ຄິບໂຊເກ້ ຄວ້າລາງວັນນັກກຣີທາຊາຍດີເດັ່ນແຫ່ງປີ
ເອລິອຸດ ຄິບໂຊເກ້ ຍອດ ນັກແລ່ນຊາວເກນຢາ ຄວ້າ ລາງວັນນັກກຣີທາຊາຍດີເດັ່ນ ປະຈຳປີ 2019 ໄປຄອງໄດ້ ສຳເລັດ.
ນັກແລ່ນໄວ 35 ປີ ສ້າງ ປະຫວັດສາດເປັນນັກແລ່ນ ຄົນທຳອິດຂອງໂລກ ທີ່ແລ່ນ ມາລາທອນດ້ວຍເວລາຕ່ຳ ກວ່າ 2 ຊົ່ວໂມງ ຫລັງສ້າງ ສະຖິຕິໃໝ່ດ້ວຍເວລາ 1 ຊົ່ວ ໂມງ 59,40 ວິນາທີ ໃນລາຍ ການພິເສດ “ອີນິອອລ 1,59 ຊາລເລນ” ທີ່ນະຄອນຫລວງ ວຽນນາ ປະເທດໂອຕຣິດ ໃນ ເດືອນຕຸລາຜ່ານມາ.
ນອກຈາກນີ້ ໃນເດືອນ ເມສາຜ່ານມາ, ຄິບໂຊເກ້ ຍັງ ສ້າງປະຫວັດສາດເປັນນັກ ກຣີທາຄົນທຳອິດທີ່ຄວ້າແຊ້ມ ລອນດອນ ມາລາທອນ ໄດ້ ເຖິງ 4 ສະໄໝ ຫລັງແລ່ນເຂົ້າ ເສັ້ນໄຊດ້ວຍເວລາ 2 ຊົ່ວໂມງ 2 ນາທີ 37 ວິນາທີ ເປັນສະຖິ ຕິດີທີ່ສຸດນັບແຕ່ມີການແຂ່ງ ຂັນມາ ເຊິ່ງສະຖິຕິດັ່ງກ່າວຖື ເປັນເວລາໃກ້ຄຽງກັບສະຖິຕິ ໂລກທີ່ລາວເຄີຍເຮັດໄດ້ໃນ ການແຂ່ງຂັນ ເບີລິນ ມາລາ ທອນ ປີ 2018 ຫລາຍທີ່ສຸດ ໂດຍໃນ ເບີລິນ ມາລາທອນ ຄິບໂຊເກ້ ເຮັດເວລາໄດ້ 2 ຊົ່ວ ໂມງ 1 ນາທີ 39 ວິນາທີ.
ຈາກຜົນງານອັນດີເດັ່ນ ດັ່ງກ່າວ ເຮັດໃຫ້ ຄິບໂຊເກ້ ແຊງ ແຊມ ເຄນດຣິກ, ໂນອາ ໄລເລສ ສອງນັກແລ່ນຊາວ ອາເມລິກາ, ໂຈຊົວ ເຊບເຕກີ ນັກແລ່ນຊາວອູກັນດ້າ ແລະ ຄາສເທນ ວໍໂຮມ ຍອດນັກ ແລ່ນຂ້າມຮົ້ວຊາວນໍເວ ຄວ້າ ລາງວັນນັກກຣີທາຊາຍດີເດັ່ນ ປະຈຳປີຂອງສະຫະພັນກຣີ ທານາໆຊາດ ຫລື ເວິລ ແອດ ເລຕິກ ໄປຄອງໄດ້ເປັນສະໄໝ ທີ 2 ຕິດຕໍ່ກັນ.
ໂດຍຫລັງຮັບລາງວັນ ໃນງານທີ່ຈັດຂຶ້ນຢູ່ໂມນາໂກ, ຄິບໂຊເກ້ ກ່າວວ່າ: ລາວ ຫວັງວ່າ ການແລ່ນຂອງ ລາວຈະເປັນແຮງບັນດານໃຈ ໃຫ້ບັນດານັກແລ່ນທຸກຄົນ, ລາວມີຄວາມສຸກທີ່ໄດ້ສ້າງ ປະຫວັດສາດ ແລະ ຫວັງວ່າ ມັນຈະເປັນແຮງບັນດານໃຈທີ່ຍິ່ງໃຫຍ່ສຳລັບຄົນລຸ້ນຕໍ່ໄປ.
ຂະນະທີ່ລາງວັນນັກກຣີ ທາຍິງດີເດັ່ນຕົກເປັນຂອງ ດາ ລິລາ ມູຮຳໝັດ ນັກແລ່ນ ຫລຽນຄຳໂອລິມປິກຊາວອາ ເມລິກາ ທີ່ຫາກໍທຳລາຍສະຖິ ຕິໂລກແລ່ນຂ້າມຮົ້ວ 400 ເມັດຍິງ ໃນກຣີທາຊີງແຊ້ມ ໂລກ ທີ່ປະເທດກາຕາ ໃນ ເດືອນຕຸລາຜ່ານມາ ດ້ວຍເວ ລາ 52,16 ວິນາທີ ທຳລາຍ ສະຖິຕິໂລກເກົ່າຂອງຕົນເອງ ທີ່ເຮັດໄວ້ 52,20 ວິນາທີ ໃນ ກຣີທາຄັດເລືອກຕົວແທນທີມ ຊາດອາເມລິກາ ໃນເດືອນກຸມ ພາຜ່ານມາ.
ສ່ວນລາງວັນນັກກຣີທາ ດາວຮຸ່ງຊາຍດີເດັ່ນ ເປັນຂອງ ເຊເລມອນ ບາເຣກ້າ ນັກ ແລ່ນໄວ 19 ປີຊາວເອທິໂອປີ ແລະ ລາງວັນນັກກຣີທາດາວ ຮຸ່ງຍິງດີເດັ່ນ ເປັນຂອງ ຍາ ໂລສລາວ່າ ມາຮຸກຊິນ ເຈົ້າ ຂອງຫລຽນເງິນກະໂດດສູງ ຍິງໃນກຣີທາຊີງແຊ້ມໂລກທີ່ ກາຕາ.
