ຄວາມເຂັ້ມແຂງທາງການທະຫານຂອງລັດເຊຍຢູ່ເໜືອຄວາມໃຝ່ຝັນ
ລູກເມືອພວນ
ປະທານາທິບໍດີ ວະລາດີເມຍປູຕີນ ໃຫ້ຮູ້ວ່າ: ມົສກູ ກຳລັງນຳໜ້າທາງການທະຫານຂອງໂລກ ແລະ ກຳລັງນຳໃຊ້ອຸປະກອນເສິກດ້ວຍເທັກໂນໂລຢີສູງ ແລະ ໄດ້ປຽບໃນການນຳໃຊ້ອາວຸດປ້ອງກັນທາງອາກາດ.
RT
ໃຫ້ຮູ້: ປາກົດວ່າ ຄວາມເຂັ້ມແຂງທາງການຂອງກອງທັບລັດເຊຍໄດ້
ຢູ່ເໜືອຄວາມໄຝ່ຝັນໄປແລ້ວ,
ໃນເມື່ອທ່ານ ປູຕີນ ໄດ້ມີແຜນການສ້າງກອງທັບໃຫ້ເຂັ້ມແຂງ,
ເມື່ອຮອດປີ 2033 ຈະສຸມໃສ່ສ້າງ ແລະ ນຳໃຊ້ອາວຸດສະຫຼາດ.
ໃນກອງປະຊຸມສະພາຄວາມໝັ້ນຄົງຂອງລັດເຊຍໃນວັນທີ 22 ພະຈິກນີ້, ທ່ານ ປູຕີນ ເປີດເຜີຍວ່າ: ດ້ວຍການຜະລິດອາວຸດທີ່ຫຼາກຫຼາຍຊະນິດໃນຊຸມປີຜ່ານມາ ລັດເຊຍໄດ້ນຳໜ້າບັນດາປະເທດທີ່ມີຄວາມເຂັ້ມແຂງທາງດ້ານການທະຫານໃນໂລກ.
ນອກຈາກນັ້ນ ທ່ານ ປູຕີນ ຍັງໃຫ້ຮູ້ອີກວ່າ: ສັກສ່ວນອາວຸດໃໝ່ໃນກອງທັບເຮືອຂອງລັດເຊຍກວມ 68% ຂອງໂລກ ແລະ ຍັງຈະພະຍາຍາມໃຫ້ຢູ່ໃນລະດັບ ອັດຕາສ່ວນ 70% ແລະ ເມື່ອຮອດປີ 2033 ຈະຜ່ານໂຄງການອຸດສາຫະກຳດ້ານການທະຫານ ເພື່ອໃຫ້ລັດເຊຍສືບຕໍ່ແຊງໜ້າຄູ່ແຂ່ງ.
ປູຕີນແນະນຳວ່າ: ມົສກູຕ້ອງສຸມໃສ່ໂຄງການຜະລິດ “ອາວຸດບຸກໂຈມຕີທີ່ຊັດເຈນ ແລະ ທັນສະໄໝ, ອຸປະກອນປ້ອງກັນທາງອາກາດ, ນຳໃຊ້ປັນຍາປະດິດເຂົ້າໃນການຜະລິດອາວຸດເສິກສົງຄາມ”
ອາວຸດດັ່ງກ່າວຈະປະກອບດ້ວຍ: ເຮືອບິນບຸກໂຈມຕີ, ເຮືອບິນສອດແນມບໍ່ມີຄົນຂັບ, ລະບົບ ເລເຊີ (laser) ແລະ ລົບກວນສຽງ ໂດຍອີງໃສ່ຫຼັກການວັດຖຸວິທະຍາແບບໃໝ່, ລະບົບອັດຕະໂນມັດ ຊຶ່ງສາມາດປະຕິບັດພາລະກິດຫຼາຍຢ່າງຢູ່ໃນສະໝາມຮົບໄດ້.
ທ່ານ ປູຕີນຢໍ້າວ່າ: ໃນອະນາຄົດຄວນມີອາວຸດທັນສະໄໝດັ່ງກ່າວ ເພາະວ່າ: “ໂລກກຳລັງປະເຊີນໜ້າກັບການຂົ່ມຂູ່ ແລະ ການທ້າທາຍຢ່າງຮ້າຍແຮງ”
————————
