5 ບົດຮຽນໃນການສົ່ງເສີມໃຫ້ຄົນຫວຽດນາມຊົມໃຊ້ສິນຄ້າຂອງຫວຽດນາມ
ລູກເມືອງພວນ
ໃນກອງປະຊຸມສະຫຼຸບຖອດຖອນບົດຮຽນ 5 ປີແຫ່ງການຈັດຕັ້ງປະຕິບັດຂະບວນການສົ່ງເສີມໃຫ້ “ຄົນຫວຽດນາມຕ້ອງຊົມໃຊ້ສິນຄ້າຂອງຫວຽດນາມ” ສາມາດຖອດຖອນໄດ້ 5 ບົດຮຽນດັ່ງນີ້:
ໜຶ່ງ: ຕ້ອງໄດ້ຮັບຄວາມເອົາໃຈໃສ່ຢ່າງໃກ້ສິດຕິດແທດຂອງຄະນະກຳມະການຊີ້ນຳຂະບວນການຂັ້ນສູນກາງ ແລະ ນະຄອນ ເປັນປະຈຳ ເພື່ອໃຫ້ມີການຫັນປ່ຽນຢ່າງຕັ້ງໜ້າ, ແຂງແຮງ ແລະ ໃຫ້ໄດ້ຮັບໝາກຮັບຜົນຕົວຈິງ. ພ້ອມດຽວກັນນັ້ນກໍຕ້ອງໄດ້ຮັບການສະໜັບສະໜູນຢ່າງແຂງແຮງຈາກຫົວໜ່ວຍທຸລະກິດ ຜູ້ຜະລິດ ແລະ ປະຊາຊົນຢ່າງກ້ວາງຂວາງ. ຜ່ານ 5 ປີຈັດຕັ້ງປະຕິບັດ ເຫັນວ່າ ປະຊາຊົນທົ່ວທັງປະເທດໄດ້ມີການຫັນປ່ຽນທີ່ຕັ້ງໜ້າ, ປະຊາຊົນມີຄວາມຮັບຮູ້ຕໍ່ສິນຄ້າຂອງຫວຽດນາມຫຼາຍຂຶ້ນ.
ສອງ: ຕ້ອງມີການກວດກາ ແລະ ປຸກລະດົມຂະແໜງການສາຍຕັ້ງຂັ້ນລຸ່ມຈັດຕັ້ງປະຕິບັດຄຳສັ່ງຢ່າງເຂັ້ມງວດ. ທັນທີທີ່ພົບເຫັນບັນຫາຕ້ອງມີການປັບປຸງແກ້ໄຂຢ່າງທັນການ, ມີການ ສະຫຼຸບຕີລາຄາຖອດຖອນບົດຮຽນ ແລະ ເສີມ, ຈັດຕັ້ງຍ້ອງຍໍຊົມເຊີຍກົມກອງລວມໝູ່ ແລະ ບຸກຄົນທີ່ມີຜົນງານ, ເຮັດໄດ້ດີ.
ສາມ: ຕະຫຼາດພາຍໃນທີ່ຮອງຮັບໃຫ້ສິນຄ້າ ບໍ່ທັນຂະຫຍາຍຕົວ, ເຫດຜົນໜຶ່ງກໍແມ່ນຍ້ອນມີສິນຄ້າປອມແປງ, ເຄື່ອງລາຄາຕໍ່າບໍ່ໄດ້ມາດຕະຖານ ມີການເຄື່ອນເໜັງຢູ່ໃນທ້ອງຕະຫຼາດຍັງມີຫຼາຍ, ຊຶ່ງໄດ້ສົ່ງຜົນກະທົບຕໍ່ຫົວໜ່ວຍການຜະລິດພາຍໃນ. ດັ່ງນັ້ນ, ຈຳເປັນຕ້ອງມີການແຊກແຊງຢ່າງແຂງແຮງ ຂອງພາກສ່ວນກ່ຽວຂ້ອງລັດ, ໂດຍສະເພາະແມ່ນທິມງານຄຸ້ມຄອງຕະຫຼາດ.
ສີ່: ໂດຍຜ່ານການຮັບຮູ້ອັນເລິກເຊິ່ງຂອງບັນດາຫົວໜ່ວຍການຜະລິດ, ການແບ່ງປັນ ແລະ ຊົມໃຊ້ສິນຄ້າຂອງຂະບວນການດັ່ງກ່າວ ໃຫ້ເຫັນ 2 ຄາດໝາຍໃຫ່ຍຕົ້ນຕໍທີ່ຈະຕ້ອງໄດ້ສືບຕໍ່ຮັກສາຕະຫຼອດໄລຍະຂອງຂະບວນການປຸກລະດົມ ນັ້ນກໍຄື: ຍົກຄຸນະພາບຂອງຜະລິດຕະພັນໃຫ້ສູງຂຶ້ນ, ຕ້ອງມີການເຜີຍແຜ່ ໂຄສະນາ ຢ່າງມີຈຸດສຸມ ແລະ ປົກະຕິ.
ຫ້າ: ຕ້ອງຕິດພັນກັນລະຫ່ວາງຕົວເມືອງ ກັບ ຊົນະບົດ ແລະ ທຸກພາກຂອງປະເທດ ໂດຍຜ່ານໂຄງການຜະລິດເປັນຕ່ອງໂສ້, ພັດທະນາລະບົບການແບ່ງປັນ ສົມທົບກັບການຕອບສະໜອງ ແລະ ຄວາມຕ້ອງການຕົວຈິງຂອງສັງຄົມ.
——————————
