ແຂວງບໍ່ແກ້ວເກັບກູ້ເຂົ້ານາແຊງສຳເລັດແລ້ວ 100%

ພາຍຫລັງເລັ່ງເກັບກູ້ເຂົ້ານາແຊງຂອງຕົນຢ່າງເຄັ່ງຮ້ອນ ເພື່ອໃຫ້ທັນກັບລະດູການ ແລະ ກະກຽມເຂົ້າໃສ່ການຜະລິດເຂົ້າ ນາປີໄດ້ຮັບຜົນ ແລະ ມາຮອດປັດຈຸບັນທົ່ວແຂວງບໍ່ແກ້ວໄດ້ສຳເລັດແລ້ວ 100% .

ວິຊາການຂະແໜງສົ່ງເສີມກະສິກຳ ແລະ ສະຫະກອນ ແຂວງໃຫ້ຮູ້ວ່າ: ການຜະລິດເຂົ້າ ນາແຊງປີນີ້ ຕາມແຜນການແລ້ວ  ແມ່ນຈະໃຫ້ໄດ້ 2.850 ເຮັກຕາ,  ໃນ 5 ເມືອງແຕ່ຜ່ານການຈັດຕັ້ງປະຕິບັດຕົວຈິງໄດ້ 2.360 ເຮັກຕາເທົ່າກັບ 84% ຂອງຕົວເລກ ແຜນການໂດຍສະເລ່ຍສະມັດຕະ ພາບການເກັບກ່ຽວບັນລຸໄດ້ 3,3 ໂຕນຕໍ່ເຮັກຕາໃນນີ້ເມືອງຫ້ວຍຊາຍຜະລິດໄດ້ 2.366 ໂຕນ, ເມືອງຕົ້ນເຜິ້ງ 672 ໂຕນ, ເມືອງ ຜາອຸດົມ 4.793 ໂຕນ, ເມືອງ ປາກທາ 2.251 ໂຕນ.

ສຳລັບການຜະລິດເຂົ້ານາປີຈະສູ້ຊົນໃຫ້ໄດ້ໃນເນື້ອທີ່ 14.740 ເຮັກຕາ ຄາດວ່າຜົນຜະລິດຈະໄດ້ 65.500 ໂຕນ.