ຢູນີເທວ ໄດ້ຮັບການຢັ້ງຢືນເປັນເຄືອຂ່າຍມືຖືທີ່ໄວທີ່ສຸດ ໃນລາວ.
ເປັນບາດກ້າວແຫ່ງຄວາມສໍາເລັດອີກຂັ້ນ ເມື່ອບໍລິສັດ Ookla® ຢັ້ງຢືນວ່າ ຢູນີເທວ (Unitel) ເປັນຜູ້ໃຫ້ບໍລິການເຄືອຂ່າຍມືຖືທີ່ມີຄວາມໄວທີ່ສຸດໃນໄຕມາດ 2 ແລະ ໄຕມາດ 3 ປີ 2019 ນີ້ ໂດຍ Ookla® ອ້າງອີງຜົນຄະແນນໃນການທົດລອງດາວ ໂຫລດ ແລະ ອັບ ໂຫລດຄວາມໄວ ອິນເຕີເນັດຄະແນນລວມແມ່ນ32.62 ອີງໃສ່ ຜົນການທົດລອງ ສັນຍານອິນ ເຕີເນັດມືຖື ໃນໄຕມາດ 2 ແລະ ໄຕມາດ 3 ປີ 2019 ນີ້. ສົມ ແລ້ວທີ່ສາມາດຄອງຕະ ຫຼາດໄດ້ໃນຂອບເຂດທົ່ວປະເທດ.
ເມື່ອບໍ່ດົນມານີ້ SpeedTestໄດ້ໃຫ້ຮູ້ວ່າ: ຢູນີເທວເປັນເຄືອຂ່າຍທຳອິດຢູ່ລາວທີ່ໄດ້ຮັບການຢັ້ງຢືນນີ້ ໂດຍຂັ້ນຕອນໃນການຕີລາຄາ ແລະ ສັງລວມຜົນຂອງບັນດາເຄືອຂ່າຍຢູ່ລາວທາງ SpeedTestໄດ້ດຳເນີນການຢ່າງເປັນເອກະລາດ, ເປັນກາງ ແລະ ບໍ່ມີຂໍ້ມູນແຈ້ງກ່ອນໃຫ້ບັນດາຜູ້ໃຫ້ສະໜອງບໍລິການ ອິນເຕີເນັດມືຖືແຕ່ຢ່າງໃດ. ອີງຕາມຂໍ້ມູນທີ່ SpeedTest ວັດ ແທກໄດ້, ເຄືອຂ່າຍຢູນີເທວນອນຢູ່ໃນລຳດັບໜຶ່ງດ້ານຄວາມໄວ.
ຕາມຂໍ້ມູນຂອງ SpeedTestໃຫ້ເຫັນວ່າ:ເຄືອຂ່າຍຢູນີເທວບັນລຸສະເລ່ຍ download /upload ແມ່ນ 35.43 Mbps/ 17.30 Mbps, ທຽບເທົ່າກັບ 32.62 ຄະແນນ (ຕາມມາດຕະ ຖານຂອງບໍລິສັດ ດັ່ງກ່າວກຳນົດ)ພິເສດລະດັບການເຊື່ອມຕໍ່ ອິນເຕີເນັດ (latency) ແມ່ນດີຫລາຍສະເລ່ຍ 32.5 msເຊິ່ງສາ ມາດຫລິ້ນເກມອອນລາຍ, ແບ່ງປັນວີດີໂອ, live stream ບົນພື້ນຖານມືຖືທີ່ຕ້ອງການຄວາມໄວສູງ ແລະ ສະໝໍ່າສະເໝີ.
