ກັນຍາ ແກ້ວມະນີ ແມ່ຍິງລາວ ແລະ ອາຊີຄົນທຳອິດ ເປັນຜູ້ຄວບຄຸມເຕະບານ AFC Cup 2019 ຮອບຊີງຊະນະເລີດ
ໃນວັນທີ 4 ພະຈິກນີ້ ເກີດປາກົດການໃໝ່ໃນວົງ ການບານເຕະ ສປປ ລາວ ແລະ ອາຊີ ເມື່ອນາງ ກັນຍາ ແກ້ວມະນີ ເລຂາທິການສະ ຫະພັນບານເຕະແຫ່ງຊາດ ລາວ, ຄະນະກຳມະການລະ ດັບສູງຂອງບານເຕະຍິງອາຊີ ໄດ້ຖືກແຕ່ງຕັ້ງຈາກສະຫະພັນ ບານເຕະນາໆຊາດ ຫລື FIFA ກໍຄືສະຫະພັນບານເຕະ ອາຊີ (AFC) ໃຫ້ເປັນຜູ້ ຄວບຄຸມການແຂ່ງຂັນເຕະ ບານຊີງແຊ້ມສະໂມສອນອາຊີປະເພດຊາຍ ລາຍການ AFC Cup 2019 ຮອບຊີງ ຊະນະເລີດ ເປັນຄູ່ຊີງໜ້າໃໝ່ ລະຫວ່າງ ສະໂມສອນ 25 ເມສາ (4. 25 SC) ຈາກ ສປປ ເກົາຫລີ ພົບກັບ ສະໂມ ສອນ ອາວ ອາເຮັດ (Al- Ahed) ຈາກເລບານອນ ທີ່ ສະໜາມກົວລາລຳເປີ ປະ ເທດມາເລເຊຍ.
ກັນຍາ ແກ້ວມະນີ ກາຍ ເປັນແມ່ຍິງລາວ ແລະ ແມ່ຍິງ ອາຊີຄົນທຳອິດໄດ້ຮັບໜ້າທີ່ ອັນຊົງກຽດ ແລະ ມີຄວາມ ຮັບຜິດຊອບສູງເຊັ່ນນີ້. ກ່ອນ ໜ້ານີ້ ໃນວັນທີ 15 ຕຸລາຜ່ານ ມາ, ກັນຍາ ແກ້ວມະນີ ໄດ້ຮັບ ຄວາມໄວ້ວາງໃຈໃຫ້ເປັນຜູ້ ຄວບຄຸມການແຂ່ງຂັນ ຫລື Match Commissioner ບານໂລກ 2022 ຮອບຄັດ ເລືອກຂົງເຂດອາຊີຮອບ 2 ລະຫວ່າງ ທີມຊາດສິງກະໂປ ເປີດສະໜາມກິລາແຫ່ງຊາດ ຂອງຕົນ ພົບກັບ ທີມຊາດອຸສ ເບກິສຖານ, ກາຍເປັນ 1 ໃນ ຜູ້ຄວບຄຸມການແຂ່ງຂັນເພດ ຍິງ ຈຳນວນ 4 ທ່ານຈາກທະ ວີບອາຊີທີ່ FIFA ເລືອກໃຫ້ ເປັນຜູ້ຄວບຄຸມການແຂ່ງຂັນ ບານໂລກ 2022 ຮອບຄັດ ເລືອກ ເຊິ່ງຖືວ່າເປັນຄັ້ງປະ ຫວັດສາດທີ່ FIFA ໄດ້ຄັດ ເລືອກຜູ້ຄວບຄຸມການແຂ່ງ ຂັນເພດຍິງເປັນຜູ້ບໍລິຫານຈັດ ການແຂ່ງຂັນບານໂລກຊາຍ ໃນຂົງເຂດອາຊີ.
ນາງ ກັນຍາ ແກ້ວມະນີ ກ່າວວ່າ: “ເປັນກຽດຢ່າງຍິ່ງ ໃນນາມຄົນລາວທີ່ໄດ້ຮັບໜ້າ ທີ່ນີ້. ນີ້ສະແດງໃຫ້ເຫັນວ່າ AFC ກໍຄືອົງການບານເຕະ ສາກົນພ້ອມໃຫ້ໂອກາດທຸກ ຄົນ ແລະ ທຸກເພດທຸກໄວ. ຂ້ອຍພູມໃຈທີ່ໄດ້ເປັນສ່ວນ ໜຶ່ງຂອງແມ່ຍິງຍຸກນີ້ ໄດ້ປະ ກອບສ່ວນພັດທະນາວົງການ ບານເຕະຂອງອາຊີ, ເຫັນວ່າ ປີນີ້ແມ່ຍິງໄດ້ຮັບການແຕ່ງຕັ້ງ ແລະ ມອບໝາຍໜ້າທີ່ສຳຄັນ ຫລາຍຢ່າງໃນການແຂ່ງຂັນ ບານເຕະຊາຍ. ນີ້ເປັນການ ໃຫ້ໂອກາດທີ່ຖືກຕ້ອງສຳລັບ ແມ່ຍິງໃນວົງການກິລາ”. tate-f�A��r�I
