ສິດທິເດດ ນຳທັບສະນຸກເກີ້ລາວລຸຍຊີເກມ 2019 ຫວັງປ້ອງກັນແຊ້ມ
November 29, 2019 - 4:39 PM
ສິດທິເດດ ສັກບ່ຽງ ກຽມລົງແຂ່ງຂັນສະນຸກເກີ້ປ້ອງກັນແຊ້ມຫລຽນຄຳຊີເກມ ທີ່ປະເທດຟີລິບປິນ ໂດຍປີນີ້ທັບນັກກິລາສະນຸກເກີ້ລາວສົ່ງນັກກິລາເຂົ້າຮ່ວມ 6 ຄົນ ນຳທັບໂດຍ ສິດທິເດດ ສັກບ່ຽງ ຈະລົງແຂ່ງປະເພດດ່ຽວ 2 ຄົນ, ທີມຄູ່ຊາຍ 2 ທີມ ແລະ ລົງແຂ່ງປະເພດພູດ່ຽວຊາຍ ແລະ ຄູ່ຊາຍ ລວມ 6 ລາຍການ ເຊິ່ງຈະເລີ່ມອອກເດີນທາງໃນວັນທີ 1 ທັນວານີ້, ສ່ວນການແຂ່ງຂັນສະນຸກເກີ້ໃນກິລາຊີເກມແມ່ນຈະເລີ່ມລະຫວ່າງວັນທີ 3-10 ທັນວາ 2019.
ສຳລັບ ສິດທິເດດ ສັກບ່ຽງ ສ້າງຜົນງານໂດດເດັ່ນຄວ້າຫລຽນເງິນໃນຊີເກມທີ່ມຽນມາ ປີ 2013 ແລະ ຫລ້າສຸດສ້າງປະຫວັດສາດຄວ້າຫລຽນຄຳ ໃນຊີເກມ 2017 ຈາກການເອົາຊະນະ ໄພທູນ ນັກກິລາຈາກໄທ ໃນປະເພດດ່ຽວ.
