10 ຄຳຖາມສຳພາດວຽກຈາກບໍລິສັດລະດັບໂລກ
May 30, 2017 - 1:58 PM
-
Google : ຖ້າໃຫ້ກ່ອງບັນຈຸສໍດຳຫລາຍໆກ້ານແກ່ທ່ານ ລອງບອກວ່າທ່ານຈະໃຊ້ມັນເຮັດຫຍັງທີ່ໜ້າສົນໃຈໄດ້ແດ່ 10 ຢ່າງທີ່ບໍ່ແມ່ນການໃຊ້ງານຕາມປົກກະຕິຂອງມັນ ? - Microsoft : ທ່ານມີວິທີທົດລອງລິຟເບິ່ງວ່າລະບົບຂອງມັນຍັງໃຊ້ງານໄດ້ສົມບູນຢູ່ແນວໃດ ?
- Pacific Sunwear : ຖ້າສົມມຸດໃຫ້ທ່ານເປັນປ້າຍ ຫລື ສັນຍານຈະລາຈອນຈັກອັນ ທ່ານຈະເປັນຫຍັງ ?
- Facebook : ມາເຟຍໂຫດຜູ້ໜຶ່ງລັກພາໂຕທ່ານໄປ ເຂົາຈັບປືນທີ່ບໍ່ມີລູກມາ ເຊິ່ງສາມາດໃສ່ລູກປືນໄດ້ 6 ລູກ, ເຂົາເອົາລູກປືນໃສ່ 2 ລູກຕິດໆກັນ, ໝູນມັນ ແລ້ວຈີ້ໃສ່ຫົວຂອງທ່ານ. ຈາກນັ້ນກໍຍິງ ປະກົດວ່າທ່ານລອດຊີວິດ ບໍ່ມີລູກປືນອອກມາ ເຂົາຈຶ່ງຖາມວ່າ : ເຈົ້າຢາກໃຫ້ຂ້ອຍໝູນອີກຮອບໜຶ່ງກ່ອນຈະຍິງນັດຕໍ່ໄປຫລືບໍ່ ? ຫລືວ່າຢາກໃຫ້ຍິງຕໍ່ເລີຍ ? ຖາມວ່າທາງເລືອກທັງ 2 ທາງນັ້ນ ທາງໃດມີໂອກາດລອດຊີວິດໃນນັດຕໍ່ໄປຫລາຍກວ່າ, ຄຳນວນຄວາມໜ້າຈະເປັນໄປໄດ້ຄ່າວໆຂອງທັງ 2 ທາງທີ່ທ່ານຈະຖືກຍິງມາໃຫ້ແດ່ ?
- JP Morgan Chase : ເລົ່າເລື່ອງຕະຫລົກໃຫ້ຟັງແດ່ ?
- BitTorrent : ມີຍັກຜູ້ມັກກິນຄົນນ້ອຍຜູ້ໜຶ່ງ ຈັບຄົນນ້ອຍມາ 10 ຄົນ ມາຢືນຕໍ່ແຖວລຽງກັນ ຈາກເຕ້ຍໄປຫາສູງ, ຄົນນ້ອຍທຸກຄົນຈຶ່ງສາມາດເຫັນຄົນນ້ອຍທີ່ເຕ້ຍກ່ວາຕົນເອງທຸກຄົນໄດ້ຢູ່ທາງໜ້າ, ແຕ່ເບິ່ງບໍ່ເຫັນຄົນນ້ອຍທີ່ສູງກ່ວາໂຕເອງຢູ່ທາງຫລັງ. ຍັກມີໝວກສີຂາວ ແລະ ດຳປົນກັນ 10 ໜ່ວຍ, ຈັບໃຫ້ຄົນນ້ອຍໃສ່ແບບມົ້ວໆທຸກຄົນ, ບໍ່ມີຄົນນ້ອຍຄົນໃດສາມາດເຫັນວ່າໝວກໂຕເອງເປັນສີດຳ ຫລື ຂາວ. ຍັກບອກວ່າເຂົາຈະຖາມຄົນນ້ອຍເທື່ອລະຄົນ ເລີ່ມຈາກຫລັງແຖວ (ຄົນທີ່ສູງທີ່ສຸດກ່ອນໄລ່ມາ) ວ່າໝວກທີ່ກຳລັງໃສ່ຢູ່ສີຫຍັງ, ຖ້າຄົນນ້ອຍຕອບຖືກຍັກຈະປ່ອຍຊີວິດ, ແຕ່ຖ້າຕອບຜິດ ຈະຂ້າແລ້ວຈັບກິນ. ຄົນນ້ອຍທຸກ ຄົນສາມາດໄດ້ຍິນຄຳຕອບຂອງຄົນນ້ອຍຜູ້ຢູ່ທາງຫລັງທັງໝົດ ແຕ່ບໍ່ສາມາດເຫັນ ຫລື ຮູ້ໄດ້ວ່າຄົນນ້ອຍທີ່ຕອບແລ້ວຖືກຂ້າ ຫລື ວ່າລອດຊີວິດ. ຖາມວ່າ : ຖ້າທ່ານວາງແຜນກັບຄົນນ້ອຍກ່ອນຖືກເອົາໝວກໃຫ້ໃສ່ໄດ້ ທ່ານມີວິທີແນວໃດທີ່ເຮັດໃຫ້ຄົນນ້ອຍລອດຊີວິດຫລາຍທີ່ສຸດ ແລະ ບອກແດ່ວ່າວິທີຂອງທ່ານຈະເຮັດໃຫ້ມີຄົນນ້ອຍສາມາດຢູ່ລອດຈຳນວນຢ່າງໜ້ອຍທີ່ສຸດຈັກຄົນ ?
- Amazon : ຖ້າທ່ານມາຈາກດາວອັງຄານ ທ່ານຄິດວ່າໂຕເອງຈະມີຂະບວນການແກ້ໄຂບັນຫາໃນບໍລິສັດແບບໃດ ?
- Testla Motors : ອະທິບາຍການເຮັດວຽກຂອງໄດນາໂມມິເຕີ (ເຄື່ອງວັດພະລັງງານ) ແບບໃຫ້ເດັກນ້ອຍອາຍຸ 8 ປີຟັງ ?
- PepsiCo : ທ່ານເຊື່ອເລື່ອງພະລັງເໜືອທຳມະຊາດ ຫລື ອຳນາດເບື້ອງເທິງບາງຢ່າງບໍ່, ມີເຫດຜົນຫຍັງທີ່ທ່ານເຊື່ອ ຫລື ບໍ່ເຊື່ອ ?
- Twitter : ຄິດວ່າມີເຫດຜົນຫຍັງແດ່ທີ່ເຮົາຈະບໍ່ຢາກຈ້າງທ່ານ ?
