ໄຊຍະບູລີທໍາລາຍສິນຄ້ານໍາເຂົ້າທີ່ບໍ່ຖືກຕ້ອງ-ສິນຄ້າໝົດອາຍຸ ລວມມູນຄ່າ 27 ລ້ານກວ່າກີບ
December 19, 2019 - 10:55 AM
ພິທີທໍາລາຍສິນຄ້າໝົດອາຍຸ, ສິນຄ້ານອກລະບົບ, ສິນຄ້າລອກຮຽນ ແບບ, ສິນຄ້າຫ້າມນໍາເຂົ້າ-ຈໍາໜ່າຍ ແລະ ອຸປະກອນຮັບສັນຍານໂທລະພາບ ໃນວັນທີ 17 ທັນວານີ້ ພະແນກອຸດສາຫະກໍາ ແລະ ການຄ້າແຂວງໄຊຍະບູລີ ໄດ້ທຳລາຍສິນຄ້າໝົດອາຍຸ, ສິນຄ້ານຳເຂົ້າບໍ່ຖືກຕ້ອງທີ່ໜ່ວຍງານສະເພາະກິດສາມາດຍຶດມາໄດ້ໃນຕະຫລາດຕ່າງໆ ລວມມີມູນຄ່າຫລາຍກວ່າ 27 ລ້ານກີບຄື: ຢາສູບ, ຢາສູບໄຟຟ້າ ແລະ ໄດ້ພົບເຫັນສິນຄ້າໝົດອາຍຸ, ສິນຄ້າລອກຮຽນແບບ ມີ 6 ລາຍການ ພ້ອມໄດ້ສົມທົບກັບຕໍາຫຼວດສິ່ງແວດ ລ້ອມ ແລະ ຕໍາຫຼວດເສດຖະກິດ ປກສ ແຂວງ ລົງກວດກາຊຸດອຸປະກອນຮັບສັນຍານໂທລະພາບຜ່ານດາວທຽມທີ່ບໍ່ຖືກຕ້ອງ ແລະ ອຸປະກອນລ່າເນື້ອແບບດັບສູນ, ອຸປະກອນຂຸດຄົ້ນໄມ້ ລວມມີ 21 ລາຍການ.
