ອະນຸບານທະນາຄານສະຫລອງວັນເດັກນ້ອຍສາກົນ

ໃນວັນທີ 27 ພຶດສະພານີ້, ໂຮງຮຽນອະນຸບານທະນາຄານແຫ່ງ ສປປ ລາວ (ທຫລ) ໄດ້ຈັດງານສະເຫລີມສະຫລອງວັນ ເດັກນ້ອຍສາກົນ 1 ມິຖຸນາໂດຍ ການເຂົ້າຮ່ວມຂອງທ່ານ ສົມພາວ ໄຟສິດ ຜູ້ວ່າການທະນາຄານແຫ່ງ ສປປ ລາວ, ມີຫົວໜ້າກົມ, ພ້ອມດ້ວຍຜູ້ປົກຄອງເຂົ້າ ຮ່ວມຢ່າງຫລວງຫລາຍ ແລະ  ມີກິດຈະກຳຫລາຍຢ່າງເຊັ່ນ:   ກິດຈະກຳຕອບຄຳຖາມເອົາລາງວັນ, ສະແດງຮ້ອງເພງເຕັ້ນ ແລະ ອື່ນໆ ເພື່ອເຮັດໃຫ້ເດັກໄດ້ມີໂອກາດສະແດງອອກທາງດ້ານ ຄວາມຮູ້ຄວາມສາມາດ ແລະ ປູກຝັງ ແລະ ແນວຄິດໃຫ້ເດັກກ້າຄິດ, ກ້າເຮັດ ແລະ ກ້າສະ ແດງອອກ.

ທ່ານ ນາງ ວິໄລວອນ ພຸດທະວົງ ໄດ້ລາຍງານໂດຍຫຍໍ້ກ່ຽວກັບການຈັດຕັ້ງເຄື່ອນໄຫວ ຂອງໂຮງຮຽນອະນຸບານທະນາຄານໃນໄລຍະ 1 ປີ ຜ່ານມາ ພ້ອມທັງແຜນທິດທາງໃນຕໍ່ໜ້າເຊັ່ນ:  ການຈັດຕັ້ງອົບຮົມການຮຽນ-ການສອນປັບປຸງແບບ ວິທີສອນຕາມຫລັກສູດ ໃໝ່ ຂອງກະຊວງສຶກສາ, ຮັກສາສຸກຂະພາບເດັກພາຍໃນໂຮງຮຽນໃຫ້ໄດ້ດີຕາມຫລັກການ ລ້ຽງເດັກ, ເອົາໃຈໃສ່ປັບປຸງການ ປຸງແຕ່ງອາຫານເດັກໃຫ້ ໄດ້ດີທັງປະລິມານ ແລະ ຄຸນນະພາບ ແລະ ສ້າງສາຍພົວພັນ ກັບພໍ່ແມ່ເດັກໃຫ້ແໜ້ນແຟ້ນ ຍິ່ງໆຂຶ້ນ.