ການກະຕຸ້ນໃຫ້ແຕກຍອດອ່ອນ ແລະ ການເກັບກ່ຽວຜັກຫວານປ່າ
ເມື່ອຜັກຫວານປ່າຈະເລີນເຕີບໂຕເຕັມທີ່ກໍໃຫ້ເລີ່ມຕັດແຕ່ງກິ່ງໂດຍຕັດປາຍກິ່ງແໜງຖິ້ມ ໃຫ້ເຫລືອຍາວ 15-20 ຊມ, ຮູດໃບແກ່ບາງສ່ວນຖິ້ມໃຫ້ເຫລືອຕິດກິ່ງລະ 3-4 ໃບພ້ອມ ກັບການໃຫ້ນ້ຳພໍດິນຊຸ່ມຢ່າງໜ້ອຍ 3-5 ວັນ/ຄັ້ງ, ກ່ອນໜ້າຈະຕັດແຕ່ງກິ່ງຖ້າມີການ ໃຫ້ປຸ໋ຍຄອກກ່ອນຈະເປັນການດີທີ່ສຸດ, ປະມານ 1 ເດືອນຜັກຫວານປ່າຈະແຕກຍອດອອກ ມາໃຫ້ເກັບຂາຍໄດ້ທຸກໆ 7 ວັນໃຫ້ເກັບຍອດທີ່ຍາວປະມານ 15-20 ຊມ, ຄວນເກັບຕອນເຊົ້າໄປຈົນເຖິງຕອນທ່ຽງກໍໃຫ້ຢຸດເກັບເພາະອາກາດຮ້ອນຍອດຜັກຫວານຈະຫ່ຽວງໍ, ເວລາເກັບໃຫ້ຕຽມຖົງ, ກະຕ່າ ທີ່ມີໃບກ້ວຍຮອງພື້ນ, ທາງຂ້າງ ແລະ ຕ້ອງມີໃບຕອງ ປົກທາງເທິງອີກເພື່ອໃຫ້ຜັກຫວານມີໃບຂຽວກອບ ແລະ ຮັກສາໄດ້ຫລາຍວັນ.
ຫລັງຈາກເກັບກ່ຽວແລ້ວໃຫ້ໃສ່ປຸ໋ຍ 15-15-15 ອັດຕາ 50-100 ກຣາມ/ຕື້ນ ຂຶ້ນຢູ່ກັບຂະໜາດຂອງຕົ້ນຜັກຫວານປ່າ ຫລື ຈະໃສ່ແຕ່ປຸ໋ຍຄອກຍິ່ງເປັນການດີ (ງົວທີ່ ຍ່ອຍສະລາຍແລ້ວ) ປະມານ 3-5 ກິໂລ ຫລື 1-2 ຄຸ ໃຫຍ່ຫວ່ານອ້ອມໂຄນຕົ້ນແລ້ວ ຫົດນ້ຳໃຫ້ຊຸ່ມເພື່ອບຳລຸງຕົ້ນ ແລະ ກຽມພ້ອມຜະລິດຜັກຫວານນອກລະດູໃນລະດູການຕໍ່ ໄປ.
(ທ່ານສາມາດຕິດຕາມຂ່າວບົດກະສິກຳໄດ້ ທຸກໆ ວັນຈັນ, ພຸດ, ສຸກ )
