ນິຊິໂນະ ຢືນຢັນທີມຍັງມຸ້ງໝັ້ນທີ່ຈະບຸກຄວ້າໄຊເໜືອ ຫວຽດນາມ
ອາກິຣະ ນິຊິໂນະ ຢືນຢັນ ລູກທີມຍັງມີຄວາມມຸ້ງໝັ້ນ ເຕັມຮ້ອຍໃນການບຸກມາຢາມ ຫວຽດນາມ ເພື່ອຄວ້າ 3 ຄະ ແນນກັບອອກໄປ.
ອາກິຣະ ນິຊິໂນະ ຫົວ ໜ້າຜູ້ຝຶກສອນທີມຊາດໄທ ນຳພາລູກທີມລົງຝຶກຊ້ອມທີ່ ປະເທດຫວຽດນາມເປັນເທື່ອ ທຳອິດ ໂດຍເນັ້ນທີ່ແທັກຕິກ, ການຫລິ້ນເກມບຸກ ແລະ ເກມ ຮັບ ໂດຍໃຊ້ເວລາປະມານ 1 ຊົ່ວໂມງເຄິ່ງ.
ໂດຍ ນິຊິໂນະ ໃຫ້ສຳ ພາດວ່າ: ການບຸກມາຢາມ ຫວຽດນາມ ຍັງເວົ້າບໍ່ໄດ້ວ່າ ທີມພ້ອມ 100% ແຕ່ຂໍ້ດີຄືບໍ່ມີ ໃຜໄດ້ຮັບບາດເຈັບທີ່ຈະສົ່ງ ຜົນກະທົບຕໍ່ການຝຶກຊ້ອມ ຫລື ການລົງສະໜາມ ລວມ ທັງນັກເຕະຍັງບໍ່ເສຍກຳລັງ ໃຈ ແລະ ມີຄວາມມຸ້ງໝັ້ນທີ່ ຈະສູ້ກັບ ຫວຽດນາມ.
ສ່ວນເລື່ອງຂອງຜູ້ຫລິ້ນ ທີ່ຈະໃຊ້ໃນເກມກັບ ຫວຽດ ນາມ ຍັງຢູ່ໃນຂັ້ນຕອນການພິ ຈາລະນາ ເຖິງວ່າຈະບໍ່ມີໃຜ ບາດເຈັບ ແຕ່ຮູບແບບການ ຫລິ້ນຂອງແຕ່ລະຄົນມີຄວາມ ແຕກຕ່າງກັນ ອີກສ່ວນໜຶ່ງ ລາວອາດຕ້ອງທົບທວນອີກ ຮອບວ່າໃນເກມກັບ ມາເລ ເຊຍ ມີຫຍັງບໍ່ດີທີ່ຄວນຈະປັບ ປຸງ.
ຂະນະທີ່ເກມນີ້ຖືເປັນ ການພົບກັນເອງ ແລະ ມີຄະ ແນນໄປກັບເຖິງ 6 ຄະແນນ ເຮັດໃຫ້ລາວຕ້ອງຕັ້ງເປົ້າທີ່ຈະ ຄວ້າ 3 ຄະແນນໃຫ້ໄດ້ ເພື່ອ ກັບມາຢູ່ໃນສະຖານະການທີ່ມີລຸ້ນອີກຄັ້ງ.
ສຳລັບ ທີມຊາດໄທ ຈະ ພົບກັບ ທີມຊາດຫວຽດນາມ ໃນການແຂ່ງຂັນເຕະບານ ໂລກ 2022 ຮອບຄັດເລືອກ ຂົງເຂດອາຊີ ຮອບ 2 ນັດທີ 5 ວັນທີ 19 ພະຈິກ 2019 ທີ່ ສະໜາມມີດິນ ສະເຕດ້ຽມ ເວ ລາ 20:00 ໂມງ ຕາມເວລາ ປະເທດລາວ.
