທັງໝົດອ້າຍ-ເອື້ອຍ-ນ້ອງ-ລູກ-ຫຼານ ຈະພ້ອມກັນສ້າງເຮືອນຢູ່ໃນບ້ານໃຫ້ຄູ່ສົມລົດໃໝ່.

Vira Semenyuk ລູກສາວຜູ້ອາຍຸ 66 ປີຂອງພໍ່ເຖົ້າເລົ່າວ່າ: “ພວກເຮົາມັກຈະແຕ່ງອາຫານໃຫ້ຫຼາຍໆ ເພື່ອເປັນການສະຫຼອງເຫດການຕ່າງ ເຊັ່ນ: ວັນເກີດ, ງານແຕ່ງດອງ ຂອງສະມາຊິກໃນຄອບຄົວ, ຜູ້ຍິງໃນຄອບຄົວເປັນຜູ້ຊ່ວຍກັນແຕ່ງກິນ”.

ຫ່ວາງບໍ່ດົນມານີ້, ຕະກຸນ Semenyuk ໄດ້ຮັບຮອງເອົາຄອບຄົວຂອງພໍ່ເຖົ້າ ເປັນຄອບຄົວທີ່ໃຫ່ຍທີ່ສຸດຂອງ Ukraine. ປັດຈູບັນກຳລັງນຳສະເໜີຕໍ່ອົງການຈັດຕັ້ງ Guinness ຂອງໂລກເພື່ອຮັບຮອງໃຫ້ເປັນຄອບຄົວທີ່ຍິ່ງໃຫ່ຍທີ່ສຸດຂອງໜ່ວຍພິພົບນີ້.