ຄລ໊ອບ ຂູ່ຖອນຄາຣາບາວ ຖ້າບໍ່ໄດ້ວັນແຂ່ງທີ່ເໝາະສົມ
ເຈີເກັ້ນ ຄລ໊ອບ ຜູ້ຈັດ ການທີມ ລິເວີພູລ ລະບຸວ່າ: ລິ ເວີພູລ ອາດຈະຖອນຕົວຈາກ ຮອບ 8 ທີມສຸດທ້າຍຂອງ ຄາ ຣາບາວ ຄັບ ຖ້າຝ່າຍຈັດການ ແຂ່ງຂັນບໍ່ຫາວັນທີ່ເໝາະສົມ ໃຫ້ ເພາະຕາມກຳນົດເກົ່າ ໂປຣແກຣມໃນຮອບນັ້ນຂອງ ຄາຣາບາວ ຄັບ ມັນຈະຕຳ ກັບການແຂ່ງຂັນຊີງແຊ້ມສະ ໂມສອນໂລກ.
ເຈີເກັ້ນ ຄລ໊ອບ ຜູ້ຈັດ ການທີມ ລິເວີພູລ ສະໂມສອນ ຍັກໃຫຍ່ຂອງ ພຣີເມຍລີກ ອັງ ກິດ ເຕືອນວ່າທີມຂອງຕົນ ອາດຈະຖອນຕົວຈາກການ ລົງຫລິ້ນຮອບກ່ອນຮອງຊະ ນະເລີດຂອງການແຂ່ງຂັນ ຄາຣາບາວ ຄັບ ຖ້າ ອິງລິດ ບານເຕະ ລີກ (ອີເອັຟແອລ) ໜ່ວຍງານທີ່ຈັດການແຂ່ງຂັນ ລາຍການນີ້ບໍ່ສາມາດຫາວັນທີ່ເໝາະສົມໃຫ້ ລິເວີພູລ ໄດ້.
ໃນຮອບ 4 ຂອງ ຄາຣາ ບາວ ຄັບ ລິເວີພູລ ເປີດບ້ານ ແອນຟິວ ສະເໝີກັບ ອາເຊ ນອລ ໃນເວລາປົກກະຕິແບບ ສຸດມ່ວນ 5-5 ກ່ອນທີ່ເຈົ້າຖິ່ນ ຈະຊະນະໃນຊ່ວງດວນຈຸດ ໂທດ 5-4 ເຊິ່ງຕາມກຳນົດທີ່ ອີເອັຟແອລ ວາງເອົາໄວ້ນັ້ນ ການແຂ່ງຮອບ 8 ທີມສຸດ ທ້າຍຈະມີຂຶ້ນພາຍໃນອາທິດຂອງວັນຈັນທີ 16 ທັນວານີ້ ໂດຍຖ້າເບິ່ງຈາກທຳນຽມທີ່ ຜ່ານໆມາມັກຈະຈັດແຂ່ງໃນ ວັນອັງຄານ ຫລື ວັນພຸດ ມັນ ຈະເຮັດໃຫ້ຮອບກ່ອນຮອງ ຊະນະເລີດເຕະກັນໃນວັນອັງ ຄານທີ 17 ທັນວາ ແລະ ວັນ ພຸດທີ 18 ທັນວາ.
ເຖິງຢ່າງໃດກໍຕາມ ໃນ ທ້າຍປີນີ້ ລິເວີພູລ ມີຄິວລົງ ຫລິ້ນການແຂ່ງຂັນຊີງແຊ້ມ ສະໂມສອນໂລກ (ຟີຟາ ຄລັບ ເວິລ ຄັບ) ທີ່ປະເທດກາ ຕ້າເປັນເຈົ້າພາບ ໃນຖານະທີ່ ພວກເຂົາເປັນແຊ້ມ ຢູຟາ ແຊມປ້ຽນ ລີກ ໃນລະດູການ ກ່ອນ ໂດຍທີມຂອງ ຄລ໊ອບ ຕ້ອງລົງຫລິ້ນຮອບຮອງຊະ ນະເລີດຂອງລາຍການດັ່ງ ກ່າວໃນວັນທີ 18 ທັນວາ ແລະ ອີກ 3 ວັນຫລັງຈາກນັ້ນ ກໍຕ້ອງລົງຫລິ້ນນັດຊີງຊະນະ ເລີດ ຫລື ນັດຊີງທີ 3 ຕໍ່ອີກ.
