ສິ່ງແວດລ້ອມໃນມື້ນີ້ຄືອະນາຄົດໃນມື້ໜ້າ

ໜຶ່ງໃນບັນຫາທີ່ສັງຄົມເດືອດຮ້ອນໃນທຸກວັນນີ້ກໍຄືບັນຫາມົນລະຜິດສິ່ງແວດລ້ອມ. ຕົ້ນຕໍແມ່ນເກີດມາຈາກການຜະລິດ, ຍວດຍານພາຫະນະຄົມມະນາຄົມ ແລະ ຈາກການຖ່າຍເທຂອງການເຄື່ອນໄຫວດຳລົງຊີວິດປະຈຳວັນຂອງຄົນເຮົາວິທີກຳຈັດຂີ້ເຫຍື້ອສ່ວນຫຼາຍແມ່ນຍັງກຳຈັດດ້ວຍວິທີການປະຖົມປະຖານຄືກອງຂີ້ເຫຍື້ອໄວ້ບ່ອນດຽວກັນແລ້ວກໍເຜົາ, ອັນພາໃຫ້ເກີດຄວັນຊຶ່ງເປັນຄວັນພິດອັນຕະລາຍໃນ ເມື່ອຄົນເຮົາສູບເອົາເຂົ້າໄປສະສົມໄວ້ໃນຮ່າງກາຍດົນຕໍ່ດົນກໍຈະເກີດພະຍາດທາງເດີນຫາຍໃຈ, ພະຍາດຕາ, ພະຍາດຜິວໜັງ ແລະ ອື່ນໆອີກ, ທີ່ເປັນໄພຂົ່ມຂູ່ຕໍ່ມວນມະນຸດ ເຊັ່ນວ່າ: ອາກາດຮ້ອນຂຶ້ນ, ຝົນອາຊິດ, ຊັ້ນໂອໂຊນຂາດຊອດ..

ເພື່ອປັບປຸງບັນຫາດັ່ງກ່າວ, ລັດຖະບານທ້ອງຖິ່ນຄວນ ຈະມີທິດທາງວິທີກຳຈັດທີ່ແນ່ນອນ ແລະ ເດັດຂາດ, ຄວນມີ  ສະໜາມຖິ້ມຂີ້ເຫຍື້ອ ແລະ ມີວິທີກຳຈັດທີ່ເໝາະສົມ, ປະຊາຊົນບໍ່ຄວນນໍາໃຊ້ສິ່ງຂອງທີ່ເປັນພິດໄພຕໍ່ສິ່ງແວດລ້ອມໃນເມື່ອຖ່າຍເທອອກໄປ, ລັດຖະບານທ້ອງຖິ່ນຄວນສ້າງຕັ້ງໜ່ວຍປະຊາສຳພັນ ແລະ ໂຄສະນາເພື່ອໃຫ້ປະຊາຊົນຮັບຮູ້ເຂົ້າໃຈຕໍ່ຜົນຮ້າຍຂອງມົນລະພິດສິ່ງແວດລ້ອມຕໍ່ສຸຂະ ພາບຂອງຄົນເຮົາ, ເພີ່ມທະວີການປູກຕົ້ນໄມ້ໃຫ້ເປັນສີຂຽວ ແລະ ມີອາກາດສົດຊື່ນ.

                                                  ຮຽບຮຽງໂດຍ: ລູກເມືອງພວນ