ດ່ານພາສີສາກົນຂົວມິດຕະພາບ II ສູ້ຊົນເກັບລາຍຮັບໃຫ້ບັນລຸເປົ້າ
ຫົວໜ້າດ່ານພາສີສາກົນຂົວມິດຕະພາບ
II ແຂວງສະຫວັນນະເຂດໃຫ້ຮູ້ວ່າ:
ດ່ານແຫ່ງນີ້ປະກອບມີ 4 ໜ່ວຍງານຄື: ໜ່ວຍງານຄຸ້ມຄອງການແຈ້ງ, ໜ່ວຍງານຄຸ້ມຄອງສາງ ແລະ
ກວດກາສິນຄ້າ, ໜ່ວຍງານຄຸ້ມຄອງພາຫະນະ ແລະ ຜູ້ໂດຍສານ, ໜ່ວຍງານຄຸ້ມຄອງ ແລະ
ບໍລິຫານວຽກງານພາສີ, ມີ 1 ດ່ານທ້ອງຖິ່ນ, 4 ດ່ານປະເພນີຂຶ້ນກັບຄື: ດ່ານທ້ອງຖິ່ນທ່າເຮືອຜູ້ໂດຍສານ,
ດ່ານປະເພນີເຊບັ້ງໄຟ, ດ່ານປະເພນີເຫຼົ່າໝາກຫູດ, ດ່ານປະເພນີດອນຫວາຍ ແລະ
ດ່າປະເພນີທ່າປະຊຸມ.
ໃນປີ 2019 ສາມາດຈັດຕັ້ງປະຕິບັດການເກັບລາຍຮັບໄດ້
404 ຕື້ກີບເທົ່າກັບ 94,72% ຂອງແຜນການຫຼຸດລົງ 5,28%; ເນື່ອງຈາກວ່າການນໍາເຂົ້ານໍ້າມັນເຊື້ອໄຟຫຼຸດລົງ 9,23%, ການນໍາເຂົ້າລົດເປັນຄັນຫຼຸດລົງ
19,75% ແລະ ການນໍາເຂົ້າສິ້ນສ່ວນພາຫະນະ
ແລະ ອາໄຫຼ່ກໍ່ຫຼຸດລົງ 58,34% ແລະ ຄາດວ່າ: ການຈັດຕັ້ງເກັບລາຍຮັບໃນ 2 ເດືອນທ້າຍປີນີ້ຈະບັນລຸໄດ້ຕື່ມອີກ 90
ຕື້ກີບ ແລະ ຄາດຄະເນລາຍຮັບໝົດປີ 2019 ຈະເກັບລາຍຮັບໄດ້ຢ່າງໜ້ອຍ 510 ຕື້ກີບ, ເທົ່າກັບ95,68% ຂອງແຜນການປີ.
ຫົວໜ້າດ່ານພາສີສາກົນຂົວມິດຕະພາບ II ເນັ້ນຕື່ມວ່າ: ເພື່ອເຮັດໃຫ້ບັນລຸໄດ້ຕາມຄາດໝາຍຈະຕ້ອງໄດ້ເພີ່ມທະວີການສຶກສາອົບຮົມການເມືອງ-ແນວຄິດ ໃຫ້ແກ່ພະນັກງານສະມາຊິກພັກໃຫ້ມີຄວາມໜັ້ກແໜ້ນ, ມີສະຕິໃນການຈັດຕັ້ງປະຕິບັດລະບຽບກົດໝາຍ, ຍົກສູງຄວາມຮັບຜິດຊອບຕໍ່ໜ້າທີ່ວຽກງານ, ເອົາໃຈໃສ່ຕິດຕາມການປະຕິບັດໜ້າທີ່ຄຸ້ມຄອງການເກັບພາສີສິນຄ້າຍຸດທະສາດຄຸ້ມຄອງສິນຄ້ານໍາເຂົ້າ-ສົ່ງອອກ ແລະ ສິນຄ້າອື່ນໆໃຫ້ມີປະສິດທິຜົນ.
