ດີໃຈບຸນທາດຫລວງປີນີ້ສະອາດ

ໂດຍ: ທ່ຽງທຳ

ສະບາຍດີ, ເພື່ອນ ຜູ້ອ່ານ ທີ່ຮັກແພງ, ຖ້າໃຜຫາກໄດ້ ໄປທ່ຽວບຸນທາດຫລວງປີ ນີ້ກໍຈະດີໃຈຕໍ່ການຮັກສາ ຄວາມສະອາດ ຂອງງານບຸນ ໂດຍສະເພາະພາຍຫລັງງານ ບຸນສຳເລັດລົງແລ້ວ, ໜ່ວຍ ງານຮັບຜິດຊອບ ຫລື ບໍລິສັດ ຜູ້ຮັບເໝົາຈັດງານດັ່ງກ່າວ     ກໍໄດ້ຮີບຮ້ອນເກັບມ້ຽນຂີ້ ເຫຍື້ອຢ່າງມີຄວາມຮັບຜິດ ຊອບຕື່ນເຊົ້າມາກໍເຫັນເດີນ ທາດຫລວງປະໄວ້ ເຊິ່ງຄວາມ ສະອາດງາມຕາພາຍຫລັງ ງານບຸນຄົບງັນກັນມາຕັ້ງ ຫລາຍມື້ຫລາຍຄືນ, ເຊິ່ງຕ່າງ ກັບການຈັດງານບຸນອອກພັນສາ ແລະ ຊ່ວງເຮືອປະຈຳປີ ເມື່ອກາງເດືອນຕຸລາ ຜ່ານມາ, ພາຍຫລັງງານບຸນ ສຳເລັດລົງ ແລ້ວ, ເຊິ່ງພາກສ່ວນກ່ຽວ ຂ້ອງໄດ້ປະຂີ້ເຫຍື້ອເອົາໄວ້ ຢ່າງຫລວງ ຫລາຍໃນເຂດ ແຄມຂອງບໍລິເວນບ້ານວັດ ຈັນຢ່າງຂາດຄວາມຮັບຜິດ ຊອບ.

ຜົນສຳເລັດໃນການຮັກສາຄວາມສະອາດຂອງງານ ບຸນທາດຫລວງ, ສ່ວນໜຶ່ງ ກໍອາດແມ່ນການປະກອບ ສ່ວນຂອງສື່ມວນຊົນ,  ໃນ ການກະຕຸກຊຸກຍູ້, ຂຽນຕຳ ນິວິຈານ ແລະ ສົ່ງຂ່າວໃຫ້     ຜູ້ຮັບຜິດຊອບຈັດງານບຸນ ຕ່າງໆ ໃນຜ່ານມາເອົາໃຈ ໃສ່ເກັບມ້ຽນຂີ້ເຫຍື້ອຫລັງ ງານບຸນໃຫ້ດີ, ບໍ່ຄວນປະປ່ອຍ ໄວ້ຢ່າງຂາດຄວາມຮັບຜິດ ຊອບດັ່ງພວກເຮົາເຫັນ.

ດັ່ງນັ້ນຈິ່ງເຮັດໃຫ້ພາກ ສ່ວນຮັບຜິດຊອບຈັດງານ ບຸນທາດຫລວງຄັ້ງນີ້ຖອດ ຖອນບົດຮຽນສຸມໃສ່ການ ຮັກສາຄວາມສະອາດໄດ້ ຢ່າງ ທັນການພໍງານບຸນສຳເລັດ ຂີ້ເຫຍື້ອ ກໍກ້ຽງໄປພ້ອມໆ ກັນ, ນັບວ່າເປັນການຍ້ອງຍໍສັນ ລະເສີນອີ່ ຫລີ ຕໍ່ການປະພືດຢ່າງມີຄວາມຮັບຜິດຊອບດັ່ງກ່າວ ແລະ ຈຸດນີ້ກໍຈະເປັນບົດຮຽນອັນດີໃຫ້ຜູ້ຈະຈັດງານບຸນ ຫລື  ການຄົບງັນຕ່າງໆໃນຕໍ່ໄປເພາະບ້ານເມືອງເຮົາເປັນບ່ອນທີ່ພັກມີງານບຸນຕ່າງໆທີ່ໄດ້ສືບສານກັນມາຕາມຮີດ 12 ຄອງ 14 ດັ່ງນັ້ນການຮັກສາຄວາມສະອາດຈະເປັນສິ່ງສຳຄັນຍິ່ງ ເພື່ອບ້ານເມືອງເຮົາສະອາດຈົບງາມດຳລົງຊີວິດຢູ່ຢ່າງມີຄວາມສີວິໄລ./.