ສົງໄສເມຍນອກໃຈ ໃຫ້ຄົນອື່ນເຊີຍຊົມ

ຮຽບຮຽໂດຍ: ລູກເມືອງພວນ

ແມ່ບອກໃຫ້ຂ້ອຍເອົາລູກນ້ອຍເກີດໃໝ່ ໄປກວດເບິ່ງ DNA ແຕ່ເມຍຂອງຂ້ອຍບໍ່ເຫັນດີ, ລາວບອກວ່າ ຖ້າເຮັດແບບນັ້ນເຂົາຈະເອົາລູກໜີອອກຈາກເຮືອນໄປ.

ຂ້ອຍດຳລົງຊີວິດຢູ່ທີ່…, ອາຍຸ 41 ປີ, ກ່ອນໜ້ານີ້ມີລູກຊາຍຄົນໜຶ່ງແລ້ວ ອາຍຸ 3 ປີ ແຕ່ເຂົາເສຍຊີວິດໄປແລ້ວຍ້ອນດຶກນໍ້າ. ຫຼັງຈາກນັ້ນ, ພວກເຮົາບໍ່ໄດ້ລູກນຳກັນເລີຍ. ສອງຜົວເມຍຈຶ່ງໄດ້ພ້ອມກັນໄປກວດ, ຈຶ່ງຮູ້ວ່າ ທໍ່ຮວງໄຂ່ທັງສອງເບື້ອງຖືກຕັນ ແລະ ສະມັດຕະພາບຂອງມຸດລູກກໍອ່ອນເພຍ.

ພວກເຮົາໄດ້ພ້ອມກັນແລ່ນປິ່ນປົວ ແລະ ທັງເຮັດປະສົມພັນທຽມ ແຕ່ເອົາໄຂ່ບໍ່ພຽງພໍຈຶ່ງບໍ່ສາມາດເຮັດໄດ້, ມີພຽງແຕ່ໄດ້ກິນຮາກຢາພື້ນເມືອງຂອງຊົນເຜົ່າໄປວັນວັນ.

13 ປີຜ່ານໄປ, ເມຍຂອງຂ້ອຍກໍບໍ່ສາມາດທີ່ຈະມີລູກໄດ້ອີກ. ຫຼັງຈາກນັ້ນ, ແມ່ຂອງຂ້ອຍໄດ້ໄປຊື້ຢານຳໝໍຢາພື້ນເມືອງມາໃຫ້, ເມຍຂອງຂ້ອຍກໍກິນຢາໂຕນັ້ນ ເປັນເວລາ 7-8 ເດືອນ ກໍຕັ້ງທ້ອງຂຶ້ນມາ. ເມື່ອລູກເກີດອອກມາໃຜໆ ກໍວ່າໜ້າຕາບໍ່ຄືກັບຂ້ອຍເລີຍ.

ເພື່ອວ່າຢາກໄດ້ອູ້ມຫຼານ, ແມ່ຂອງຂ້ອຍໄດ້ຂາຍໄຮ່ນາຕາກ້າໄປຈົນໝົດ ເພື່ອເອົາເງິນມາຊື້ຢາໃຫ້ເມຍຂ້ອຍກິນ, ຈຶ່ງໄດ້ລູກຄົນນີ້. ຂ້ອຍຢາກເອົາລູກໄປກວດເບິ່ງ DNA ແຕ່ທາງບໍລິສັດເວົ້າວ່າ: ຢາກໄດ້ເສັ້ນຜົມ ແລະ ເລັບມືຂອງເດັກ ແລະ ພໍ່ໄປກວດ ແຕ່ເມຍຂອງຂ້ອຍບໍ່ໃຫ້ເຮັດເດັດຂາດ, ລາວບອກວ່າຖ້າເຮັດແບບນັ້ນ ເຂົາຈະເອົາລູກໜີອອກຈາກເຮືອນໄປ ແຕ່ແມ່ຂ້ອຍຂຶ້ນສຽງໃສ່ວ່າຕ້ອງເຮັດ. ຂ້ອຍເປັນຊີ້ນກາງຫີບບໍ່ຮູ້ວ່າຈະເອົາໃຈແມ່ ຫຼື ເອົາໃນເມຍດີ? ໃນຄວາມເປັນຈິງແລ້ວລູກຄົນນັ້ນມີໜ້າຕາບໍ່ຄືກັບພໍ່ກັບແມ່ເລີຍ. ຂ້ອຍມີຄວາມສັບສົນຫຼາຍ, ນອນບໍ່ຫຼັບຕັ້ງສອງອາທິດແລ້ວ. ຂະນະນີ້ ມີແຕ່ອາໄສທ່ານຜູ້ອ່ານຊ່ວຍໃຫ້ຄຳຄິດຄຳເຫັນວ່າເຮັດແນວໃດດີ. ຂໍຂອບໃຈ.