ລູກຝາແຝດ ສື່ສານດ້ວຍພາສາກັນເອງ

ລູກເມືອງພວນ

ໂຈນ ແລະ ເຈນນີເຟີ ເປັນຄູ່ຝາແຝດໃນປະເທດ ແວວ ​ເຊິ່ງເກີດໃນຊຸມປີ 60, ອາດເປັນຄູ່ຝາແຝດອັດສະຈັນທີ່ສຸດໃນໂລກ, ເມື່ອທັງຄູ່ສື່ສານກັນດ້ວຍພາສາທີ່ເຂົ້າໃຈກັນເອງຕັ້ງແຕ່ເດັກ. ທັງຄູ່ຕັດການສື່ສານຈາກຄົນພາຍນອກ ແລະ ບໍ່ສາມາດຈະເຂົ້າກັບສັງຄົມໄດ້ເລີຍ. ເຖິງແມ່ນພໍ່ແມ່ຂອງພວກເຂົາຈະແກ້ໄຂດ້ວຍວິທີແຍກພວກເຂົາອອກຈາກກັນໃຫ້ໄປຮຽນຢູ່ຄົນລະໂຮງຮຽນທີ່ແຕກຕ່າງກັນກໍຕາມ, ແຕ່ບໍ່ເປັນໄປດັ່ງທີ່ຄິດ, ຊໍ້າບໍ່ໜຳຍິ່ງເພີ່ມຄວາມຮ້າຍ​ແຮງຂຶ້ນຕື່ມ, ນັ້ນຄືທັງຄູ່ມີນິໄສກ້າວລ້າວ ແລະ ກາຍເປັນອາດສະຍາກອນ, ຈົນຕ້ອງໄດ້ສົ່ງເຂົ້າປິ່ນປົວຢູ່ໃນໂຮງໝໍໂລກຈິດ.

ພວກເຂົາເຄີຍກ່າວໄວ້ວ່າ: ຕ້ອງມີຜູ້ໃດຜູ້ໜຶ່ງຕາຍໄປ, ອີກຄົນໜຶ່ງຈຶ່ງຈະເປັນອິດສະຫຼະ. ເມື່ອເຈນນີເຟີ ຍອມສະຫຼະຊີວິດຂອງຕົນເອງ ຈາກອາການຫົວໃຈວາຍຢ່າງປິດສະໜາ, ໂຈນ ຈຶ່ງໄດ້ກັບກາຍມາເປັນຄົນປົກະຕິທົ່ວໄປອີກຄັ້ງ. ຕາມທຳມະດາແລ້ວ ຄົນເຮົາເກີດມາກໍຈະໄດ້ຮັບການສຶກສາ ແລະ ພາສາຄຳເວົ້າຈາກພໍ່ແມ່ ແລະ ສັງຄົມ ແລະ ເມື່ອໃຫ່ຍຂຶ້ນມາກໍຈະໃຊ້ພາສາດຽວກັບພໍ່ແມ່, ແຕ່ເດັກສອງຄົນນີ້ບໍ່ໃຊ້ພາສາຂອງພໍ່ແມ່, ບໍ່ໃຊ້ພາສາໃນຄອບຄົວ ແຕ່ໃຊ້ພາສາຂອງພວກເຂົາເອງ ທີ່ລົມກັນພຽງແຕ່ສອງຄົນ ຈຶ່ງນັບວ່າເປັນເລື່ອງແປກທີ່ບໍ່ເຄີຍມີມາກ່ອນໃນມະນຸດຊາດພວກເຮົາ.