ຟີລິບປິນ ໄດ້ຮັບລາງວັນຜູ້ຈັດຊີເກມດີທີ່ສຸດຈາກ SPIA Asia
ເຖິງວ່າກ່ອນໜ້ານີ້ຈະມີ ຂ່າວລື ແລະ ກະແສຮ້ອນ ແຮງວ່າ: ຟີລິບປິນ ບໍ່ມີຄວາມ ພ້ອມໃນການຈັດງານມະຫະ ກຳກິລາຊີເກມ ຄັ້ງທີ 30 ເນື່ອງຈາກມີຫລາຍຢ່າງທີ່ບໍ່ ສຳເລັດສົມບູນ ໂດຍສະເພາະ ແມ່ນສະໜາມບາງແຫ່ງບໍ່ ພ້ອມ ແລະ ອື່ນໆ.
ແຕ່ຫລ້າສຸດ SPIA Asia ມອບລາງວັນໃຫ້ກັບ ຄະນະກຳມະການຈັດການ ແຂ່ງຂັນກິລາແຫ່ງອາຊີຕາ ເວັນອອກສຽງໃຕ້ຂອງຟີລິບ ປິນ (PHISGOC) ໃຫ້ໄດ້ ຮັບລາງວັນການເປັນຜູ້ຈັດ ງານຊີເກມດີທີ່ສຸດ ໃນການ ຈັດພິທີເປີດການແຂ່ງຂັນລະ ດັບໂລກ ແລະ ຈັດໃຫ້ມີການ ຊີງໄຊ 56 ປະເພດກິລາ 500 ກວ່າລາຍການ. ຕາມການ ລາຍງານຂອງ ມະນິລາ ບູເລ ຕິນ ສື່ໃນປະເທດຟີລິບປິນ ໃນ ວັນທີ 3 ທັນວາ 2019 ເຊິ່ງພິ ທີມອບລາງວັນ ທ່ານ ເອຣິ ກ໊ອດຊອກ ຜູ້ອຳນວຍການ ຂອງ SPIA ໄດ້ເດີນທາງມາ ມອບລາງວັນໃຫ້ແກ່ ອາລັນ ປີເຕີ ຄາເຢຕາໂນ ປະທານ PHISGOC ລວມໄປເຖິງ ຣາມອນ ຊູຊາຣາ ປະທານ ເຈົ້າໜ້າທີ່ຝ່າຍປະຕິບັດການ ຂອງ PHISGOC.
ສຳລັບ SPIA Asia Awards ເປັນອົງກອນທີ່ ມອບລາງວັນໃນອາຊີ ເຊິ່ງ ເຄີຍມຸ່ງເນັ້ນໄປທີ່ການຮັບຮູ້ ແລະ ສະເຫລີມສະຫລອງ ຄວາມສຳເລັດຂອງອຸດສາ ຫະກຳກິລາໃນອາຊີໃນໄລຍະ ຫລາຍປີຜ່ານມາ.
ສຳລັບພິທີເປີດແມ່ນ ແມນນີ ປາກຽວ ເປັນຜູ້ຈູດໄຟ ເປີດງານມະຫະກຳກິລາຊີ ເກມ ຄັ້ງທີ 30 ຢ່າງເປັນທາງ ການ ໃນວັນທີ 30 ພະຈິກ 2019 ທີ່ສະໜາມຟີລິບປິນ ອາຣີນາ ໂດຍໃນພິທີເປີດໄດ້ ຮັບກຽດຈາກ ປະທານາທິບໍດີ ຂອງຟີລິບປິນມາຮ່ວມຊົມ, ຫລັງຈາກນັ້ນກໍມີການສະ ແດງລາຍການຕ່າງໆ ກ່ອນ ຈະມີການເດີນສວນສະໜາມ ຂອງນັກກິລາແຕ່ລະຊາດທັງ 11 ຊາດທີ່ເຂົ້າຮ່ວມການ ແຂ່ງຂັນ ເຊິ່ງເຫດການທີ່ຄົນ ໃນສະໜາມສົ່ງສຽງດັງແມ່ນ ໄຮໄລທ໌ສຳຄັນທີ່ການຈູດໄຟ ເປີດການແຂ່ງຂັນໄປຕາມ ຄາດເມື່ອ ແມນນີ ປາກຽວ ນັກມວຍລະດັບໂລກຂວັນໃຈຊາວຟີລິບປິນ ແລະ ນາງ ເນ ສະທີ ດາເທຊີໂອ ນັກມວຍຍິງ ເປັນຜູ້ຈູດໄຟເປີດການແຂ່ງ ຂັນຢ່າງເປັນທາງການ.
