ແມ່ແຟນຂອງຂ້ອຍບໍ່ໃຫ້ແຕ່ງງານຍ້ອນຂ້ອຍຜ່ານເມຍໜຶ່ງແລ້ວ

ລູກເມືອງພວນ

ແມ່ແຟນຂອງຂ້ອຍເວົ້າວ່າ: ບໍ່ແມ່ນບໍ່ມັກນິໄສຂອງຂ້ອຍ ແຕ່ບໍ່ຢາກໃຫ້ລູກຕ້ອງເອົາຊີວິດໄປຢູ່ກັບຄົນທີ່ໄດ້ຜ່ານເມຍໜຶ່ງມາແລ້ວ.

ຂ້ອຍອາຍູ 35 ປີ, ຢ່າຮ້າງກັບເມຍໄດ້ 2 ປີແລ້ວ, ເມຍເກົ່າ ແລະ ລູກສາວ ດຳລົງຊີວິດຢູ່ຫ່າງໄກກັບບ່ອນຂ້ອຍຢູ່ປັດຈຸບັນ. ຂ້ອຍເປັນອາຈານສອນຢູ່ມະຫາວິທະຍາໄລແຫ່ງໜຶ່ງ. ແຕ່ລະເດືອນຂ້ອຍຕ້ອງໄດ້ສົ່ງເງິນໄປໃຫ້ລູກຕາມພັນທະຂອງກົດໝາຍຢ່າຮ້າງ. ຂ້ອຍໄດ້ເລົ່າເລື່ອງລາວທັງໝົດໃຫ້ທຸກຄົນຮັບຮູ້ນຳເລື່ອງຂອງຂ້ອຍວ່າ ຂ້ອຍບໍ່ມີການພົວພັນຫຍັງແລ້ວກັບເມຍເກົ່າແຕ່ຢ່າງໃດ ມີແຕ່ພັນທະໃນການລ້ຽງລູກເທົ່ານັ້ນ.

ພາຍຫຼັງຢ່າຮ້າງກັບເມຍໄດ້ໄລຍະໜຶ່ງ, ຂ້ອຍໄດ້ຮູ້ຈັກກັບນາງສາວຄົນໜຶ່ງໂດຍຜ່ານຄໍລຳ “ເປີດໃຈ”ຂອງໜັງສືພິມ VnExpress. ຂ້ອຍເຄີຍເວົ້າກັບນາງຢູ່ ຕະຫຼອດເວລາວ່າ: ຖ້າຫາກພົບກັບຍິງຄົນໃໝ່ ຈະຕ້ອງຊື່ສັດບໍລິສຸດຕໍ່ເຂົາ, ເຖິງແມ່ນວ່າ ນາງຈະບໍ່ເຊື່ອ ແຕ່ນາງກໍມີຄວາມເຫັນໃຈຂ້ອຍ. ຈາກນັ້ນ ພວກເຮົາກໍໝັ່ນຕິດຕໍ່ພົວພັນ, ນັດພົບກັນເປັນປະຈຳ ແລ້ວ ກໍຮັກກັນ. ເຖິງແມ່ນຈະຢູ່ໄກກັນ ແຕ່ກໍເປັນຄວາມໂຊກດີທີ່ຂ້ອຍໄດ້ພົບຮັກກັບນາງ. ນາງບໍ່ສະເພາະແຕ່ເປັນສາວງາມ ແຕ່ນາງຍັງເປັນຄົນເກັ່ງ ແລະ ສະຫຼາດອີກດ້ວຍ. ເຖິງແມ່ນນາງຍັງມີອາຍູຍັງນ້ອຍກໍຕາມ ແຕ່ໄດ້ຮັບຄວາມນັບຖື ແລະ ເຊື່ອໝັ້ນຈາກຜູ້ເປັນຫົວໜ້າ ຈຶ່ງໄດ້ມອບຄວາມຮັບຜິດຊອບຂະແໜງໜຶ່ງຂອງບໍລີສັດໃຫ້ນາງຮັບຜິດຊອບ ທັງໆທີ່ຍັງມີຫຼາຍຄົນອາຍຸແກ່ກ່ວານາງກໍມີ.

