ອັດຕະປື-ກອນຕູມ ຈະເພີ່ມທະວີຮ່ວມມືຊອກຄົ້ນອັດຖິທະຫານອາສາສະມັກ ແລະ ຊ່ຽວຊານຫວຽດນາມທີ່ເສຍຊີວິດໃນປາງສົງຄາມ
ໃນກອງປະຊຸມຜ່ານ ແຜນປະສານສົມທົບຊອກ ຫາ-ຂຸດຄົ້ນອັດຖິທະຫານອາສາ ສະໝັກ ແລະ ຊ່ຽວຊານ ຫວຽດນາມທີ່ເສຍສະຫລະ ຊີວິດໃນປາງສົງຄາມຢູ່ ແຂວງອັດຕະປືປະຈຳສົກປີ 2019-2020 ທີ່ຈັດຂຶ້ນເມື່ອ ບໍ່ດົນນີ້, ໄດ້ມີການລົງນາມ ລະ ຫວ່າງທ່ານ ອຸ່ນຫລ້າ ໄຊຍະສິດ ຮອງເຈົ້າແຂວງ, ຫົວໜ້າ ຄະນະປະຕິບັດງານພິເສດ ແຂວງອັດຕະປື ແລະ ທ່ານ ພັນເອກ ໂຮ່ແອັງຕ໋ວນຫົວໜ້າການເມືອງກອງບັນຊາການທະຫານແຂວງກອນຕູມ ສສ.ຫວຽດນາມ, ເພື່ອເພີ່ມທະ ວີຮ່ວມມືສອງຝ່າຍໃນການຊອກຫາ ແລະ ຂຸດຄົ້ນອັດຖືທະຫານອາສາສະມັກ ແລະ ຊ່ຽວຊານຫວຽດນາມ ທີ່ເສຍປາງສົງຄາມຢູ່ຂອບ ເຂດ 5 ຕົວເມືອງ, ຂອງ ແຂວງອັດຕະປືໃຫ້ສາມາດພົບເຫັນ 1-3 ສົບ, ໂດຍສະເພາະແມ່ນກອງປະຕິບັດງານພິເສດ ກາ 53 (K53) ທີ່ມາປະຕິບັດໜ້າທີ່ຢູ່ແຂວງ ອັດຕະປື, ສືບຕໍ່ເອົາໃຈໃສ່ ຊອກຫາຂໍ້ມູນແຫລ່ງຂ່າວຫລຸມຝັງສົບຈາກທ້ອງຖິ່ນ ໃຫ້ລະອຽດຊັດເຈນ ເພື່ອ ຮັບປະກັນການຊອກຄົ້ນໃຫ້ ມີປະສິດທິຜົນສູງ. ນອກນີ້, ສອງຝ່າຍຕົກລົງເປັນເອກະພາບປະຕິບັດຕາມເນື້ອໃນ ບົດບັນທຶກກອງປະຊຸມຄັ້ງທີ 24 ລະຫວ່າງຄະນະປະ ຕິບັດງານພິເສດລັດຖະບານລາວ ແລະ ຫວຽດນາມ ທີ່ ໄດ້ຮ່ວມລົງນາມໃນວັນທີ 2 ກໍລະກົດ 2019 ທີ່ນະຄອນຫລວງພະບາງ ສປປ ລາວ ກ່ຽວກັບວຽກງານຊອກຫາຂຸດຄົ້ນ ແລະ ເຄື່ອນຍ້າຍອັດ ຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫລະຊີວິດໃນປາງສົງຄາມຢູ່ລາວກັບຄືນ ປະເທດ.
