ສະພາແຫ່ງຊາດ ຫວຽດນາມ ຜ່ານ 12 ຄາດໝາຍພັດທະນາເສດຖະກິດ-ສັງຄົມ ປີ 2020

ລູກເມືອງພວນ

         ສະມາຊິກສະພາແຫ່ງຊາດ ຫວຽດນາມ ໄດ້ລົງຄະແນນສຽງເປັນເອກະສັນຕໍ່ແຜນການພັດທະນາເສດຖະກິດ-ສັງຄົມ ປີ 2020, ດ້ວຍຄາດໝາຍດັ່ງກ່າວຈະເລັ່ງເພີ່ມ GDP ຂຶ້ນເປັນ 6,8%.

         ໃນຕອນເຊົ້າຂອງວັນທີ 12 ພະຈິກນີ້ ສະພາແຫ່ງຊາດກວຽດນາມ ໄດ້ລົງຄະແນນສຽງຢ່າງເປັນເອກະສັນຕໍ່ແຜນການພັດທະນາເສດຖະກິດ-ສັງຄົມ ປີ 2020. 88,02% ຂອງສະມາຊິກທັງໝົດກົດປຸ່ມເຫັນດີ.

          ຕໍ່ກັບ 12 ຄາດໝາຍຕົ້ນຕໍຂອງແຜນການພັດທະນາເສດຖະກິດ-ສັງຄົມ ປີ 2020, ລວມມີ:

1. ລວມຍອດຜະລິດຕະພັນພາຍໃນ(GDP) ເພີ່ມຂຶ້ນປະມານ 6,8%

2. ການເພີ່ມຂຶ້ນຂອງມູນຄ່າການໃຊ້ຈ່າຍສະເລ່ຍ(CPI) ຕໍ່າກ່ວາ 4% .

3. ມູນຄ່າການສົ່ງອອກເພີ່ມຂຶ້ນປະມານ 7%.

4. ອັດຕາສ່ວນນຳເຂົ້າເມື່ອທຽບໃສ່ມູນຄ່າການສົ່ງອອກຕໍ່າກ່ວາ 3%

5. ມູນຄ່າການລົງທຶນພັດທະນາສັງຄົມທັງໝົດປະມານ 33-34% ຂອງ GDP.

6. ອັດຕາສ່ວນຄອບຄົວທຸກ ຫຼຸດລົງ 1-1,5%, ສະເພາະເມືອງທຸກໃຫ້ຫຼຸດ  4%

7. ອັດຕາຫ່ວາງງານ ໃນກຸ່ມອາຍຸອອກແຮງງານໃນເຂດຕົວເມືອງໃຫ້ຕໍ່າກ່ວາ 4%

8. ອັດຕາສ່ວນຜູ້ອອກແຮງງານທີ່ໄດ້ຜ່ານການກໍ່ສ້າງມີໃບຢັ້ງຢືນໃຫ້ໄດ້ປະມານ 25%

9. ຈຳນວນຕຽງນອນຄົນເຈັບໃນໂຮງໝໍ ແສນຄົນຕໍ່ 28 ຕຽງ.

10. ອັດຕາສ່ວນຜູ້ເຮັດບັດປະກັນສັງຄົມໃຫ້ໄດ້ 90,7%

11. ອັດຕາສ່ວນເຂດອຸດສາຫະກຳ, ເຂດການຜະລິດທີ່ມີການເຄື່ອນໄຫວ ແລະ ມີລະບົບຖ່າຍເທນໍ້າເສຍລວມສູນທີ່ໄດ້ມາດຕະຖານສິ່ງແວດລ້ອມໃຫ້ໄດ້ 90%

12. ອັດຕາປົກຄຸມຂອງປ່າໄມ້ 42%

           ຄຳຄິດຄຳເຫັນຂອງສະມາຊິກຈຳນວນໜຶ່ງຕໍ່ກັບການເພີ່ມຂອງ GDP ໃຫ້ຢູ່ໃນລະຫ່ວາງ 6,7-6,8% ຫຼື ເພີ່ມແຕ່ 6,8% ຂຶ້ນໄປ, ບໍ່ຄວນເວົ້າວ່າ: ປະມານ 6,8%, ແຕ່ຄະນະປະຈຳສະພາແຫ່ງຊາດສະເໜີໃຫ້ຮັກສາໄວ້ຄືເກົ່າ.