ທີ​ເຄຊາ​ວລາວ​ຂົນ​ເອົາ​ນັກ​ຮ້ອງ​ຂອງ​ຄ້າຍ​ໄປ​ປະຊັນ​ສຽງ​ຢູ່​ວຽງ​ຈັນ​ເຊັນ​ເຕີ ​ໃນ​ງານ​ເດືອນ​ແຫ່ງ​ແມ່ຍິງ

ວັນທີ 11-17 ມີນານີ້, ທີ່ສູນການຄ້າວຽງຈັນເຊັນເຕີນະຄອນຫລວງວຽງຈັນ, ໄດ້ເປີດງານວາງສະແດງ ແລະ  ຈຳໜ່າຍສິນຄ້າຄວາມສວຍງາມ ແລະ ສຸຂະພາບດີ, ໃນງານເດືອນແຫ່ງແມ່ຍິງ, ເພື່ອເປັນການສະເຫລີມສະຫລອງວັນແມ່ຍິງສາກົນຄົບຮອບ 107 ປີ, ຊຶ່ງຜະລິດຕະພັນທີ່ນຳມາຈັດວາງສະແດງປະກອບມີ: ເຄື່ອງສຳອາງຊື່ດັງຈາກພາຍໃນ ແລະ ຕ່າງປະເທດເປັນຕົ້ນເຄື່ອງສຳອາງໂລ ຮາຊິສ ທີ່ນຳເຂົ້າຈາກປະເທດເກົາຫລີ, ເຄື່ອງນຸ່ງຫົ່ມ, ເຄື່ອງໃຊ້ສອຍປະຈຳວັນຂອງແມ່ຍິງ, ຮ້ານເສີມສວຍຊື່ດັງ ແລະ ຜະລິດຕະພັນອື່ນໆຢ່າງຫລວງຫລາຍ.

ຜູ້ເຂົ້າທ່ຽວຊົມສິນຄ້າທີ່ນຳມາວາງສະແດງໃນງານຄັ້ງນີ້, ນອກຈາກໄດ້ຮັບສິນຄ້າທີ່ມີຄຸນນະພາບແລ້ວ, ຍັງໄດ້ຮັບຟັງເພງມ່ວນອອນຊອນ ແລະ ເປັນທີ່ຮູ້ຈັກກັນດີຈາກກຸ່ມສິລະປິນຂອງ ຄ້າຍເພັງທີເຄຊາວລາວທີ່ພັດປ່ຽນກັນຂຶ້ນຂັບຮ້ອງຢ່າງມ່ວນຊື່ນ, ໂດຍສະເພາະວັນທີ 12 ມີນາຜ່ານມາ, ໄດ້ພົບກັບນັກຮ້ອງ ສາວ ມິນິ ແອງເຈີ ເຈົ້າຂອງຜົນງານເພັງ ນ້ອງບໍ່ແມ່ນນາງຟ້າ, ນ້ອງຢາກໄດ້ຜົວ, ເທວະດາຟ້າ ເອີ້ຍ, ໜຸ່ມ ຕ້ອມ ນັດຕະກອນ ເຈົ້າຂອງຜົນງານເພັງອ້າຍດີບໍ່ພໍ ຫລື ຄົນທີ່ລໍບໍ່ແມ່ນອ້າຍ, ໜຸ່ມ ເຕຊິນ ວົງທອງຄຳ ເຈົ້າຂອງຜົນງານ ເພັງ ດອກຟ້າກັບໝາວັດ ແລະ ໜຸ່ມ ນູ່ 831 ພະເອກໜັງ ຂ້ອຍ ຮັກເຈົ້າ, ໂດຍແຕ່ລະວັນຈະໄດ້ ມີນັກຮ້ອງຂອງຄ້າຍພັດປ່ຽນກັນ ໄປໃຫ້ຄວາມມ່ວນຊື່ນແບບບໍ່ຊ້ຳ ໜ້າອີກດ້ວຍ.

Save