ຕຳຫລວດໄຊຍະບູລີມອບລົດຈັກຄືນເຈົ້າຂອງເດີມ

ເມື່ອບໍ່ມານີ້, ເຈົ້າໜ້າທີ່ ປກສແຂວງໄຊຍະບູລີໄດ້ມອບລົດຈັກ 1 ຄັນຄືນໃຫ້ເຈົ້າຂອງເດີມ, ພາຍຫລັງເກັບກູ້ມາໄດ້ຖືກຄົນຮ້າຍລັກໄປແຕ່ກາງເດືອນກຸມພາ 2019 ຜ່ານມາ.

ເຈົ້າໜ້າທີ່ໃຫ້ຮູ້ວ່າ: ພາຍຫລັງໄດ້ຮັບແຈ້ງມີຄົນບໍ່ດີໄດ້ລັກລົດຈັກຍີ່ຫໍ້ຮອນດ້າເວັບ 110 ໄອສີດໍາແດງ, ໝາຍເລກທະບຽນ ຈຍ 3748 ໄຊຍະບູລີທີ່ຈອດໄວ້ປ່າເຂດຫ້ວຍຄາຍ, ບ້ານໂພນແກ້ວເມືອງແລະແຂວງໄຊຍະບູລີ, ຈຶ່ງໄດ້ຕິດຕາມກວດກາແລະຮູ້ວ່າຄົນຮ້າຍຊື່ທ້າວ ທອງ ຢ່າງ ອາຍຸ 20 ປີຢູ່ບ້ານໂພນແກ້ວ, ເມືອງໄຊຍະບູລີ, ໂດຍຜູ້ກ່ຽວໄດ້ຮັບສາລະພາບວ່າ:ຕົນເອງໄດ້ລັກລົດຄັນດັ່ງກ່າວແທ້ແລະເບື້ອງຕົ້ນໄດ້ເອົາລົດທີ່ລັກມາໄປຝາກໄວ້ນໍາເອື້ອຍຢູ່ບ້ານພູເຫລັກຈະເລີນ,ນະຄອນຫລວງພະບາງ.ເຈົ້າໜ້າທີ່ຈຶ່ງໄດ້ນໍາເກັບກູ້ຄືນມາໃຫ້ເຈົ້າຂອງເດີມດັ່ງກ່າວ.