ນັກວິທະຍາສາດຊີ້ເມນູເລືອດໝູດິບ ຂອງຫວຽດນາມສ່ຽງເປັນພະຍາດ
ນັກວິທະຍາສາດ ແລະ ແພດເຕືອນວ່າ: ເມນູທີ່ມີສ່ວນປະກອບຈາກເລືອດໝູດິບ ເຊິ່ງຖືເປັນອາຫານຍອດນິຍົມຂອງຫວຽດນາມນັ້ນບໍ່ປອດໄພສຳລັບການບໍລິໂພກ ເພາະອາດມີເຊື້ອແບກທີເຣຍຈາກໝູທີ່ກໍ່ໃຫ້ເກີດພະຍາດເຫຍື່ອຫຸ້ມສະໝອງອັກເສບ ເຊິ່ງເປັນພະຍາດທີ່ອັນຕະລາຍເຖິງຂັ້ນເສຍຊີວິດ.
ການຮັບປະທານອາຫານທີ່ປຸງແຕ່ງຈາກເລືອດໝູດິບຖືເປັນວັດທະນະທຳທີ່ມີມາດົນນານຢູ່ຫວຽດນາມ. ການວິໄຈຫລ້າສຸດພົບວ່າ: ອາຫານປະເພດນີ້ຍັງໄດ້ຮັບຄວາມນິຍົມຫລາຍຢູ່ຊົນນະບົດຂອງຫວຽດນາມ ໂດຍພົບວ່າ 1 ໃນ 3 ຂອງຄົນຊົນນະບົດຮັບປະທານເມນູເລືອດໝູດິບໃນຮອບໜຶ່ງປີຜ່ານມາ, ຂະນະທີ່ອັດຕາສ່ວນຂອງຄົນໃນຕົວເມືອງມີ 1 ໃນ 10.
ແພດລະບຸວ່າ: ຄວນຫລີກເວັ້ນການບໍລິໂພກເລືອດໝູດິບ ເພາະເມນູໝູດິບເປັນສາເຫດສຳຄັນທີ່ກໍ່ໃຫ້ເກີດເຫຍື່ອຫຸ້ມສະໝອງອັກເສບຢູ່ຫວຽດນາມ ໂດຍແຕ່ລະປີມີຜູ້ຕິດເຊື້ອພະຍາດນີ້ຫລາຍຮ້ອຍຄົນ ແລະ 10% ຂອງຄົນເຈັບມັກເສຍຊີວິດ.