ຂ້ອຍ ແລະ ນາງມີຈຸດຄ້າຍຄືກັນຢ່າງບໍ່ນຶກບໍ່ຝັນ ນັບຕັ້ງແຕ່ແບບແຜນດຳລົງຊີວິດ, ວິທີຄິດ, ນິໄສໃຈຄໍ…ຂ້ອຍ ແລະ ນາງສາມາດແບ່ງປັນກັນທຸກບັນຫາໃນຊີວິດ, ເມື່ນາງຮູ້ເງື່ອນງຳທີ່ຂ້ອຍຢ່າຮ້າງກັບເມຍເກົ່າ ນາງແຮ່ງມີຄວາມເຫັນອົກເຫັນໃຈຂ້ອຍຫຼາຍຂຶ້ນ ແລະ ຂ້ອຍເອງກໍສູດທີ່ເຫັນອົກເຫັນໃຈນາງເມື່ອຊາບສະພາບຄວາມເປັນຢູ່ຂອງຄອບຄົວຂອງນາງ. ຂ້ອຍມີຄວາມປາຖະໜາໄດ້ເປັນຜົວທີ່ດີ ແລະ ພ້ອມທີ່ຈະຊ່ວຍເຕີມເຕັມໃຫ້ນາງສິ່ງທີ່ຂາດໄປ. ເຖິງແມ່ນຈະຮັກກັນຂະໜາດໃດກໍຕາມ ແຕ່ເນື່ອງຈາກວ່າຄວາມຮັກຢູ່ໄກກັນ ມີບາງຄັ້ງຄາວກໍເກີດຄວາມເຂົ້າໃຈຜິດກັນ ແຕ່ກໍຍັງມີຄວາມຫວານຊື່ນ ແລະ ແຮ່ງຮັກກັນຫຼາຍຂຶ້ນ. ນະໂອກາດນີ້ ຂ້ອຍຂໍສະແດງຄວາມຂອບໃຈນຳ ຄໍລຳ “ເປີດໃຈ”ຂອງໜັງສືພິມ VnExpress ທີ່ໄດ້ເປັນຂົວຕໍ່ໃຫ້ພວກເຮົາໄດ້ຮັກກັນ

ເຖິງປັດຈຸບັນພວກຂ້ອຍຮັກກັນເກືອບເຂົ້າປີແລ້ວ, ຂ້ອຍມີຄວາມເພິ່ງປາຖະໜ້າຢາກໄດ້ຢູ່ຮ່ວມຫໍກັບນາງ ແຕ່ແລ້ວ ພວກຂ້ອຍກຳລັງມີບັນຫາ ເມື່ອແມ່ຂອງນາງບໍ່ເຫັນດີໃຫ້ແຕ່ງງານ ເພາະຊີວິດຂອງຂ້ອຍໄດ້ຜ່ານເມຍໜຶ່ງມາແລ້ວ. ຂໍເລົ່າໃຫ້ຮູ້ຕື່ມອີກວ່າ ພໍ່ແມ່ຂອງນາງໄດ້ແຍກທາງກັນແຕ່ເມື່ອນາງຍັງນ້ອຍ, ອາດຈະເປັນຍ້ອນພົດດັ່ງກ່າວຍັງປະກົດຢູ່ໃນສະໝອງຂອງແມ່ນາງຕະຫຼອດມາ ຈຶ່ງບໍ່ຢາກໃຫ້ລູກສາວເອົາກັບຜູ້ທີ່ໄດ້ຜ່ານເມຍມາແລ້ວ. ນາງມີຄວາມທຸກໃຈຫຼາຍ ເຖິງແມ່ນຈະຮັກຂ້ອຍກໍຕາມ ແຕ່ນາງກໍບໍ່ສາມາດທີ່ຈະຝືນຄວາມແມ່ໄດ້. ພາຍຫຼັງແຍກທາງກັບພໍ່ ຊີວິດແມ່ຂອງນາງໄດ້ຜ່ານພາຍຸລົມແດງ ແຫ່ງຄວາມທຸກຍາກກາກກຳ ລ້ຽງລູກໆ ຮຽນມະຫາວິທະຍາໄລ ແລະ ມີວຽກເຮັດງານທຳທີ່ໝັ້ນຄົງ. ນາງເປັນທີ່ພາກພູມໃຈຂອງແມ່ ເພາະນາງເປັນຄົນຮຽນເກັ່ງ, ດຸໝັ່ນ, ຄຳຮູ້ ແລະ ຮັກແມ່ ບໍ່ທັນມີຈັກເທື່ອທີ່ນາງຖຽງຄວາມແມ່. ເຖິງຢ່າງໃດກໍດີ ນາງໄດ້ອະທິບາຍໃຫ້ແມ່ຟັງທຸກຢ່າງກ່ຽວກັບເລື່ອງລາວຂອງພວກຂ້ອຍໃຫ້ແມ່ຟັງ ນາງພະຍາຍາມໂນ້ມນ້າວໃຫ້ແມ່ເຂົ້າໃຈ ນັບທັງນາງໄດ້ໃຫ້ໂອກາດຂ້ອຍເຂົ້າໂອ້ລົມກັບແມ່ຂອງນາງກໍຕາມ ແຕ່ແມ່ກໍບໍ່ເຫັນດີເດັດຂາດ ຈົນເຮັດໃຫ້ບັນຍາກາດໃນຄອບຄົວເກີດຄວາມເຄັ່ງຕຶງ

