ສະເປີ ຈະໃຫ້ລາງວັນຖ້າ ມູຣິນໂຢ ພາທີມຕິດ 1 ໃນ 4
ເດິ ຊັນ ສື່ຂອງອັງກິດ ລາຍງານວ່າ: ສະເປີ ກຳນົດ ເອົາໄວ້ວ່າ ຖ້າ ໂຊເຊ່ ມູຣິນໂຢ ພາທີມຈົບລະດູການນີ້ດ້ວຍ ການຕິດ 1 ໃນ 4 ໄດ້ ລາວຈະ ໄດ້ໂບນັດທັນທີ 2 ລ້ານປອນ ໂດຍລາວໄດ້ຄ່າເໝື່ອຍລະດູ ການລະ 15 ລ້ານປອນຢູ່ ແລ້ວ.
ໂຊເຊ່ ມູຣິນໂຢ ຜູ້ຈັດ ການທີມຄົນໃໝ່ຂອງ ທ໊ອດ ແນມ ຮ໊ອດສະເປີ ຍອດສະໂມ ສອນແຫ່ງວົງການ ພຣີເມຍ ລີກ ອັງກິດ ຈະໄດ້ໂບນັດ 2 ລ້ານປອນ ຖ້າສາມາດພາທີມ ຈົບລະດູການນີ້ດ້ວຍການຕິດຢູ່ໃນ 4 ອັນດັບທຳອິດຂອງ ຕາຕະລາງໄດ້. ຕາມລາຍ ງານຂອງ ເດິ ຊັນ ສື່ຊື່ດັງ ຂອງອັງກິດ.
ສະເປີ ສ້າງຜົນງານໄດ້ບໍ່ ດີໃນລະດູການນີ້ ຫລັງຫາກໍ ເກັບໄດ້ພຽງ 14 ຄະແນນ ຈາກການລົງຫລິ້ນ 12 ນັດ ພ້ອມກັບຢູ່ອັນດັບ 14 ຂອງ ຕາຕະລາງຄະແນນ ແລະ ຕາມຫລັງ ແມນເຊັສເຕີ ຊິຕີ້ ທີມໃນອັນດັບ 4 ເຊິ່ງເປັນໂກ ຕ້າສຸດທ້າຍສຳລັບການໄດ້ ສິດຫລິ້ນ ຢູຟາ ແຊມປ້ຽນລີກ ເຖິງ 11 ຄະແນນ ໂດຍຟອມ ການຫລິ້ນທີ່ບໍ່ຄ່ອຍດີດັ່ງກ່າວ ເຮັດໃຫ້ ສະເປີ ຕັດສິນໃຈປົດ ເມົາຣິຊິໂອ ໂປເຊັດຕິໂນ ອອກ ຈາກການເປັນຜູ້ຈັດການທີມ ຂອງທີມ ແລ້ວດຶງ ມູຣິນໂຢ ມາຄຸມທີມແທນ.
ເຊື່ອກັນວ່າຜູ້ບໍລິຫານ ຂອງ ສະເປີ ກຳນົດພາລະກິດ ຫລັກກັບ ມູຣິນໂຢ ວ່າຕ້ອງ ພາທີມຕິດ 1 ໃນ 4 ໃຫ້ໄດ້ ເຊິ່ງຖ້າລາວເຮັດໄດ້ສຳເລັດ ຈະເຮັດໃຫ້ລະດູການນີ້ລາວ ລວຍຂຶ້ນໄປອີກ ເພາະລາວກໍ ຮັບຄ່າເມື່ອຍຈາກທີມສູງເຖິງ 15 ລ້ານປອນຕໍ່ລະດູການ ແລ້ວ.
ນອກຈາກນີ້ ອະດີດຜູ້ຈັດ ການທີມແມນເຊັສເຕີ ຢູໄນ ເຕັດ ແລະ ເຊລຊີ ຍັງຢືນຢັນ ວ່າ: ຕອນນີ້ລາວພໍໃຈກັບຂຸມ ກຳລັງທີ່ສະໂມສອນມີຢູ່ ແລະ ບໍ່ຕ້ອງການນັກເຕະໃໝ່ເຂົ້າ ມາເສີມທັບໃນຊ່ວງຕະຫລາດ ນັກເຕະເດືອນມັງກອນນີ້ຢ່າງ ແນ່ນອນ ເຊິ່ງສອດຄ່ອງກັບ ສະເປີ ທີ່ກ່ອນໜ້ານີ້ສະໂມ ສອນອອກມາບອກວ່າ: ໃນ ຊ່ວງເດືອນມັງກອນຈະບໍ່ມີ ເງິນໃຫ້ ມູຣິນໂຢ ຊື້ນັກເຕະ ເນື່ອງຈາກສະໂມສອນຍັງມີ ພາລະຫລາຍເລື່ອງ ໂດຍສະ ເພາະການຕ້ອງຈ່າຍຄ່າສ້າງ ສະໜາມແຫ່ງໃໝ່ ແຕ່ຢືນຢັນ ວ່າ: ໃນຊ່ວງໜ້າຮ້ອນຈະມີ ເງິນໃຫ້ ມູຣິນໂຢ ໃຊ້ຈ່າຍເພື່ອ ຊື້ນັກເຕະຢ່າງແນ່ນອນ.