ກ່ອນທີ່ SpeedTestມອບ ການຢັ້ງຢືນ “ເຄືອຂ່າຍມືຖືທີ່ໄວທີ່ສຸດໃນລາວ” ຢູນີເທວເປັນເຄືອຂ່າຍມີພື້ນຖານໂຄງລ່າງ 3G/4G /4.5G ກ້ວາງຂວາງທີ່ສຸດດ້ວຍ 8.000 ສູນສະຖານີ , ສະໜອງອິນເຕີເນັດມືຖືເຖິງເຂດຊົນນະບົດ, ເຂດຫ່າງໄກສອກຫລີກ. ໃນນັ້ນເຄືອຂ່າຍ 4G ໄດ້ເປີດນຳໃຊ້ນັບແຕ່ເດືອນກຸມພາ 2015 ສັນຍານປົກຄຸມໄດ້ເຖິງ 96% ຂອງຈຳນວນພົນລະເມືອງທີ່ຢູ່ເຂດເທສະບານແຂວງ, 92% ເຂດ ເທສະບານເມືອງ, ປັດຈຸບັນທີ່ 148/148 (100%) ເຂດ ເທສະບານເມືອງ ທີ່ໄດ້ສະໜອງສັນຍານ LTE 4.5G. ເຊິ່ງລະບົບດັ່ງກ່າວສາມາດເພີ່ມຄວາມໄວໃນການດາວໂຫລດທົບ 2 ເທົ່າທຽບໃສ່ກັບລະບົບ 4G ທົ່ວໄປ. ໃນເດືອນ ຕຸລາ 2019 ຜ່ານມາຢູນີເທວ ກໍໄດ້ ເປີດທົດລອງການນຳໃຊ້ 5G ຢູ່ນະຄອນຫລວງວຽງຈັນ ແລ້ວ.
ຕາມຂໍ້ມູນຂອງເຄືອຂ່າຍຢູນີເທວໄດ້ໃຫ້ເຫັນວ່າ ມາເຖິງປັດຈຸບັນເກືອບ 2 ລ້ານລູກຄ້າ (ສະເພາະເຄືອຂ່າຍ ຢູນີເທວ) ທີ່ນຳໃຊ້ດາຕ້າອິນເຕີເນັດຂໍ້ມູນດັ່ງກ່າວຍັງບົ່ງຊີ້ໃຫ້ເຫັນເຖິງການເຂົ້າເຖິງດ້ານເຕັກໂນໂລຊີໃໝ່ ຂອງລາວເຮົານັບມນັບສູງ ຂຶ້ນ ແລະ ອິນເຕີເນັດໄດ້ກາຍເປັນປັດໄຈສໍາຄັນທີ່ຂາດບໍ່ໄດ້ໃນການນໍາໃຊ້ໃນຊີວິດປະຈໍາວັນ; ມີປະໂຫຍດສ້າງໃຫ້ວຽກງານສື່ສານສະດວກວ່ອງໄວ, ອໍານວຍຜົນດີຕໍ່ການດຳລົງຊີວິດຂອງປະຊາຊົນບໍ່ວ່າຈະຢູ່ເຂດຕົວເມືອງຈົນເຖິງເຂດຊົນນະບົດ, ຊ່ວຍເຮັດໃຫ້ມີໂອກາດໃນການຊອກຮູ້ຮ່ຳຮຽນ ແລະ ສ້າງອາຊີບໃຫ້ແກ່ຫລາຍໆຄົນ. ນອກນັ້ນໄດ້ກາຍເປັນພື້ນຖານເພື່ອຈັດຕັ້ງຜັນຂະຫຍາຍ ຫລາຍໆໂຄງການ 4.0 ທີ່ສຳຄັນຂອງສັງຄົມ ແລະ ປະເທດຊາດ.
ຢູນີເທວ ໄດ້ຮັບການຢັ້ງຢືນເປັນເຄືອຂ່າຍມືຖືທີ່ໄວທີ່ສຸດ ໃນລາວ.ນອກຈາກວຽກງານການຊຸກຍູ້ ຍົກສູງດ້ານຄຸນນະພາບບໍລິການ ແລ ະເຂດປົກຄຸມສັນ ຍານ. ຕະຫລອດໄລຍະເວລາທີ່ຜ່ານມາຢູນີເທວໄດ້ອອກແບບບັນດາໂປໂມຊັນສົ່ງເສີມການນຳໃຊ້ເພື່ອເຮັດໃຫ້ລູກຄ້າມີໂອກາດໄດ້ເຂົ້າເຖີງບໍລິການຢ່າງງ່າຍດາຍ. ເຊິ່ງຢູນີເທວຍັງມີຫລາກຫລາຍແພັກເກັດທີ່ມີລາຄາຖືກທີ່ມີທັງແບບນຳໃຊ້ພາຍໃນ 1 ວັນ, 3 ວັນ, 1 ອາ ທິດ, 1 ເດືອນ ເໝາະ ສົມກັບການນຳໃຊ້ທຸກເພດທຸກໄວ.