ເຖິງຢ່າງໃດ ພວກຂ້ອຍກໍຍັງຮັກກັນເໜືອນເດີມ ແລະ ນາງກໍບໍ່ກ້າເມື່ອເຮືອນໃນເມື່ອແມ່ຍັງບໍ່ທັນເຫັນດີ, ຂ້ອຍພະຍາຍາມໃຫ້ກຳລັງໃຈ ແລະ ຕັກເຕືອນນາງຢູ່ຕະຫຼອດເວລາວ່າ: ນ້ອງຈົ່ງພະຍາຍາມກັບເມືອບ້ານເມື່ອກະກຽມທຸກວຽກງານເຮືອນຊານກ່ອນ ຢ່າງຂີ້ຮ້າຍພວກເຮົາກໍຕ້ອງຢູ່ໃກ້ກັນ ຫຼັງຈາກນັ້ນ ຈຶ່ງຄ່ອຍໆ ໂນ້ມນ້າວແມ່ເທຶ່ອລະເລັກເທື່ອລະນ້ອຍ. ຄົນຄືນາງ ອາດຈະເອົາຜົວຄົນທີ່ມີເງືອນໄຂລື່ນຂ້ອຍຕັ້ງຫຼາຍເທົ່າເປັນເລື່ອງທີ່ງ່າຍດາຍ ແຕ່ນາງໄດ້ເລືອກເອົາຂ້ອຍ, ດັ່ງນັ້ນຂ້ອຍເອງກໍບໍ່ກ້າທີ່ຈະຝືນໃຈນາງໄດ້ ແຕ່ຍັງໄດ້ໃຫ້ຄຳໝັ້ນສັນຍາຕໍ່ນາງວ່າຈະເຕີມເຕັມສິ່ງທີ່ນາງໄປ

ນາງເກີດຄວາມສັບສົນ ແລະ ເກີດມີແນວຄວາມຄິດວ່າ ຈະໄປສຶກສາຮໍ່າຮຽນຕໍ່ຢູ່ຕ່າງປະເທດ ເພື່ອຫຼີກ ຄວາມສັບສົນໃນປັດຈຸບັນ. ຂ້ອຍເລົ່າເລື່ອງລາວຂອງຂ້ອຍໃຫ້ທຸກຄົນຟັງກໍຍ້ອນວ່າ ຢາກໃຫ້ທຸກຄົນຊ່ວຍປຸກລະດົມຈິດໃຈນາງ, ໃຫ້ຜູ້ມີບົດຮຽນປະສົບການໃຫ້ຄຳຄິດຄຳເຫັນຊ່ວຍນາງ ໃຫ້ນາງມີຈິດໃຈເຂັ້ມແຂງ ແລະ ມີຄວາມເຊື່ອໝັ້ນ ແລະ ມີໂອກາດໄດ້ຮ່ວມຫໍດຽວກັນກັບຂ້ອຍ.