20 ຊາດເຂົ້າຮ່ວມເຊັນຂໍ້ຕົກລົງຕ້ານຂ່າວປອມ
ຮຽບຮຽງໂດນ: ລູກເມືອງພວນ
ໃນວັນທີ 26 ຕຸລານີ້ ຂ່າວສານຫວຽດນາມ TTXVN ໃຫ້ຮູ້ວ່າ: ໄດ້ມີ 20 ຊາດເຂົ້າຮ່ວມເຊັນສັນ ຍາຂໍ້ຕົກລົງຕ້ານຂ່າວປອມ, ໃນນັ້ນມີ ຝຣັ່ງ, ອັງກິດ ແລະ ອິນເດຍ ກໍໄດ້ເຂົ້າຮ່ວມເຊັນ ຂໍ້ຕົກລົງເພື່ອສະກັດກັ້ນ ພຶດຕິກຳເຜີຍແຜ່ຂ່າວປອມທາງອອນລາຍ.
ການເຊັນສັນຍາມີຂຶ້ນໃນຂະນະທີ່ເຂົ້າຮ່ວມກອງປະຊຸມໃຫຍ່ຄົບຄະນະຄັ້ງທີ 74 ຂອງອົງການສະຫະ ປະຊາຊາດທີ່ ນິວຢອກ ໂດຍການລິເລີ່ມຂອງສາມະຄົມນັກຂ່າວບໍ່ມີພົມແດນ (RSF), ເຊິ່ງຜູ້ເຂົ້າຮ່ວມ ເຊັນຂໍ້ຕົກລົງລ້ວນແຕ່ໃຫ້ ຄຳໝັ້ນສັນຍາວ່າຈະຊຸກຍູ້ໃຫ້ຂ່າວສານມີ “ຄວາມເປັນເອກະລາດ, ຫຼາກຫຼາຍ ສີສັນ ແລະ ມີຄວາມເປັນຈິງ” ໃນເຄືອຂ່າຍອິນເຕີ ແນັດ.
ອອກຄຳເຫັນໃນກອງປະຊຸມສະຫະປະຊາຊາດ ທ່ານ Jean – Yves Le Drian ລັດຖະມົນຕີການ ຕ່າງປະເທດ ຝຣັ່ງ ໄດ້ຍົກ ໃຫ້ເຫັນການປະກົດຕົວ ຂອງ ດີຈິຕອນ ໃນທົ່ວໂລກ ແລະ ກຳລັງເຮັດໃຫ້ຂໍ້ມູນ ຂ່າວສານໃນໂລກມີການ ປ່ຽນແປງຄັ້ງໃຫຍ່ ເຊິ່ງນຳ ມາຄວາມກ້າວໜ້າຢ່າງ ຫຼວງຫຼາຍ ແຕ່ກໍມີຄວາມ ສ່ຽງຫຼາຍປະການ. ບັນດາ ຂໍ້ມູນຂ່າວສານທີ່ບໍ່ມີມູນ ຄວາມຈິງ ໃນເຄືອຂ່າຍອິນ ເຕີແນັດ ໂດຍສະເພາະເຮັດ ໃຫ້ຄວາມເຊື່ອໝັ້ນຕໍ່ປະຊາທິປະໄຕ ໃນບັ້ນເລືອກຕັ້ງ ຕ່າງໆລຸດໜ້ອຍຖອຍລົງ.
ໃນອາທິດກ່ອນໜ້ານີ້, ເຄືອຂ່າຍສັງຄົມ ທະວິດເຕີ ໄດ້ລືບຫຼາຍພັນບັນຊີໃນທົ່ວໂລກ ເຊິ່ງເຜີຍແຜ່ຂໍ້ມູນ ປອມແປງ, ໃນນັ້ນມີບາງ ຂ່າວໄດ້ສ້າງຂ່າວຮືຮາຂຶ້ນມາເໝືອນກັບວ່າ ສະໜັບສະໜູນ ຊາອຸດີອາຣາເບຍ ໃຫ້ເປັນພາກສ່ວນໜຶ່ງຂອງສະໜາມຮົບ ໂຄສະນາຢູ່ໃນ ພາກພື້ນໃນລະຫວ່າງເດືອນ ສິງຫາ ຜ່ານມາ ເຟສບຸກກໍໄດ້ລຶບບັນຊີໃນເຄຼັກ, ຊາ ອຸດີອາຣາເບຍ ແລະ ບັນດາ ປະເທດໃນແຖບ ອາຣັບເອກະພາບ (UAE) ເພາະໄດ້ ບັນຈຸຂ່າວທີ່ຜິດຈາກຄວາມເປັນຈິງ, ໃນຂະນະທີ່ສື່ສັງ ຄົມໃຫຍ່ໆ ຈຳນວນໜຶ່ງກໍໄດ້ອອກແຮງສະກັດກັ້ນ ພຶດຕິກຳດັ່ງກ່າວຢ່າງແຂງແຮງ.
